Kronika II, 9:19 - BAIBLO ALOO NGMAMI KLƆUKLƆU Ɔ

¹⁹ A puɛ jatahi nyɔngma kɛ enyɔ kɛ ma si ngɛ kpoku ekpa amɛ a nya hiɛ kɛ hiɛ; jata kake ngɛ kpoku kake nya hiɛ, nɛ jata kake hu ngɛ kpoku kake nya hiɛ. A pee we matsɛ sɛ nɛ ɔ eko hyɛ ngɛ matsɛ yemi he kpa ko.

Kronika II, 9:19 ပူးပေါင်းရင်းမြစ်များ

Kronika II, 9:18

Matsɛ sɛ ɔ ngɛ kpoku ekpa nɛ a kuɔɔ kɛ yaa he. A kpɛ nɔ́ nɛ a kɛ nane maa nɔ kɛ wo kpoku ɔmɛ a he, nɛ a kɛ sika tsu ha he. A pee kɔni enyɔ ngɔ wo matsɛ sɛ ɔ he hiɛ kɛ hiɛ, nɛ jata enyɔ daa si ngɛ a he; jata kake ngɛ hiɛ, nɛ jata kake hu ngɛ hiɛ.

Kronika II, 9:20

Matsɛ Salomo nyu numi kpluhi tsuo ɔ, sika tsu a kɛ pee mɛ. Níhi nɛ ngɛ Lebanon hue tsu ɔ mi hu sika tsu ngmingmiingmi sɔuu lɛ a kɛ pee mɛ; sika hiɔ be mi, ejakaa a bui sika hiɔ he akɔtaa ngɛ Salomo be ɔ mi.

Mateo 19:28

Yesu de mɛ ke, “Niinɛ, i ngɛ nyɛ dee ke, je he ɔ mi, benɛ Nɔmlɔ Bi ɔ maa hi e nyami sɛ ɔ nɔ ɔ, nyɛ hu nyɛ maa hi matsɛ sɛ nyɔngma kɛ enyɔ nɔ, nɛ nyɛ maa kojo Israel wɛtso nyɔngma kɛ enyɔ ɔmɛ.

Kpojemi 21:12

Gbogbo nɛ ti, nɛ ya hiɔwe saminya bɔle ma a kɛ kpe. Agbo nyɔngma kɛ enyɔ ngɛ he, nɛ bɔfohi nyɔngma kɛ enyɔ daa si ngɛ agbo ɔmɛ a nya. A ngma Israel wɛtso nyɔngma kɛ enyɔ ɔmɛ a biɛ ngɛ agbo ɔmɛ a nya.