Kronika II, 9:10 - BAIBLO ALOO NGMAMI KLƆUKLƆU Ɔ

¹⁰ Hiram tsɔli ɔmɛ, kɛ Salomo tsɔli ɔmɛ nɛ ngɔ sika tsu kɛ je Ofir kɛ ba a, ngɔ tsohi, kɛ tɛhi nɛ a he jua wa hu kɛ ba.

Kronika II, 9:10 ပူးပေါင်းရင်းမြစ်များ

Matsɛmɛ I, 10:11

Hiram lɛ ɔmɛ nɛ ngɔ sika tsu kɛ je Ofir kɛ ba a, a ngɔ tsohi, kɛ tɛhi nɛ a he jua wa hu babauu kɛ ba.

Matsɛmɛ I, 10:22

Matsɛ Salomo jua yemi lɛ ɔmɛ, kɛ Hiram ní ɔmɛ bla kɛ tsu ní ngɛ wo ɔ nɔ. Daa jeha etɛ ɔ, Salomo lɛ ɔmɛ ngɔɔ sika tsu, sika hiɔ, suɔ wu, siato, kɛ anguɛ kɛ baa we.

Kronika II, 2:8

I le kaa o tsɔli nɛ ngɛ Lebanon ɔ le tso hɛmi saminya. Lɔ ɔ he ɔ, ha nɛ a hɛ seda, sɛsɛo, kɛ algum tsohi ha mi. Ye tsɔli ɔmɛ ma ba piɛ o tsɔli ɔmɛ a he

Kronika II, 8:18

Matsɛ Hiram wo lɛ komɛ blɔ kɛ mane Salomo. Hiram nitsɛ we akua hluili nɛ a kɔni si wa hlui lɛ ɔmɛ; lɛ nɔuu e tsɔli ji ni nɛmɛ nɛ hyɛ a nɔ kɛ ya. A kɛ Salomo tsɔli ɔmɛ hlui lɛ kɛ ya Ofir zugba a nɔ, nɛ a ya ngɔ sika tsu kilo akpe nyɔngma kɛ enuɔ kɛ se ngɛ lejɛ ɔ kɛ ba ha Matsɛ Salomo.

Kronika II, 9:11

Salomo kɛ tso ɔ eko pee kpokuhi ngɛ Yawɛ we ɔ, kɛ matsɛ we ɔ mi, nɛ e kɛ eko hu pee kpa sakuhi, kɛ bɛhi kɛ ha lali ɔmɛ. Tso ɔmɛ nɛ a ngɔ kɛ ba a, a nɛ a henɔ ko hyɛ ngɛ Yuda zugba a nɔ.

Kronika II, 9:9

Enɛ ɔ se ɔ, Sheba manyɛ ɔ ke Matsɛ Salomo ní nɛ ɔmɛ nɛ e hɛɛ kɛ ba a: sika tsu nɛ jiɔmi ji kilo akpe eywiɛ kɛ se, tsopa kɛ e he via babauu, kɛ tɛ nɛ he jua wa. Tsopa kɛ e he via nɛ Sheba manyɛ ɔ ba ke Salomo ɔ, a nɛ eko hyɛ nɛ kɛ lɛ sɔ.

Abɛ Womi 31:14

E ya ngɔɔ niye ní kɛ jee tsitsaa kɛ baa kaa bɔ nɛ jua yelɔ ya ngɔɔ tlomi kɛ jee ma se lokoo kɛ baa a.