Kronika II, 9:1 - BAIBLO ALOO NGMAMI KLƆUKLƆU Ɔ

¹ Sheba manyɛ ɔ ba nu Salomo he sane, nɛ e hia blɔ kɛ ba Yerusalem, konɛ e ba ka lɛ kɛ sane bimihi nɛ a he wa. Benɛ e ma a, nihi babauu nitsɛ nyɛɛ e se kɛ ba. E kɛ afukpɔngɔhi nɛ a wo a se mi ní babauu hu ba. Ní nɛ ɔmɛ ji tsopa kɛ e he via, sika tsu, kɛ tɛ nɛ he jua wa. Benɛ manyɛ ɔ kɛ Salomo ba bua a, e bi Salomo munyuhi tsuo nɛ ngɛ e yi mi.

Kronika II, 9:1 ပူးပေါင်းရင်းမြစ်များ

Mose I, 10:28

Obal bi, Abimael bi, Sheba bi,

Mose I, 10:7

Kush nina ji Seba, Havila, Sabta, Raama, kɛ Sabteka bi. Raama nina ji Sheba kɛ Dedan bi.

Mose I, 25:3

Yokshan fɔ Sheba kɛ Dedan. Dedan nina ji Ashur bi, Letush bi, kɛ Leum bi.

Matsɛmɛ I, 4:31

E le ní pe nɔ tsuaa nɔ; e le ní pe Etan, Ezrahi no ɔ; e le ní pe Mahol binyumuhi, Heman, Kalkol, kɛ Darda; nɛ e he biɛ ngɛ je ma amɛ tsuo nɛ bɔle lɛ kɛ kpe ɔ a mi.

Kronika II, 1:1

Matsɛ David bi Salomo tsɛ yemi ɔ ya nɔ wawɛɛ nitsɛ. Yawɛ, e Mawu ɔ gbaa lɛ, nɛ e pee lɛ nɔmlɔ ngua.

Kronika II, 1:12

Enɛ ɔ he je ɔ, i ha mo nile, kɛ nɔ́ sisi numi. Jehanɛ, ma wo mo ní, nɛ ma ha mo june, kɛ biɛ nɛ matsɛ ko matsɛ ko na we hyɛ. O se hu matsɛ ko matsɛ ko be nae kɛ mo maa sɔ.”

Kronika II, 9:2

Salomo ha lɛ munyu ɔmɛ tsuo a heto; ekoeko be nɛ wa tsɔ ha lɛ nɛ e nyɛ we nɛ e ha heto.

Kronika II, 9:9

Enɛ ɔ se ɔ, Sheba manyɛ ɔ ke Matsɛ Salomo ní nɛ ɔmɛ nɛ e hɛɛ kɛ ba a: sika tsu nɛ jiɔmi ji kilo akpe eywiɛ kɛ se, tsopa kɛ e he via babauu, kɛ tɛ nɛ he jua wa. Tsopa kɛ e he via nɛ Sheba manyɛ ɔ ba ke Salomo ɔ, a nɛ eko hyɛ nɛ kɛ lɛ sɔ.

La 142:2

I ngɔ ye kɔmɔ ɔmɛ tsuo kɛ ba e hɛ mi; i de lɛ ye haomi ɔmɛ tsuo.

La 49:4

Ma bu tue nɛ ma nu abɛ ko, nɛ ma fia kpa saku kɛ tsɔɔ nya.

La 72:10

Matsɛmɛ nɛ je Spania, kɛ zugbahi nɛ wo bɔle mɛ ɔ a nɔ ɔ, á tsu to kɛ ba ha lɛ, nɛ Sheba, kɛ Seba matsɛmɛ ɔmɛ nɛ a ba ke lɛ ní!

La 72:15

Matsɛ ɔ yi nɛ na wami! Á ngɔ Arabia sika tsu kɛ ba ha lɛ! A kpa Mawu pɛɛ kɛ ha lɛ be tsuaa be, nɛ a bi gbaami ha lɛ daa ligbi!

La 78:2

Ma tu munyu ngɛ abɛ gbi mi; ma gba nyɛ blema nyakpɛ sanehi:

Abɛ Womi 1:6

konɛ a nyɛ nɛ a nu abɛhi, kɛ ní leli a munyuhi nɛ a mi kuɔ ɔ a sisi saminya.

Yesaya 60:6

Afukpɔngɔhi babauu ma ba bua a he nya ngɛ o ngɔ; a maa je Midian kɛ Efa. Sheba bi ɔmɛ maa ngɔ sika tsu, kɛ tsopa kɛ e he via kɛ ba, nɛ mɛ tsuo a ma ba je Yawɛ yi ngɛ ní kpakpahi nɛ e pee ha mɛ ɔ he!

Mateo 12:34

Nyɛ sinɔhi a nina! Nyɛ nimli yayamihi! Kɛ nyɛ maa pee kɛ tu munyu kpakpa kɛɛ? Ejakaa nɔ́ nɛ hyi tsui mi tɔ ɔ, lɔ ɔ nya deɔ.

Mateo 12:42

Kojomi ligbi ɔ, Sheba manyɛ ɔ maa te si nɛ e maa po nyɛ nya; ejakaa e hia blɔ kɛ je e ma mi tɔɔ kɛ ba bu Matsɛ Salomo nile munyuhi tue. Se i ngɛ nyɛ dee ke nɔ́ ko ngɛ hiɛ ɔ nɛ pe Salomo!

Mateo 13:11

Yesu he nɔ ke, “Nyɛɛ lɛɛ a kɛ hiɔwe matsɛ yemi ɔ mi laami sane ɔ ha nyɛ; se mɛɛ a kɛ ha we mɛ.

Mateo 13:35

E pee enɛ ɔ, konɛ e kɛ ha nɛ nɔ́ nɛ gbalɔ ɔ de ɔ nɛ ba mi ke, “I kɛ mɛ maa tu munyu ngɛ abɛ gbi mi. Níhi nɛ a ngɔ kɛ laa kɛ je be nɛ a to je ɔ sisi ɔ, ma fiɛ kɛ tsɔɔ mɛ.”

Mateo 2:11

A sɛ we ɔ mi, nɛ benɛ a na bimwɔyo ɔ, kɛ e nyɛ Maria a, a kpla si nɛ a ja bimwɔyo ɔ. A pɛne a kotoku ɔmɛ a nya, nɛ a ke lɛ ní: sika tsu, mimɛ, kɛ mire.

Luka 11:31

Kojomi ligbi ɔ, Sheba manyɛ ɔ maa da si, nɛ e maa ye odase kɛ si yi nɔ bi nɛ ɔmɛ tsuo. Ejakaa e hia blɔ kɛ je e zugba nɔ tsitsaa kɛ ba bu Matsɛ Salomo nile munyuhi tue. Se i ngɛ nyɛ dee ke, nɔ́ ko ngɛ hiɛ ɔ nɛ pe Salomo tete.

Samuel I, 1:15

Se Hana he nɔ ke, “Dɛbi, ye nyɔmtsɛ, i nui wai, loo dã ko nɛ nya wa. Yo nɛ e haomi kle ji mi, nɛ i kɛ ye haomi ɔ ba pue Yawɛ hɛ mi kɛ kue fami.