Kronika II, 8:6 - BAIBLO ALOO NGMAMI KLƆUKLƆU Ɔ

⁶ Ma kpahi nɛ Salomo dla po ji Baalat, mahi tsuo nɛ e toɔ ní ngɛ a mi ɔ, kɛ mahi he nɛmɛ nɛ e we okpɔngɔ ɔmɛ, kɛ ta zugba lɛ ɔmɛ ngɛ ɔ. E po mahi bɔ nɛ e suɔ ngɛ Yerusalem, kɛ Lebanon, kɛ e nɔ yemi he kpa amɛ.

Kronika II, 8:6 ပူးပေါင်းရင်းမြစ်များ

Lahi 4:8

Ye we ayɛflo, ba nɛ wa kple si kɛ je Lebanon yo ɔmɛ a nɔ; ha nɛ waa je Lebanon; waa je Amana yo ɔ yi mi; waa je Senir kɛ Hermon yo ɔmɛ a yi mi he nɛ jatahi kɛ ngatsɛhi hii ɔ.

Fiɛlɔ 2:4

I pee ní nguanguahi. I ma tsuhi, nɛ i pee wai ngmɔhi.

Kronika II, 17:12

Lɔ ɔ he ɔ, Yehoshafat na he wami pe sa a, nɛ e ma mɔhi, kɛ mahi ngɛ Yuda zugba a tsuo nɔ,

Kronika II, 8:4

nɛ e fia gbogbo ngɔ wo ma a nɛ a tsɛɛ Palmira a he ngɛ nga a nɔ. Mahi tsuo nɛ ngɛ Hamat nɛ a toɔ ní ngɛ a mi ɔ, Salomo dla po jamɛ a ma amɛ ehe.

Kronika II, 1:14

Salomo bua ta zugba lɛhi, kɛ ta okpɔngɔhi a nya, nɛ e na ta zugba lɛ akpe kɛ e nya lafa eywiɛ, kɛ ta okpɔngɔ akpe nyɔngma kɛ enyɔ. Ní nɛ ɔmɛ ekomɛ ngɛ e ngɔ ngɛ Yerusalem, nɛ e ngɔ ekomɛ hu ya to ma kpa komɛ a mi.

Matsɛmɛ I, 10:26

Salomo bua ta zugba lɛhi, kɛ ta okpɔngɔhi a nya; e na ta zugba lɛ akpe kɛ e nya lafa eywiɛ, kɛ ta okpɔngɔ akpe nyɔngma kɛ enyɔ. Ta okpɔngɔ ɔmɛ ekomɛ ngɛ e ngɔ ngɛ Yerusalem, nɛ e ngɔ ekomɛ hu ya to ma kpa komɛ a mi.

Matsɛmɛ I, 7:2

Tsuhi nɛ ngɛ matsɛ we ɔ mi ɔ, a tsɛɛ kake ke Lebanon hue tsu. E kami ji gugue nyingmi enyɔ kɛ enuɔ, e blimi gugue nyɔngma kɛ enyɔ kɛ fa, kɛ e hiɔwe yami gugue kpaago kɛ fa. Lebanon hue tsu nɛ ɔ ngɛ seda titimahi zã etɛ nɛ a kɛ seda plaihi ma a nɔ; seda titima nyɔngma kɛ enuɔ ngɛ zã tsuaa zã mi. A kɛ seda sɛu tsu ɔ nɔ kɛ be ngɛ nito he ɔmɛ nɛ maa si ngɛ titima amɛ a nɔ ɔ.

Yoshua 19:44

Elteke, Gibeton, Baalat,

Matsɛmɛ I, 9:1

Benɛ Salomo gbe Yawɛ we ɔ, kɛ matsɛ we ɔ, kɛ kɛ we kpahi nɛ e suɔ kaa e maa ma a tsuo a nya a,

Kronika II, 8:5

E po ma nɛ ɔmɛ hu ehe: Bet Horon nɛ ngɛ yiti je ɔ, kɛ Bet Horon nɛ ngɛ sisi je ɔ. E fia gbogbo ngɔ wo ma nɛ ɔmɛ a he, nɛ e wo a nya agbohi kɛ a se lami dade.

Kronika II, 8:7

Benɛ Israel bi ɔmɛ ya ngɔ Kanaan zugba a, Kanaan bi nɛ piɛ ngɛ lejɛ ɔ nɛ Israel bi ɔmɛ gbi mɛ ɔ ji nihi nɛ Matsɛ Salomo nyɛ a nɔ kɛ tsu ní tsumi kpakpataahi. Mɛ ji Hit bi, Amor bi, Periz bi, Hiv bi, kɛ Yebus bi; nɛ a nina ngɛ nyɔguɛ yee kɛ ba si mwɔnɛ ligbi nɛ ɔ.