Kronika II, 8:17 - BAIBLO ALOO NGMAMI KLƆUKLƆU Ɔ

¹⁷ Pee se ɔ, Salomo pue nɔ kɛ ho wo nya ma enyɔ komɛ a mi ya ngɛ Edom zugba a nɔ. Ma kake biɛ ji Eziongeber, nɛ kake hu biɛ ji Elat.

Kronika II, 8:17 ပူးပေါင်းရင်းမြစ်များ

Matsɛmɛ II, 14:22

Benɛ Uzia tsɛ gbo se ɔ, Uzia kpɔ Elat kɛ ha Yuda ekohu, nɛ e dla po ma a.

Mose V, 2:8

“Kɛkɛ nɛ wa pue nɔ; wa si blɔ nɛ yaa Elat kɛ Eziongeber ma amɛ a mi ɔ, nɛ wa gu Ngo wo ɔ nya blɔ. Jehanɛ, wa plɛ kɛ gu omleyi je, kɛ beleku je a kpɛti blɔ kɛ yaa Moab nga a nɔ.

Kronika II, 20:36

Yehoshafat kɛ Ahazia kpɛ jua yemi lɛhi ngɛ Eziongeber.

Matsɛmɛ II, 16:6

Jamɛ a be ɔ mi nɔuu ɔ, Edom matsɛ ɔ ya kpɔ Elat kɛ ha Edom, nɛ e fie Yuda bi ɔmɛ kɛ je Elat ma a mi. Edom bi ɔmɛ ba dumɔ Elat, nɛ a ngɛ lejɛ ɔ kɛ ba si mwɔnɛ ɔ.

Matsɛmɛ I, 22:48

Matsɛ Yehoshafat kpɛ lɛ nguanguahi nɛ woɔ tlomi, konɛ a hlui mɛ kɛ ya Ofir zugba a nɔ ya ngɔ sika tsu ba ha lɛ; se lɛ ɔmɛ ya ywia ngɛ Eziongeber, nɛ a nyɛ we nɛ a ya.

Mose IV, 33:35

A hia kɛ je Abrona, nɛ a ya to si ngɛ Ezeon Geber.

Kronika II, 8:16

Jehanɛ lɛɛ Salomo gbe e ní tsumi ɔmɛ tsuo a nya, kɛ je be nɛ a to Yawɛ we ɔ sisi kɛ ya si a ma lɛ kɛ gbe nya. A gbe ní tsumi ɔ tsuo nya kɛ manye.