Kronika II, 8:14 - BAIBLO ALOO NGMAMI KLƆUKLƆU Ɔ

¹⁴ Blɔ nya nɛ Salomo tsɛ, David to kɛ fɔ si ɔ, Salomo hyɛ jamɛ a blɔ nya tomi ɔ nɔ kɛ dla ní tsumi kɛ ha osɔfo ɔmɛ. E ngɔ Levi bi ɔmɛ a ní tsumi hu ngɔ wo a dɛ; mɛɛ a ní tsumi ji kaa a la kɛ je Yawɛ yi, nɛ a piɛ osɔfo ɔmɛ a he kɛ tsu a daa ligbi ní tsumi ɔmɛ. Jehanɛ, Yawɛ we ɔ agbo nya buli ɔmɛ hu Salomo dla mɛ ngɔ wo kuuhi a mi kɛ ha agbo slɔɔto ɔmɛ a nya bumi kaa bɔ nɛ Mawu nɔmlɔ, David fa ke a pee ɔ.

Kronika II, 8:14 ပူးပေါင်းရင်းမြစ်များ

Kronika I, 9:17

Yawɛ we ɔ he buli nɛ ba hi Yerusalem ji Shalum, Akub, Talmon, kɛ Ahiman. Shalum ji a nya dalɔ.

Nehemia 12:36

Ni kpahi nɛ je e weku ɔ mi nɛ nyɛɛ e se ji Shemaya, Azarel, Milalai, Gilalai, Maai, Netanel, Yuda, kɛ Hanani. Sakuhi nɛ Matsɛ David, nɛ a pɔɔ lɛ tsɛmi ke Mawu nɔmlɔ ɔ fiaa a, ni nɛ ɔmɛ tsuo hɛɛ jamɛ a saku ɔmɛ ekomɛ. Mlaa tsɔɔlɔ nɛ a tsɛɛ Ezra a, nyɛɛ kuu nɛ to ɔ a hɛ mi.

Nehemia 12:24

A dla Levi bi ɔmɛ a mi ngɔ wo kuuhi a mi. A nyatsɛmɛ ji Hashabia, Sherebia, Yeshua, Binui, kɛ Kadmiel. Kuu enyɔ ya buaa a he nya si kake kɛ laa kɛ jeɔ Mawu yi. Kuu kake jeɔ la a, nɛ enyɔne ɔ heɔ nɔ kaa bɔ nɛ Matsɛ David, Mawu nɔmlɔ ɔ to blɔ nya ha mɛ ke a pee ɔ.

Ezra 6:18

A to osɔfo ɔmɛ, kɛ Levi bi ɔmɛ ngɛ a we asafo kuu ɔmɛ a nya kɛ ha Mawu we ɔ sɔmɔmi ní tsumi ɔmɛ ngɛ Yerusalem, kaa bɔ nɛ a ngma ngɛ Mose mlaa womi ɔ mi ɔ.

Ni Tsumi 13:36

David ɔ, benɛ e tsu nɔ́ nɛ Mawu to ha lɛ ke e ba tsu ngɛ e be ɔ mi gbe nya a, e gbo, nɛ a pu lɛ ngɛ he nɛ a pu e nɛmɛ ɔmɛ ngɛ ɔ, nɛ e puɛ.

Ni Tsumi 13:22

Pee se ɔ, Mawu kpa Saulo, nɛ e wo David matsɛ ngɛ e nane mi. Odase nɛ Mawu ye ngɛ e he ji nɛ ɔ nɛ: ‘I ná Ishai bi David he bua jɔmi kaa nɔ ko nɛ maa pee ye suɔmi nya ní.’

Luka 1:8

Ligbi ko ɔ, Zakaria ya ngɛ osɔfo ní tsumi tsue ngɛ sɔlemi we ɔ. Jamɛ a be ɔ, e su a we osɔfo kuu ɔ nɔ kaa mɛ lɛ a ma sɔmɔ.

Luka 1:5

Benɛ Herode ngɛ matsɛ yee ngɛ Yudea a, osɔfo ko hi si nɛ e biɛ ji Zakaria. Osɔfohi a kuu nɛ a tsɛɛ Abiya a mi no ji lɛ. E yo biɛ ji Elizabet, nɛ lɛ hu Aaron nina ji lɛ.

Kronika II, 35:10

Benɛ a to blɔ nya kɛ ha Hetsɔmi ɔ gbe nya a, osɔfo ɔmɛ, kɛ Levi bi ɔmɛ ho ya da a blɔ hehi kaa bɔ nɛ matsɛ ɔ fa mɛ ke a pee ɔ.

Kronika II, 31:2

Matsɛ Hezekia kpale dla ní tsumi kɛ ha osɔfo ɔmɛ, kɛ Levi bi ɔmɛ, nɔ tsuaa nɔ kɛ e ní tsumi pɔtɛɛ. Ní tsumi slɔɔto ɔmɛ ji nɛ ɔmɛ nɛ: sami bɔ sami, tue mi jɔmi bɔ sami, sɔmɔmi ngɛ Yawɛ we ɔ, kɛ Yawɛ yi jemi kɛ si nami.

Kronika II, 23:4

Lɔ ɔ he ɔ, bɔ nɛ wa maa pee ji nɛ ɔ nɛ. Ke osɔfo ɔmɛ, kɛ Levi bi ɔmɛ ba ní tsumi Hejɔɔmi ligbi ɔ, a mi dlami etɛ mi kake ma ya bu Yawɛ we ɔ agbo ɔmɛ a nya,

Kronika II, 5:11

Osɔfo ɔmɛ tsuo nɛ ba bua a he nya a tsu a he, tsa pi ngɛ a kuu ɔmɛ a mi kɛkɛ. Levi bi, ni nɛmɛ nɛ ji lali ɔmɛ tsuo bu kploba saminyawiiwi. Mɛ ji Asaf, Heman, kɛ Yedutun, kɛ a bimɛ, kɛ a nyɛmimɛ. Levi bi ɔmɛ ya da si ngɛ bɔ sami la tɛ ɔ beleku je kɛ a dɛ mi ngmlɛhi, bɛhi, kɛ sakuhi. Osɔfohi lafa kɛ nyingmi enyɔ piɛ a he ngɛ lejɛ ɔ, nɛ mɛɛ lɛɛ a ngɛ titimati kpae. Titimati kpali ɔmɛ, ngmlɛ fiali ɔmɛ, kɛ saku fiali ɔmɛ piɛ lali ɔmɛ a he, nɛ mɛ tsuo a nya sɔ kɛ wo la a nɔ. A la kɛ je Yawɛ yi ke, “A je Yawɛ yi, ejakaa e hi, ejakaa e suɔmi ɔ ngɛ kɛ yaa neneene.” Benɛ osɔfo ɔmɛ ngɛ kpo jee ngɛ Yawɛ we ɔ mi ɔ, bɔku ba ha lejɛ ɔ tlukaa. Bɔku nɛ ɔ ngɛ kpɛe kaa Yawɛ hɛ mi nyami; enɛ ɔ he je ɔ, osɔfo ɔmɛ nyɛ we nɛ a kpale kɛ ya lejɛ ɔ nɛ a ya tsu ní.

Kronika I, 28:19

Matsɛ David de Salomo ke, “Foni ɔ nɛ Yawɛ nitsɛ ha nɛ a pee, nɛ e ngɔ ha mi nɛ ma hyɛ nɔ kɛ tsu ní ɔ, a ngma ní nɛ ɔmɛ tsuo kɛ wo mi.”

Kronika I, 23:1

Benɛ David ba bwɔ kotokoto ɔ, e wo e binyumu Salomo matsɛ ngɛ Israel ma a nɔ.

Kronika I, 16:42

Heman kɛ Yedutun a ní tsumi kpa hu ji a hyɛ titimati kpami, kɛ ngmlɛ kɛ saku fiami ɔ nɔ be mi nɛ a ngɛ yi jemi la amɛ lae ɔ. Agbo nya bumi ní tsumi ɔ, a kɛ ha Yedutun weku ɔ.

Matsɛmɛ I, 13:1

Ligbi ko ɔ, Yawɛ tsɔ gbalɔ ko kɛ je Yuda kɛ ho Betel ya. Benɛ e ya su lejɛ ɔ, Yeroboam daa si ngɛ bɔ sami la tɛ ɔ he nɛ e yaa sã tsopa kɛ e he via.

Samuel II, 23:2

Yawɛ mumi ɔ tuɔ munyu kɛ guu ye nɔ, nɛ e sɛ gbi ɔ ngɛ ye nya he.

Mose V, 33:1

Gbaami munyuhi nɛ Mawu nɔmlɔ, Mose kɛ gbaa Israel bi ɔmɛ loko e gbo ji nɛ ɔmɛ nɛ.

Kronika I, 16:37

David ngɔ Asaf kɛ e nyɛmimɛ Levi bi ɔmɛ ngɔ to jami ní tsumi ɔ nya ngɛ he nɛ a ngɔ somi daka a ya ma a. Daa ligbi ɔ, ní tsumi tsuaa ní tsumi nɛ hia kaa a tsu ngɛ lejɛ ɔ, a tsuɔ.

Kronika I, 24:1

Kuuhi a mi nɛ a gba Aaron nina kɛ wo ji nɛ ɔmɛ nɛ. Aaron binyumuhi ji Nadab, Abihu, Eleazar, kɛ Itamar.

Kronika I, 25:1

Matsɛ David kɛ asafoatsɛmɛ ɔmɛ ngɔ ní tsumi pɔtɛɛ komɛ ngɔ ha Levi weku nɛ ɔmɛ: Asaf, Heman, kɛ Yedutun. A ní tsumi ji a gba, nɛ a fia saku kɛ ngmlɛ ngɔ to he. Nihi nɛ a hla a, kɛ ní tsumihi pɔtɛɛ nɛ a ngɔ wo a dɛ ɔ ji nɛ ɔmɛ nɛ:

Kronika I, 26:1

Levi bi nɛ buu ngɛ Yawɛ we ɔ, bɔ nɛ a dla ní tsumi ngɔ ha mɛ ji nɛ ɔ nɛ. Ngɛ Kora weku ɔ mi ɔ, a hla Kore binyumu Meshelemia kɛ je Asaf we ɔ mi.

Kronika II, 8:15

Mlaahi nɛ David wo osɔfo ɔmɛ, kɛ Levi bi ɔmɛ, nɛ kɔɔ nito hehi, kɛ ní kpa komɛ a he ɔ, a ye a nɔ sisiisi.

Kronika II, 29:25

Mlaahi nɛ Yawɛ wo Matsɛ David kɛ gu lɛ David ɔ gbalɔ Gad, kɛ gbalɔ Natan a nɔ ɔ, Matsɛ Hezekia ye mlaa amɛ a nɔ pɛpɛɛpɛ. E ngɔ Levi bi ɔmɛ ya da si ngɛ Yawɛ we ɔ kɛ a dɛ mi gɔgɔhi, bɛhi, kɛ sakuhi

Kronika II, 35:4

Nyɛ ya hi nyɛ blɔ hehi ngɛ Yawɛ we ɔ we puɔ nya we puɔ nya kaa bɔ nɛ Israel matsɛ, David kɛ e bi Salomo dla ní tsumi ɔmɛ ngɔ ha nyɛ ɔ.

Kronika I, 9:24

Kpe he bo tsu agbo ɔmɛ peeɔ eywiɛ; agbo ɔ kake ngɛ beleku je, kake ngɛ bonyoku je, kake ngɛ omleyi je, kake hu ngɛ leneyi je; nɛ bulɔ nɔkɔtɔma kake ngɛ eko tsuaa eko nya.

Kronika I, 24:3

Matsɛ David gba Aaron nina mi kɛ wo kuuhi a mi, ngɛ ní tsumihi nɛ a tsuɔ ɔ nya. Nihi nɛ piɛ e he kɛ to blɔ nya nɛ ɔ ji Zadok, Eleazar nina a, kɛ Ahimelek, Itamar nina a.

Kronika II, 23:19

Yehoyada ngɔ buli hu ngɔ to Yawɛ we ɔ agbo ɔmɛ a nya, bɔ nɛ pee nɛ ke nɔ ko nɛ he tsɔ we hla kaa e maa sɛ mi ɔ, a ko ngmɛ lɛ blɔ.

Kronika II, 35:15

Lali ɔmɛ nɛ ji Asaf bimɛ ɔmɛ ya hi a blɔ hehi kaa bɔ nɛ Matsɛ David wo mlaa ke a pee ɔ. Mɛ ji Asaf, Heman, kɛ Yedutun, matsɛ ɔ gbalɔ ɔ. Agbo nya buli ɔmɛ ho ya da a blɔ hehi kaa bɔ nɛ a peeɔ daa a; mɛɛ lɛɛ e hia we kaa a si a ní tsumi ɔ, ejakaa a nyɛmimɛ Levi bi ɔmɛ ngɔ a blɔ fa mi nɔ́ ɔ kɛ ba ha mɛ.

Nehemia 12:25

Buli nɛ ɔmɛ ji nihi nɛ buu ngɛ nito hehi nɛ ngɛ sɔlemi we ɔ agbo ɔmɛ a nya: Matania, Bakbukia, Obadia, Meshulam, Talmon, kɛ Akub.