Kronika II, 8:13 - BAIBLO ALOO NGMAMI KLƆUKLƆU Ɔ

¹³ E sã sami bɔhi, kaa bɔ nɛ Mose mlaa a tsɔɔ kaa a pee nyami be ɔmɛ, Hejɔɔmi ligbihi, Nyɔhiɔhe nyami behi, kɛ nyami be etɛ ɔmɛ nɛ a yeɔ ngɛ jeha mi ɔ. Mɛ ji Abolokplolo nyami be, Ngmakpami nyami be, kɛ Gbasisihimi nyami be.

Kronika II, 8:13 ပူးပေါင်းရင်းမြစ်များ

Mose V, 16:16

“Israel ma a mi nyumu ɔmɛ tsuo kulaa nɛ a bua a he nya si etɛ ngɛ jeha mi ngɛ he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ. Be ɔmɛ ji Hetsɔmi nyami be, Ngmakpami nyami be, kɛ Gbasisihimi nyami be. Nɔ ko nɔ ko nɛ ko ba nyami nɛ ɔ kɛ e dɛ gu.

Ezekiel 45:17

Sami bɔ ɔmɛ, niye ní bɔ ɔmɛ, kɛ wai bɔ ɔmɛ nɛ a kɛ baa Nyɔhiɔhe nyami be, Hejɔɔmi ligbi, kɛ nyami be kpa amɛ tsuo nɛ Israel bi ɔmɛ yeɔ ɔ, ganɔ ɔ blɔ nya ji kaa e ha mɛ. Lɛ nɔuu lɛ e haa bɔ nɛ ɔmɛ nɛ a kɛ peeɔ kusumi kɛ kpataa Yawɛ kɛ haa Israel ma a: yayami pami bɔ, niye ní bɔ, sami bɔ, kɛ tue mi jɔmi bɔ.”

Matsɛmɛ I, 9:25

Si etɛ ngɛ jeha mi ɔ, Salomo sãã sami bɔ, kɛ tue mi jɔmi bɔ ngɛ bɔ sami la tɛ ɔ nɛ e puɛ kɛ ha Yawɛ ɔ nɔ. E sãã tsopa kɛ e he via hulɔ kɛ haa Yawɛ. Jehanɛ, Salomo gbe Yawɛ we ɔ nya.

Mose II, 34:22

“Moo ye Ngmakpami be ɔ be mi nɛ a ngɛ kpokploku kpɔe; nɛ o ye Gbasisihimi nyami be ɔ jeha a nyagbe.

Mose II, 34:23

“Daa jeha a, o ma a mi nyumu ɔmɛ tsuo nɛ a ba bua si etɛ ngɛ imi Yawɛ, Israel Mawu ɔ, ye hɛ mi.

Nehemia 8:17

Ni ɔmɛ nɛ kpale kɛ je ma se kɛ ba a tsuo ma gbahi nɛ a hi a sisi. Kɛ je Nun bi Yoshua yi nɔ kɛ ba su jamɛ a be ɔ, a pee we nɔ́ nɛ ɔ eko hyɛ; enɛ ɔ ji kekleekle gbahi, nɛ a ma. Lɔ ɔ he ɔ, mɛ tsuo a nɔ gbagba te, nɛ a bua jɔ wawɛɛ.

Kronika II, 2:3

Salomo tsɔ nɛ a kɛ sɛ gbi ya ha Tiro matsɛ, Hiram ke, “Kaa bɔ nɛ o kɛ tsaatsɛ David hi si, nɛ o ha lɛ seda tsohi nɛ e kɛ po we nɛ e hi mi ɔ, o kɛ mi nɛ hi si ja nɔuu.