Kronika II, 8:11 - BAIBLO ALOO NGMAMI KLƆUKLƆU Ɔ

¹¹ Salomo klɛ̃ e yo, Egipt matsɛ biyo ɔ kɛ je David ma a mi kɛ ho we ko nɛ e po ha lɛ ɔ mi ya. Salomo de ke, “E sɛ́ kaa ye yo ɔ hii Israel matsɛ, David we ɔ mi; ejakaa he tsuaa he nɛ Yawɛ somi daka a ba a, lejɛ ɔ peeɔ klɔuklɔu.”

Kronika II, 8:11 ပူးပေါင်းရင်းမြစ်များ

Matsɛmɛ I, 3:1

Salomo ya to Egipt matsɛ ɔ ngatsɛ. E ngɔ Farao ɔ biyo, nɛ e kɛ lɛ ba hi David ma a mi kɛ ya si be nɛ e ma matsɛ we ɔ, kɛ Yawɛ we ɔ gbe nya, nɛ́ e fia gbogbo ngɔ wo Yerusalem he.

Matsɛmɛ I, 7:8

Salomo hi he ɔ nitsɛ nɛ ngɛ kue kpa ko mi ngɛ kojomi kue ɔ se ɔ, e pee lɛ kaa tsu kpa amɛ nɔuu; nɛ e po jamɛ a we ɔ eko kɛ ha e yo nɛ ji Egipt matsɛ ɔ biyo ɔ.

Matsɛmɛ I, 9:24

Benɛ Farao ɔ biyo, nɛ ji Salomo yo ɔ klɛ kɛ je David ma a mi kɛ ho lɛ nitsɛ e we nɛ Salomo po ha lɛ ɔ mi ya a, jamɛ a be ɔ nɛ Salomo ma Milo mɔ ɔ nɛ.

Kronika II, 8:10

Matsɛ Salomo tsɔli nikɔtɔmahi nɛ ngɛ ní tsumi ɔmɛ a nya, nɛ a hyɛɛ ní tsumi slɔɔto ɔmɛ a nɔ ɔ, a hiɛmi ji lafa enyɔ kɛ nyingmi enuɔ.

Mose II, 29:43

Lejɛ ɔ ji he nɛ i kɛ Israel ma a maa kpe ngɛ, nɛ ye hɛ mi nyami kpɛmi maa pee lejɛ ɔ klɔuklɔu.

Mose II, 3:5

Mawu de lɛ ke, “Koo hɛ mo kɛ su hiɛ ɔ! Je o tokota a, ejakaa zugba klɔuklɔu nɔ o daa si ngɛ ɔ nɛ!”

Ezekiel 21:2

“Nɔmlɔ adesa, plɛ o hɛ mi kɛ kpee Yerusalem. Fiɛ tsɔɔ he klɔuklɔu ɔ, nɛ o gba kɛ si Israel zugba a ke,

2 Petro 1:18

Wɔ nitsɛmɛ wa nu gbi nɛ ɔ kɛ je hiɔwe, benɛ waa kɛ lɛ ngɛ yo klɔuklɔu ɔ nɔ ɔ.