Kronika II, 7:22 - BAIBLO ALOO NGMAMI KLƆUKLƆU Ɔ

²² Nɛ nihi ma he nɔ ke, ‘Ejakaa Israel ma a kua Yawɛ, a Mawu ɔ nɛ je mɛ kɛ je Egipt zugba a nɔ ɔ. A ngɔ a he ya mɛtɛ mawu kpahi a he; a ja mɛ, nɛ a sɔmɔ mɛ. Enɛ ɔ he je nɛ Yawɛ kɛ haomi nɛ ɔ ba a nɔ ɔ nɛ.’ ”

Kronika II, 7:22 ပူးပေါင်းရင်းမြစ်များ

Kronika II, 36:17

Enɛ ɔ he je ɔ, Yawɛ ngɔ Babilonia matsɛ ɔ kɛ ba tua mɛ. Babilonia matsɛ ɔ kɛ klaate gbe Yuda nihewi ɔmɛ ngɛ Yawɛ we ɔ mi po. E nɛ́ nɔ ko nɔ ko mɔbɔ, jokuɛyo jio, nɔkɔtɔma jio, yo jio, nyumu jio, hiɔtsɛ jio, nɔ nɛ ngɛ he wami jio. Mawu ngɔ mɛ tsuo pɛpɛɛpɛ ngɔ wo e dɛ mi.

Yeremia 1:16

Ma gbla ye ma a tue, ejakaa a pee yayami: a kua mi, a sã bɔ kɛ ha mawu kpahi, nɛ a ja mɛ nitsɛmɛ a nine nya níhi nɛ a pee.

Yeremia 16:11

Ke a bi mo ja a, de mɛ ke, Yawɛ ke, ‘Nyɛ nɛmɛ ɔmɛ je ye se nɛ a ya ja mawu kpahi, nɛ a sɔmɔ mɛ. A kua mi, nɛ ye mlaa amɛ hu a yi nɔ.

Yeremia 22:5

Se ke nyɛ yi ye mlaa amɛ a nɔ ɔ lɛɛ i ngɛ ye he kita kae kaa ja matsɛ we nɛ ɔ pee we doku kokooko. Imi, Yawɛ lɛ i de.’ ”

Ezekiel 14:23

Ke nyɛ na a jemi bami, kɛ a ní peepee ɔ, nyɛ maa le kaa i pee we ní nɛ ɔmɛ ngɛ lejɛ ɔ yaka.” Nyɔmtsɛ Yawɛ lɛ de.

Daniel 9:12

Bɔ nɛ o de to ke o maa pee wɔ, kɛ wa he nyɛli ɔmɛ ɔ, ja lɛ o pee wɔ nɛ ɔ nɛ. Haomi nɛ o kɛ ba Yerusalem ɔ, jamɛ a haomi ɔ eko bɛ ma kpa ko nɔ hyɛ ngɛ je ɔ mi.