Kronika II, 7:13 - BAIBLO ALOO NGMAMI KLƆUKLƆU Ɔ

¹³ Ke e ba mi kaa i tsi hiɔmi nya, aloo i ha nɛ baalɛ ba ye ní ngɛ zugba a nɔ, aloo i ha nɛ gbenɔ hiɔ ba sɛ ye ma mi bi ɔmɛ a kpɛti,

Kronika II, 7:13 ပူးပေါင်းရင်းမြစ်များ

Mose V, 11:17

Ke nyɛ pee ja a, Yawɛ mi mi ma fu nyɛ. E be hae nɛ hiɔmi maa nɛ hu, nɛ zugba a ma gbli, nɛ e be ní bae hu. Kɛkɛ ɔ, e be kɛe nɛ hwɔ ma kpata nyɛ hɛ mi ngɛ zugba kpakpa nɛ Yawɛ kɛ ngɛ nyɛ hae nɛ ɔ nɔ.

Kpojemi 11:6

Mawu ha mɛ he wami nɛ a ma nyɛ nga hiɔwe nya nɛ hiɔmi be nɛe be mi nɛ a ngɛ gbae ɔ. A ngɛ he wami ngɛ nyu nɔ kaa a ma ha nɛ nyu nɛ plɛ pee muɔ; a ngɛ he wami hulɔ kaa a kɛ gbenɔ hiɔ slɔɔtohi baa zugba a nɔ si abɔ nɛ a suɔ.

Kpojemi 3:7

“Bɔfo ɔ nɛ ngɛ asafo ɔ nya ngɛ Filadelfia a, ngmaa womi nɛ ɔ ya ha lɛ ke, “Sɛ gbi nɛ je nɔ klɔuklɔu nɛ yeɔ anɔkuale ɔ ngɔ ji nɛ ɔ nɛ. Lɛ nɛ e hɛɛ David safe ɔ nɛ. Ke e bli sinya a, nɔ ko nɔ ko be nyɛe ma nga; nɛ ke e nga a, nɔ ko nɔ ko be nyɛe ma bli.

Yoel 2:25

Ní nɛ baalɛ ɔmɛ ba ha nɛ a ye jeha babauu ɔ, ma ha nyɛ ekohu. Imi nitsɛ nɛ i je baalɛ slɔɔtoslɔɔtohi a ta nguaa nɛ ɔ kɛ wo nyɛ ɔ nɛ.

Hiob 12:14

Ke Mawu ku nɔ́ ko kɛ pue si ɔ, mɛnɔ ma nyɛ maa ma ekohu? Ke e nga nɔ ko yi kɛ wo tsu mi ɔ, mɛnɔ ma nyɛ ma bli lɛ?

Luka 4:25

“Nyɛɛ bu tue! Niinɛ, gbalɔ Eliya be ɔ mi ɔ, yalɔyihi babauu ngɛ Israel. Hiɔmi nɛ́ jeha etɛ kɛ fa sɔuu, nɛ hwɔ nɛ nya wa ba zugba a tsuo nɔ.

La 107:34

Zugba nɛ baa ní saminya a plɛ pee ngo zɔ zugba; ejakaa nihi nɛ hi lejɛ ɔ, yayami sɔuu a pee.

La 105:34

E tu munyu, nɛ baalɛhi ba babauu, baalɛ nguahi kɛ wawi nɛ hí kanemi.

Hiob 11:10

Ke Mawu ba nu mo nɛ e kɛ mo ba kojomi he ɔ, mɛnɔ maa tsi e nya?

Mose IV, 14:12

Ma ngɔ gbenɔ hiɔ kɛ fɔ a nɔ, nɛ ma kpata a hɛ mi. Se moo lɛɛ ma pee mo ma nguaa; ma nɛ kle pe mɛ, nɛ he wa pe mɛ hulɔ.”

Amos 4:7

Yawɛ ke, “Benɛ e piɛ nyɔhiɔ etɛ nɛ a ma kpa nyɛ ngmɔ niba ní ɔ, i tsi hiɔmi nya. I ha nɛ hiɔmi nɛ ngɛ ma ko mi, se ma kpa ko mi lɛɛ e nɛ́. Hiɔmi nɛ ngɔ pue ngmɔ ko nɔ, se ngmɔ ko lɛɛ e nɔ gbli.