Kronika II, 7:10 - BAIBLO ALOO NGMAMI KLƆUKLƆU Ɔ

¹⁰ E nɔ jena nɛ ji nyɔhiɔ kpaagone ɔ we ligbi nɛ ji nyingmi enyɔ kɛ etɛ ɔ, Salomo wo ma a blɔ, nɛ a je kɛ ho a wehi a mi ya. A bua jɔ a he, ejakaa Yawɛ gbaa e ma Israel, kɛ David, kɛ Salomo tsuo.

Kronika II, 7:10 ပူးပေါင်းရင်းမြစ်များ

Matsɛmɛ I, 8:66

Ligbi nɛ ji kpaanyɔ ɔ, Salomo ha ma a nane. Mɛ tsuo a je e yi saminya, nɛ a ho a wehi a mi ya kɛ bua jɔmi ngɛ ní kpakpahi tsuo nɛ Yawɛ pee ha e tsɔlɔ, David, kɛ e ma, Israel ɔ he.

Kronika II, 29:36

Matsɛ Hezekia kɛ ma a tsuo na bua jɔmi, ejakaa Mawu piɛ a he kɛ tsu ní nɛ ɔmɛ tsuo ngɛ be kuku mi.

Kronika II, 30:26

Yerusalem ma a mi pee hoo kɛ nyami sɔuu, ejakaa kɛ je Matsɛ Salomo, David binyumu ɔ yi nɔ ɔ, nɔ́ ko kaa kikɛ nɛ ɔ bɛ hyɛ.

Kronika II, 6:41

Yawɛ Mawu, jehanɛ lɛɛ moo te si nɛ o ba sɛ o we ɔ mi, he nɛ somi daka a nɛ tsɔɔ o he wami ɔ ngɛ ɔ. Moo gbaa o we osɔfo ɔmɛ kɛ yi wami hemi, konɛ nihi nɛ yeɔ mo anɔkuale ɔ nɛ a na bua jɔmi ngɛ ní kpakpahi nɛ o peeɔ kɛ haa mɛ ɔ a he.

Kronika II, 7:11

Jehanɛ lɛɛ Salomo ma Yawɛ we ɔ, kɛ matsɛ we ɔ gbe nya; nɔ́ tsuaa nɔ́ nɛ e to ke e maa pee ngɛ Yawɛ we ɔ, kɛ lɛ nitsɛ e we ɔ mi ɔ, e pee lɛ tsuo pɛpɛɛpɛ.

Kronika II, 7:9

A ye ligbi kpaago kɛ tsukɔ bɔ sami la tɛ ɔ he, nɛ Gbasisihimi nyami be ɔ hu a ye ligbi kpaago. Nyagbe ligbi ɔ, a bɔ gua klɛdɛɛ ko, nɛ a kɛ mu nyami be ɔ nya.

Nehemia 8:10

Mohu nyɛɛ ya nyɛ we ɔmɛ a mi, nɛ nyɛ ya ye ní kpakpa, nɛ nyɛɛ nu wai ngɔngɔɛ. Nyɛ nyɛmimɛ ɔmɛ nɛ a be eko ɔ, nyɛ ha mɛ eko. Mwɔnɛ ligbi nɛ ɔ ji ligbi klɔuklɔu ha Yawɛ nyɛ Mawu ɔ, lɔ ɔ he ɔ, nyɛ ko pee mɔbɔmɔbɔ. Bua jɔmi nɛ Yawɛ ngɛ nyɛ hae ɔ ma ha nɛ nyɛ ma na he wami.”

La 100:2

Nyɛ sɔmɔ Yawɛ kɛ bua jɔmi; nyɛɛ ba e hɛ mi kɛ bua jɔmi lahi!

La 105:3

Nyɛ ha nɛ wa bua nɛ jɔ wa he kaa Yawɛ níhi ji wɔ; nɔ tsuaa nɔ nɛ jaa lɛ ɔ, e nya!

La 106:5

Ha nɛ ma na bɔ nɛ o ma mi bi ɔmɛ a he mi jɔ mɛ ha, konɛ bua jɔmi nɛ ba ma a mi ɔ, imi hu ma piɛ a he kɛ nya.

La 32:11

Nyɛ dali, nɔ́ nɛ Yawɛ pee ha nyɛ ɔ he je ɔ, nyɛ nya nɛ nyɛ bua nɛ jɔ nyɛ he. Nyɛ nihi nɛ nyɛ buɔ lɛ tue, nyɛ hwɔ lele.

La 92:4

Yawɛ, o ní tsumi ɔmɛ haa mi bua jɔmi; Ma la kɛ bua jɔmi ngɛ o nine nya ní tsumi ɔmɛ a he.

Mose II, 18:1

Mose ngatsɛ Yetro, Midian osɔfo ɔ nu níhi tsuo nɛ Mawu pee ha Mose kɛ e ma Israel ɔ he, kɛ bɔ nɛ Yawɛ je mɛ kɛ je Egipt.

Ezekiel 45:25

“A je Gbasisihimi nyami be ɔ yemi sisi kɛ je nyɔhiɔ kpaago ɔ we ligbi nyɔngma kɛ enuɔne ɔ. Ke be ɔ su ɔ, ganɔ ɔ nɛ ngɛ ma a nɔ yee ɔ maa sã jamɛ a bɔ ɔmɛ nɔuu daa ligbi otsi ɔ mi tsuo. A maa sã lohwe ɔ tsuo kɛ ha yayami pami; nɛ a kɛ blɛfo, kɛ oliv nu maa piɛ he.”

Ni Tsumi 16:34

Kɛkɛ nɛ e ngɔ Paulo kɛ Sila kɛ ya e we ɔ mi, nɛ e ya ha mɛ ní nɛ a ye. E kɛ e we ɔ tsuo nya kaa jehanɛ ɔ e he Mawu ye.

Ni Tsumi 2:46

Daa ligbi ɔ, a ya kpee ngɛ sɔlemi we ɔ, nɛ a buaa a he nya kɛ ya kuɔ abolo ngɛ a sibi a we mi, nɛ a kɛ bua jɔmi nɛ je tsui mi faa yeɔ ní.

Mose V, 12:12

Nyɛɛ kɛ nyɛ bimɛ ɔmɛ, nyɛ tsɔli nyumu ɔmɛ, nyɛ mawayi ɔmɛ, kɛ Levi bi ɔmɛ nɛ ngɛ nyɛ ma amɛ a mi ɔ tsuo nyɛ nya ngɛ Yawɛ, nyɛ Mawu ɔ hɛ mi; nyɛ kai kaa Levi bi ɔmɛ lɛɛ a be zugba ko nae kaa mɛ nitsɛmɛ a nɔ́.

Mose V, 12:18

Nyɛɛ kɛ nyɛ bimɛ ɔmɛ, nyɛ sɔmɔli ɔmɛ, kɛ Levi bi ɔmɛ nɛ ngɛ nyɛ ma amɛ a mi ɔ, nyɛɛ ye bɔ sami ní nɛ ɔmɛ ngɛ Yawɛ, nyɛ Mawu ɔ hɛ mi pɛ, ngɛ he kake ɔ nɛ e to nɛ a ja lɛ Yawɛ, nyɛ Mawu ɔ ngɛ ɔ. Nyɛɛ kɛ bua jɔmi nɛ pee nɔ́ tsuaa nɔ́ ngɛ Yawɛ, nyɛ Mawu ɔ hɛ mi ngɛ lejɛ ɔ.

Mose V, 12:7

Nyɛɛ kɛ nyɛ we ɔmɛ tsuo maa ye ní ngɛ lejɛ ɔ, nɛ nyɛ bua maa jɔ niba ní kpakpahi nɛ Yawɛ, nyɛ Mawu ɔ kɛ gbaa nyɛ dengme gbomi nɔ ha nyɛ ɔ a he.

Mose V, 16:11

Nyɛɛ kɛ nyɛ bimɛ ɔmɛ, nyɛ mawa amɛ, Levi bi ɔmɛ, kɛ yalɔyi ɔmɛ nɛ ngɛ nyɛ ma amɛ a mi ɔ nyɛ bua nɛ jɔ, nɛ nyɛ nya ngɛ Yawɛ, nyɛ Mawu ɔ hɛ mi. Nyɛɛ pee enɛ ɔ ngɛ he kake nɛ Yawɛ, nyɛ Mawu ɔ to nɛ a ja lɛ ngɛ ɔ.

Mose V, 16:14

Nyɛɛ kɛ nyɛ bimɛ ɔmɛ, nyɛ sɔmɔli ɔmɛ, Levi bi ɔmɛ, nibwɔ ɔmɛ, awusa amɛ, kɛ yalɔyi ɔmɛ nɛ ngɛ nyɛ ma amɛ a mi ɔ tsuo nyɛɛ ye nyami be nɛ ɔ.

Filipibi 4:4

Kaa nihi nɛ ngɛ Nyɔmtsɛ ɔ mi ɔ, nyɛ bua nɛ jɔ daa! I ngɛ dee ekohu ke, nyɛ bua nɛ jɔ!