Kronika II, 7:1 - BAIBLO ALOO NGMAMI KLƆUKLƆU Ɔ

¹ Benɛ Matsɛ Salomo gbe e kue fami ɔ nya a, la je hiɔwe ba sã sami bɔ ɔ, kɛ bɔ kpa amɛ, nɛ Yawɛ hɛ mi nyami ɔ ba hyi we ɔ tɔ.

Kronika II, 7:1 ပူးပေါင်းရင်းမြစ်များ

Matsɛmɛ I, 18:38

Kɛkɛ nɛ Yawɛ ha la je hiɔwe ba sã sami bɔ ɔ, kɛ lɛ́ ɔ, kɛ tɛ ɔmɛ, kɛ tabo zu ɔ, nɛ e mii nyu ɔ nɛ ngɛ muɔ ɔ mi ɔ hulɔ.

Kronika I, 21:26

E ma bɔ sami la tɛ kɛ ha Yawɛ ngɛ lejɛ ɔ, nɛ e sã sami bɔhi, kɛ tue mi jɔmi bɔhi. E fa kue ha Yawɛ, nɛ Yawɛ bu e kue fami ɔ tue. Yawɛ ha nɛ la je hiɔwe ba sã ní ɔmɛ ngɛ bɔ sami la tɛ ɔ nɔ.

Matsɛmɛ I, 18:24

Lɔ ɔ se ɔ, Baal gbali ɔmɛ nɛ a fa kue ha a mawu ɔ, konɛ imi hu ma fa kue ha Yawɛ, nɛ mawu nɛ ma ha la maa ba a, lɛ ji Mawu.” Ma a tsuo he nɔ ke, “Saminya!”

Ezekiel 44:4

Lɔ ɔ se ɔ, nyumu ɔ kɛ mi ya gu omleyi je agbo ɔ mi kɛ ba we ɔ hɛ mi, nɛ i na Yawɛ hɛ mi nyami ɔ nɛ hyi we ɔ tɔ. I ngɔ ye hɛ mi kɛ bu si.

Ezekiel 43:5

Yawɛ mumi ɔ wo ye nɔ, nɛ e kɛ mi ya ma mi mi je kue ɔ mi. E hɛ mi nyami ɔ hyi we ɔ tɔ.

Mose I, 15:17

Benɛ pu nɔ si nɛ du bu ɔ, ngɛyu kɛ e mi la su ku, kɛ la lilɛ ba, nɛ e gu lohwe ɔmɛ nɛ a poo a mi ɔ a kpɛti kɛ be.

Manyadali 6:21

Kɛkɛ nɛ Yawɛ bɔfo ɔ kpã e nine mi, nɛ e kɛ tso ɔ nɛ e hɛɛ ɔ nya sa lo ɔ kɛ abolo kplolo ɔ he. La je tɛ sa a mi sã lo ɔ, kɛ abolo kplolo ɔ. Kɛkɛ nɛ Yawɛ bɔfo ɔ laa.

Kpojemi 21:23

Pu, loo nyɔhiɔ nɛ ma kpɛ he hia we ngɛ ma a mi; ejakaa Mawu hɛ mi nyami ɔ ji la nɛ kpɛɔ ngɛ ma a mi, nɛ To bi ɔ ji e kane.

Ni Tsumi 4:31

Benɛ a sɔle kikɛ ɔ, he nɛ a bua ngɛ ɔ mimiɛ, nɛ Mumi Klɔuklɔu ɔ ba mɛ tsuo a nɔ saminya, nɛ a ngɔ kã kɛ jaje Mawu munyu ɔ.

Daniel 9:20

I ya nɔ nɛ i sɔle. I jaje ye he yayami, kɛ ye ma Israel ɔ hu he yayami, nɛ i kpa Yawɛ, ye Mawu ɔ pɛɛ ke e to e we klɔuklɔu ɔ si ekohu.

Yesaya 65:24

Loko a ma tsɛ mi ɔ, i he nɔ momo; benɛ a ngɛ kue fae ha mi nɛ a gbi nya lolo ɔ, i nu momo.

Mose II, 29:43

Lejɛ ɔ ji he nɛ i kɛ Israel ma a maa kpe ngɛ, nɛ ye hɛ mi nyami kpɛmi maa pee lejɛ ɔ klɔuklɔu.

Mose II, 19:18

Sinai yo ɔ tsuo hyi kɛ la su ku; ejakaa Yawɛ kple si kɛ ba yo ɔ nɔ ngɛ la mi. La su ku ɔ ngɛ si tee kɛ ngɛ hiɔwe yae kaa buɛsa he la su ku, nɛ yo ɔ tsuo mimiɛ wawɛɛ nitsɛ.

Malaki 3:4

Nike ní nɛ Yuda ma a, kɛ Yerusalem bi ɔmɛ ma ba ha Yawɛ ɔ, ja jã loko nike ní ɔ maa sa e hɛ mi kaa sa a.

Matsɛmɛ I, 9:1

Benɛ Salomo gbe Yawɛ we ɔ, kɛ matsɛ we ɔ, kɛ kɛ we kpahi nɛ e suɔ kaa e maa ma a tsuo a nya a,

La 26:8

Yawɛ, i suɔ o hi he ɔ. I suɔ o we ɔ, he nɛ o hɛ mi nyami ɔ ngɛ ɔ.