Kronika II, 6:6 - BAIBLO ALOO NGMAMI KLƆUKLƆU Ɔ

⁶ Se jehanɛ lɛɛ i hla Yerusalem, konɛ a ja mi ngɛ lejɛ ɔ; i hla mo David hulɔ, nɛ o ye ye ma Israel ɔ nɔ.’ ”

Kronika II, 6:6 ပူးပေါင်းရင်းမြစ်များ

Matsɛmɛ II, 21:4

Yawɛ we ɔ ngɛ Yerusalem, he nɛ Yawɛ ke a ja lɛ pɛ ngɛ ɔ, Manase puɛ bɔ sami la tɛhi ngɛ lejɛ ɔ.

Matsɛmɛ II, 21:7

Ashera amaga a nɛ e pee ɔ, e ngɔ ya ma Yawɛ we ɔ. Yawɛ kɛ David, kɛ e binyumu Salomo tu we nɛ ɔ he munyu hyɛ, nɛ e de ke, “I hla we nɛ ɔ ngɛ Yerusalem kɛ je Israel wɛtso ɔmɛ tsuo a kpɛti ngɔ to kaa he nɛ sa nɛ a ja mi ngɛ daa.

Kronika I, 17:5

Kɛ je ligbi ɔ nɛ i ya kpɔ Israel ma a kɛ je Egipt kɛ ba si mwɔnɛ ligbi nɛ ɔ, i hí we ko mi hyɛ; bo tsu ji we nɛ i hii mi ngɛ he tsuaa he nɛ i yaa.

Kronika I, 17:7

“Lɔ ɔ he ɔ, mo de ye tsɔlɔ David ke, imi Yawɛ Tabohiatsɛ ɔ, i ngɛ lɛ dee ke, ‘Imi nɛ i ya ngɔ mo kɛ je to lɛmi he ngɛ nga a nɔ, nɛ i ba pee mo ye ma, Israel ganɔ.

Kronika I, 28:4

Yawɛ, Israel Mawu ɔ hla imi, kɛ ye nina kaa waa ye Israel nɔ matsɛ kɛ ya neneene. Yawɛ hla Yuda wɛtso ɔ, nɛ e pee mɛ hɛ mi nyɛɛli. Jehanɛ, e hla tsaatsɛ we ɔ, nɛ ngɛ tsaatsɛ bimɛ ɔmɛ a kpɛti ɔ, e ná ye he bua jɔmi, nɛ e wo mi Israel tsuo nɔ matsɛ.

Kronika II, 12:13

Rehoboam matsɛ yemi ɔ ba he si ngɛ Yerusalem. E ye jeha nyingmi eywiɛ kɛ kake benɛ e bɔni matsɛ yemi, nɛ e hi Yerusalem kɛ ye matsɛ jeha nyɔngma kɛ kpaago. Yerusalem ji ma nɛ Yawɛ hla kɛ je Israel zugba a tsuo nɔ kaa he nɛ a ja lɛ ngɛ. Rehoboam nyɛ biɛ ji Naama; e je Amon zugba a nɔ.

Kronika II, 20:8

O ma a ba hi zugba a nɔ hiɛ ɔ, nɛ a po we kɛ wo o hɛ mi nyami. A le

Kronika II, 30:8

Nyɛ ko wa tue kaa bɔ nɛ nyɛ nɛmɛ ɔmɛ pee ɔ; mohu ɔ, nyɛɛ bu Yawɛ tue. Nyɛɛ ba Yawɛ we ɔ ngɛ Yerusalem, we nɛ e pee klɔuklɔu kɛ yaa neneene ɔ. Nyɛ ba ja lɛ ngɛ lejɛ ɔ, konɛ e mi mi nɛ fu nyɛ wawɛɛ ɔ se nɛ po.

Kronika II, 33:4

Yawɛ we ɔ ngɛ Yerusalem, he nɛ Yawɛ to nɛ a ja lɛ ngɛ daa a, Manase puɛ bɔ sami la tɛhi ngɛ lejɛ ɔ kɛ ha Baal ɔmɛ.

Kronika II, 6:20

Bu we nɛ ɔ he nyɔ kɛ pia. O wo si kaa hiɛmɛ nɛ ɔ ji he nɛ a ma ja mo ngɛ. Lɔ ɔ he ɔ, ke i plɛ ye hɛ mi ngɔ kpee we nɛ ɔ nɛ i fa kue ha mo ɔ, moo bu mi tue.

Kronika II, 6:5

‘Kɛ je be nɛ i jé ye ma Israel kɛ je Egipt ɔ, i hla we ma ko ma ko kɛ ji Israel wɛtso ko mi nɛ a po we ha mi, nɛ a ja mi ngɛ lejɛ ɔ; nɛ i hla we nɔ ko nɔ ko nɛ ba ye ganɔ ngɛ ye ma Israel ɔ nɔ.

Kronika II, 7:16

ejakaa imi lɛ i hla we nɛ ɔ, nɛ i tsukɔ he, konɛ a ja mi ngɛ hiɛ ɔ kɛ ya neneene. Ma hyɛ we ɔ nɔ, nɛ ma bu he daa.

Ezra 7:16

Ngɔɔ ní nɛ ɔmɛ hu kɛ piɛ he: sika hiɔ, sika tsu tsuo nɛ o ma bua nya ngɛ Babilonia zugba a nɔ, kɛ nike níhi nɛ Israel ma a, kɛ osɔfo ɔmɛ wo si kaa a ma ha kɛ je a tsui mi faa a; nɛ o ngɔ lɛ tsuo kɛ ya Mawu we ɔ nɛ ngɛ Yerusalem ɔ.

La 122:2

Yerusalem, jehanɛ lɛɛ wa ba sɛ o we agbo ɔmɛ a mi!

La 132:13

Yawɛ nitsɛ lɛ suɔ nɛ e hla Zion kaa lejɛ ɔ nɛ e maa hi.

La 48:1

Yawɛ kle, nɛ e sa kaa a je e yi saminya. A je e yi ngɛ wa Mawu ɔ ma a mi ngɛ yo klɔuklɔu ɔ nɔ.

Mose II, 20:24

Nyɛɛ ngɔ zu kɛ puɛ bɔ sami la tɛ ha mi, nɛ nyɛɛ ngɔ jijɔ, kɛ na kɛ pee sami bɔ, kɛ tue mi jɔmi bɔ ngɛ nɔ. He tsuaa he nɛ i fa nyɛ ke nyɛ ja mi ngɛ ɔ, ma ba lejɛ ɔ nɛ ma ba gbaa nyɛ.

Yesaya 14:32

Mɛni heto wa ma ha tsɔli ɔmɛ nɛ je Filistia kɛ ba a? Wa ma de mɛ ke Yawɛ to Zion sisi saminya, nɛ e ma a nɛ ngɛ amanehlu nae ɔ, a tue mi maa jɔ mɛ ngɛ lejɛ ɔ.

Zakaria 2:12

Jehanɛ, Yawɛ maa ngɔ Yuda kaa e nɔ́ nɛ he hia saminya ngɛ e zugba klɔuklɔu ɔ nɔ, nɛ Yerusalem maa pee ma nɛ e suɔ pe kulaa ekohu.

Zakaria 3:2

Yawɛ de Abosiami ke, “Abosiami, Yawɛ nɛ wo mo hiɔ! Yawɛ, nɔ nɛ hla Yerusalem kɛ pee e nɔ́ ɔ nɛ wo mo hiɔ. Nyumu nɛ ɔ, anɛ pi la tso nɛ ngɛ tsoe nɛ a hia kɛ je la nya nɛ ɔ.”

Samuel I, 16:1

Yawɛ bi Samuel ke, “Mɛni be o maa ye Saul he kɔmɔ kɛ yaa si? O nɛ kaa i kua lɛ kaa matsɛ ngɛ Israel lo? Wo o koli ɔ mi nu nɛ e hyi tɔ, nɛ ma tsɔ mo Betlehem no, Ishai ɔ ngɔ; ejakaa i hla ye matsɛ ɔ kɛ je e binyumu ɔmɛ a kpɛti.”