Kronika II, 6:40 - BAIBLO ALOO NGMAMI KLƆUKLƆU Ɔ

⁴⁰ “Ye Mawu lee, i kpa mo pɛɛ nɛ o ba o tue si ha wɔ nɛ o hyɛ wɔ, konɛ ke nɔ ko ba fa kue ha mo ngɛ hiɛmɛ nɛ ɔ, o bu tue.

Kronika II, 6:40 ပူးပေါင်းရင်းမြစ်များ

La 116:2

Akɛnɛ e buɔ mi tue he je ɔ, ma tsɛ lɛ ye wami be tsuo.

Kronika II, 7:15

Ma bu we nɛ ɔ he daa, nɛ kue nɛ a maa fa ha mi ngɛ hiɛmɛ nɛ ɔ, ma nu,

La 17:1

Yawɛ, moo piɛ ye he koo! Hyɛ kaa i yeɔ anɔkuale, nɛ i sisi we nɔ. Lɔ ɔ he ɔ, i kpa mo pɛɛ nɛ o bu kue nɛ i ngɛ fae kɛ hɛdɔ nɛ ɔ tue.

Nehemia 1:6

Yawɛ, moo hyɛ mi, nɛ o ba o tue si ha mi. Kue nɛ i ngɛ fae ha mo nyɔ kɛ pia kɛ ha o tsɔli ɔmɛ nɛ ji Israel bi ɔmɛ ɔ, moo bu tue. I ngɛ jajee ke wɔ Israel ma a, wa pee yayami. I kɛ ye nɛmɛ ɔmɛ tsuo wa pee yayami.

Nehemia 1:11

I kpa mo pɛɛ Nyɔmtsɛ, moo ba o tue si nɛ o nu ye kue fami, kɛ tsɔli ɔmɛ tsuo nɛ suɔ kaa a maa wo o biɛ ɔ hɛ mi nyami ɔ a kue fami ɔmɛ. Ha ma ye manye mwɔnɛ ɔ, nɛ o ha matsɛ ɔ nɛ na mi mɔbɔ.” Jamɛ a be ɔ mi ɔ, imi ji matsɛ ɔ dã wolɔ.

Yesaya 37:17

Yawɛ, wa kpa mo pɛɛ jehanɛ, mo bli o hɛngmɛ nɛ o hyɛ nɔ́ nɛ a ngɛ wɔ pee! Yawɛ, mo ta tue nɛ o nu munyuhi nɛ Senakerib ngɛ tue kɛ ngɛ mo, Mawu hɛ kalɔ ɔ, o he guɛ gbee!

La 88:1

Yawɛ Mawu, ye yi wami helɔ! Nyɔ kɛ pia tsuo i foɔ ya ngɛ o hɛ mi.

La 34:15

Yawɛ hɛngmɛ ngɛ dali a he, nɛ e buɔ a kue fami tue.

La 31:2

Moo bu mi tue koo! Mo he ye yi wami esɔ! Moo pee ye tɛ sa, nɛ o bu ye he! Moo pee ye mɔ, nɛ o he ye yi wami!

La 13:3

Yawɛ, ye Mawu! Moo hyɛ mi, nɛ o ha mi heto. Ha mi nɔmlɔ tso he wami, konɛ ma ko gbo.

La 7:3

Yawɛ, ye Mawu! Ke i pee nɔ ko yayami, aloo i wa ye he nyɛlɔ yi mi yaka gu, ke i pee nɔ́ ko kaa kikɛ nɛ ɔ,

Kronika II, 16:9

Yawɛ hɛngmɛ ngɛ je ɔ tsuo he; nihi nɛ yeɔ lɛ anɔkuale ɔ, e woɔ mɛ he wami. O je kuasia. Lɔ ɔ he ɔ, kɛ je mwɔnɛ ɔ kɛ yaa a, ta maa nyɛɛ o se daa nɛ.”

Matsɛmɛ I, 8:52

“Yawɛ Mawu lee, moo hyɛ o ma Israel, kɛ a matsɛ ɔ, nɛ o na mɛ mɔbɔ; be tsuaa be nɛ a maa fa kue ha mo ɔ, moo bu mɛ tue.

Matsɛmɛ I, 9:3

Yawɛ de lɛ ke, “I nu o kue fami ɔ. I pee we nɛ o po nɛ a ja mi ngɛ mi nɛ ɔ klɔuklɔu kɛ yaa neneene. Ma hyɛ we ɔ nɔ, nɛ ma bu he daa.

Matsɛmɛ II, 19:16

Yawɛ, mo bli o hɛngmɛ nɛ o hyɛ nɔ́ nɛ a ngɛ wɔ pee! Yawɛ, mo ta tue nɛ o nu munyuhi nɛ Senakerib ngɛ tue kɛ ngɛ mo Mawu hɛ kalɔ ɔ, o he guɛ gbee!

Kronika II, 6:39

bu a kue fami ɔ tue. Moo nu ngɛ o hi he ɔ ngɛ hiɔwe, nɛ o na mɛ mɔbɔ, nɛ o ngɔ o ma a he yayami ɔmɛ ngɔ pa mɛ.

La 130:2

Nyɔmtsɛ, bu mi tue; bu ye pɛɛ kpami ɔ tue.

Kronika II, 6:20

Bu we nɛ ɔ he nyɔ kɛ pia. O wo si kaa hiɛmɛ nɛ ɔ ji he nɛ a ma ja mo ngɛ. Lɔ ɔ he ɔ, ke i plɛ ye hɛ mi ngɔ kpee we nɛ ɔ nɛ i fa kue ha mo ɔ, moo bu mi tue.