Kronika II, 6:26 - BAIBLO ALOO NGMAMI KLƆUKLƆU Ɔ

²⁶ “Ke o tsi hiɔmi nya ngɛ yayami ko nɛ o ma Israel pee kɛ si mo ɔ he, nɛ pee se ɔ, a tsake a tsui nɛ a ba we nɛ ɔ mi ba kpa mo pɛɛ kɛ he si bami ɔ,

Kronika II, 6:26 ပူးပေါင်းရင်းမြစ်များ

Kronika II, 6:25

moo bu tue ngɛ hiɔwe. Ngɔɔ yayami nɛ o ma a pee ɔ ngɔ pa mɛ, nɛ o kpale mɛ kɛ ba zugba a nɛ o ngɔ kɛ ha a nɛmɛ ɔmɛ ɔ nɔ ekohu.

Kronika II, 7:13

Ke e ba mi kaa i tsi hiɔmi nya, aloo i ha nɛ baalɛ ba ye ní ngɛ zugba a nɔ, aloo i ha nɛ gbenɔ hiɔ ba sɛ ye ma mi bi ɔmɛ a kpɛti,

Abɛ Womi 28:13

Nɔ nɛ laa e yayamihi a nɔ ɔ, e yɛ nɔ. Se nɔ nɛ jajeɔ e he yayami, nɛ e kpaa yayami peemi ɔ, a maa na lɛ mɔbɔ.

Yesaya 5:6

Ma ha nɛ ngmɔ ɔ mi nɛ hɛ. I be wai tso ɔmɛ a he sãe, nɛ ngmɔ ɔ mi hu i be hue. Nɔ́ nɛ ma pee mohu ji, ma ngmɛ blɔ nɛ mio tso, kɛ mio maa puɛ ngɛ ngmɔ ɔ nɔ. Pi lɔ ɔ kɛkɛ, se mohu i be hae nɛ hiɔmi nɛ nɛ ngɔ pue ngmɔ ɔ nɔ hu.”

Ezekiel 14:13

“Nɔmlɔ adesa, ke ma ko pee yayami, nɛ e yi mi anɔkuale ɔ, tue gblami nɛ e ma na ji, ma ha nɛ e niye ní se maa po, nɛ hwɔ maa ba ma a nɔ; nimlihi kɛ lohwehi tsuo a hɛ mi ma kpata.

Hosea 5:15

“Ma ngmɛɛ ye ma a he, konɛ a na nɔ́ wawɛɛ. Kɛkɛ ɔ, a ma pia a he ngɛ a yayami ɔmɛ a he, nɛ a ma hla ye se blɔ. Ke a yi fi ɔ, a ma ba kpa mi pɛɛ.”

Mose III, 26:19

Ma ku nyɛ he nɔ womi, kɛ kuɛ mi timi ɔ nya; hiɔmi be nɛe; nyɛ zugba a ma gbli, nɛ e he maa wa kaa dade.

Luka 4:25

“Nyɛɛ bu tue! Niinɛ, gbalɔ Eliya be ɔ mi ɔ, yalɔyihi babauu ngɛ Israel. Hiɔmi nɛ́ jeha etɛ kɛ fa sɔuu, nɛ hwɔ nɛ nya wa ba zugba a tsuo nɔ.

Mose V, 11:17

Ke nyɛ pee ja a, Yawɛ mi mi ma fu nyɛ. E be hae nɛ hiɔmi maa nɛ hu, nɛ zugba a ma gbli, nɛ e be ní bae hu. Kɛkɛ ɔ, e be kɛe nɛ hwɔ ma kpata nyɛ hɛ mi ngɛ zugba kpakpa nɛ Yawɛ kɛ ngɛ nyɛ hae nɛ ɔ nɔ.

Mose V, 28:23

Hiɔmi be nɛe, nɛ zugba a he maa wa kaa dade.

Kpojemi 11:6

Mawu ha mɛ he wami nɛ a ma nyɛ nga hiɔwe nya nɛ hiɔmi be nɛe be mi nɛ a ngɛ gbae ɔ. A ngɛ he wami ngɛ nyu nɔ kaa a ma ha nɛ nyu nɛ plɛ pee muɔ; a ngɛ he wami hulɔ kaa a kɛ gbenɔ hiɔ slɔɔtohi baa zugba a nɔ si abɔ nɛ a suɔ.