Kronika II, 6:20 - BAIBLO ALOO NGMAMI KLƆUKLƆU Ɔ

²⁰ Bu we nɛ ɔ he nyɔ kɛ pia. O wo si kaa hiɛmɛ nɛ ɔ ji he nɛ a ma ja mo ngɛ. Lɔ ɔ he ɔ, ke i plɛ ye hɛ mi ngɔ kpee we nɛ ɔ nɛ i fa kue ha mo ɔ, moo bu mi tue.

Kronika II, 6:20 ပူးပေါင်းရင်းမြစ်များ

Matsɛmɛ II, 19:16

Yawɛ, mo bli o hɛngmɛ nɛ o hyɛ nɔ́ nɛ a ngɛ wɔ pee! Yawɛ, mo ta tue nɛ o nu munyuhi nɛ Senakerib ngɛ tue kɛ ngɛ mo Mawu hɛ kalɔ ɔ, o he guɛ gbee!

Kronika II, 16:9

Yawɛ hɛngmɛ ngɛ je ɔ tsuo he; nihi nɛ yeɔ lɛ anɔkuale ɔ, e woɔ mɛ he wami. O je kuasia. Lɔ ɔ he ɔ, kɛ je mwɔnɛ ɔ kɛ yaa a, ta maa nyɛɛ o se daa nɛ.”

Kronika II, 20:9

kaa ke amanehlu ko ba a nɔ ɔ, ta jio, gbenɔ hiɔ jio, hwɔ jio, a ma ba da si ngɛ we nɛ ɔ hɛ mi, he nɛ a jaa mo ngɛ ɔ. Kɛkɛ ɔ, ke a fa kue ha mo ngɛ a haomi ɔ mi ɔ, o maa nu, nɛ o ma he a yi wami.

Kronika II, 6:19

Yawɛ, ye Mawu lee, o tsɔlɔ ji mi. I kpa mo pɛɛ nɛ o bu ye kue fami ɔ tue, nɛ níhi nɛ i ngɛ mo bie mwɔnɛ nɛ ɔ, o pee ha mi.

Kronika II, 6:40

“Ye Mawu lee, i kpa mo pɛɛ nɛ o ba o tue si ha wɔ nɛ o hyɛ wɔ, konɛ ke nɔ ko ba fa kue ha mo ngɛ hiɛmɛ nɛ ɔ, o bu tue.

Kronika II, 6:5

‘Kɛ je be nɛ i jé ye ma Israel kɛ je Egipt ɔ, i hla we ma ko ma ko kɛ ji Israel wɛtso ko mi nɛ a po we ha mi, nɛ a ja mi ngɛ lejɛ ɔ; nɛ i hla we nɔ ko nɔ ko nɛ ba ye ganɔ ngɛ ye ma Israel ɔ nɔ.

Kronika II, 6:6

Se jehanɛ lɛɛ i hla Yerusalem, konɛ a ja mi ngɛ lejɛ ɔ; i hla mo David hulɔ, nɛ o ye ye ma Israel ɔ nɔ.’ ”

Kronika II, 7:15

Ma bu we nɛ ɔ he daa, nɛ kue nɛ a maa fa ha mi ngɛ hiɛmɛ nɛ ɔ, ma nu,

Nehemia 1:6

Yawɛ, moo hyɛ mi, nɛ o ba o tue si ha mi. Kue nɛ i ngɛ fae ha mo nyɔ kɛ pia kɛ ha o tsɔli ɔmɛ nɛ ji Israel bi ɔmɛ ɔ, moo bu tue. I ngɛ jajee ke wɔ Israel ma a, wa pee yayami. I kɛ ye nɛmɛ ɔmɛ tsuo wa pee yayami.

La 121:5

Yawɛ ji o yi baalɔ. E ngɛ o kasa nya, konɛ e bu o he.

La 33:18

Nihi nɛ yeɔ Yawɛ gbeye; nihi nɛ ngɔɔ a hɛ ngɔ fɔɔ e nɔ kaa e na mɛ mɔbɔ ɔ, Yawɛ buu a he.

La 34:15

Yawɛ hɛngmɛ ngɛ dali a he, nɛ e buɔ a kue fami tue.

Daniel 6:10

Benɛ Daniel nu kaa matsɛ ɔ ngɔ e nine kɛ wo mlaa a sisi ɔ, e je kɛ ho e we mi ya. Daniel ngɛ hiɔwe tsu ko ngɛ e we ɔ mi, nɛ o ma nyɛ maa hyɛ Yerusalem kɛ gu saflɛ ɔmɛ a mi ngɛ lejɛ ɔ. Kɛkɛ nɛ Daniel kpla si ngɛ e nakutso nya, ngɛ saflɛ nɛ bli kɛ fɔɔ si ɔ nya, nɛ e sɔle nɛ e na e Mawu ɔ si si etɛ kaa bɔ nɛ e peeɔ daa a.

Mose V, 12:11

Yawɛ maa hla he ko pɔtɛɛ nɛ a ja lɛ ngɛ. Nyɛɛ ngɔ bɔ sami ní ɔmɛ tsuo nɛ i ngɛ nyɛ a he mlaa woe nɛ ɔ kɛ ya sã bɔ ngɛ lejɛ ɔ: nyɛ sami bɔ ɔmɛ, nike ní ɔmɛ, nyɛ mi dlami nyɔngmanyɔngma mi kakaaka amɛ, kɛ bɔ pɔtɛɛ ɔmɛ nɛ nyɛ wo si ke nyɛ ma ha Yawɛ ɔ.

Mose V, 26:2

nyɛ ti nɔ tsuaa nɔ nɛ ngɔ kekleekle niba ní nɛ e kpa ngɛ zugba a nɔ ɔ eko kɛ wo kusii mi, nɛ é ngɔ kɛ ya he nɛ Yawɛ, o Mawu ɔ to nɛ a ja lɛ ngɛ ɔ.

Kolosebi 2:9

Ejakaa bɔ nɛ Mawu su ngɛ tutuutu ɔ, lɔ ɔ wa naa ngɛ Kristo mi benɛ e ba ngɛ he lo mi ɔ nɛ.