Kronika II, 6:16 - BAIBLO ALOO NGMAMI KLƆUKLƆU Ɔ

¹⁶ Lɔ ɔ he ɔ, Yawɛ, Israel Mawu lee, i kpa mo pɛɛ, si nɛ o wo tsaatsɛ, benɛ o de lɛ ke, ke e binyumu ɔmɛ maa ye o mlaa a nɔ sisiisi kaa bɔ nɛ e pee ɔ, a maa ye tsɛ ngɛ Israel kɛ maa ya neneene ɔ, ha jamɛ a siwo ɔ hu nɛ ba mi.

Kronika II, 6:16 ပူးပေါင်းရင်းမြစ်များ

Matsɛmɛ I, 2:4

Ke o bu Yawɛ tue ɔ, si ko nɛ e wo benɛ e de mi ke, ke ye binyumu ɔmɛ maa hyɛ a he nɔ saminya, nɛ a maa ye e mlaa amɛ a nɔ anɔkuale mi kɛ a tsui tsuo, kɛ a klaa tsuo ɔ, lɛɛ nɔ nɛ maa hi Israel matsɛ sɛ ɔ nɔ be mi bɔe ɔ, Yawɛ hu maa ye jamɛ a e siwo ɔ nɔ.

Matsɛmɛ I, 6:12

“We nɛ o ngɛ mae nɛ ɔ, ke o maa ye ye mlaa amɛ, kɛ ye fami ɔmɛ a nɔ ɔ, lɛɛ ma pee ha mo kaa bɔ nɛ i wo o tsɛ David si ɔ.

Kronika II, 13:5

Anɛ nyɛ li kaa Yawɛ, Israel Mawu ɔ, kɛ David so somi ko nɛ a be se kpalee gblegbleegble, kaa David kɛ e nina maa ye Israel nɔ matsɛ kɛ maa ya neneene lo?

Kronika II, 21:7

Se Yawɛ sume kaa e ma kpata David we ɔ hɛ mi, ejakaa e kɛ David so, nɛ e wo si ke e kɛ e nina maa ye matsɛ kɛ maa ya neneene.

Kronika II, 23:3

Mɛ tsuo a ba bua a he nya ngɛ Yawɛ we ɔ, nɛ a kɛ Yoash, matsɛbi ɔ ba so ngɛ lejɛ ɔ. Yehoyada de mɛ ke, “Matsɛ ɔ binyumu ɔ ji nɛ ɔ nɛ! Amlɔ nɛ ɔ, lɛ ji nɔ nɛ sa nɛ e ye matsɛ kaa bɔ nɛ Yawɛ wo si ke David nina maa pee ɔ.

Kronika II, 6:17

Yawɛ, Israel Mawu lee, i kpa mo pɛɛ, níhi tsuo nɛ o de o tsɔlɔ David ɔ, ha nɛ a ba mi.

Kronika II, 7:17

Ke o ma sɔmɔ mi kɛ o tsui tsuo, nɛ o maa ye mi anɔkuale kaa bɔ nɛ o tsɛ David pee ɔ, ke o maa ye ye mlaa amɛ a nɔ, nɛ o maa pee nɔ́ tsuaa nɔ́ nɛ i fa mo ke o pee ɔ,

Kronika II, 7:18

lɛɛ si ko nɛ i wo o tsɛ David ɔ, ma ye nɔ. Imi lɛ i de lɛ ke ma ha e nina maa ye tsɛ ngɛ Israel kɛ maa ya neneene ɔ nɛ.

La 119:1

A gbaa ni nɛmɛ nɛ piami ko be a he ngɛ a si himi mi, nihi nɛ baa a je mi ngɛ Yawɛ mlaa a nya.

La 119:9

Ke niheyo ngɛ hlae nɛ e ba e je mi bɔ nɛ sa a, kɛ e maa pee kɛɛ? Bɔ nɛ e maa pee ji e maa ye o mlaa amɛ a nɔ.

La 132:11

Yawɛ, kita nɛ o ka David nɛ o be o nya se kpalee ji, “Ma wo o bimɛ ɔmɛ a ti nɔ kake matsɛ, nɛ e maa ye tsɛ ngɛ o se.

La 132:12

Ke o bimɛ ɔmɛ maa ye ye somi ɔ nɔ, nɛ ye mlaa amɛ nɛ ma wo mɛ ɔ hu a maa ye a nɔ ɔ, lɛɛ a bimɛ hu ma ba hi o sɛ ɔ nɔ kɛ maa ya neneene.”

La 26:3

Ejakaa o suɔmi nɛ ngɛ daa a lɛ kpakaa mi; o we anɔkuale ɔ lɛ tsɔɔ mi blɔ.

Ezekiel 36:37

Nyɔmtsɛ Yawɛ ke, “Nɔ́ kake nɛ Israel bi ɔmɛ ma bi mi nɛ ma pee ha mɛ ji, ma ha a he nɛ hiɛ babauu kaa to kuu.