Kronika II, 5:2 - BAIBLO ALOO NGMAMI KLƆUKLƆU Ɔ

² Enɛ ɔ se ɔ, Matsɛ Salomo ya kpee Israel ma nimeli ɔmɛ, kɛ wɛtsoyi ɔmɛ tsuo kɛ ba e ngɔ ngɛ Yerusalem, konɛ a ya ngɔ Yawɛ somi daka a kɛ je Zion, David ma a mi kɛ ba Yawɛ we ɔ mi.

Kronika II, 5:2 ပူးပေါင်းရင်းမြစ်များ

Samuel II, 6:12

Benɛ Matsɛ David nu kaa Mawu daka a he je ɔ, Yawɛ gbaa Obed Edom kɛ e we ɔ, kɛ e nɔ́ tsuaa nɔ́ nɛ e ngɛ ɔ, David ho nɛ e ya ngɔ Mawu daka a ngɛ Obed Edom we ɔ mi, nɛ e kɛ daka a ba Yerusalem kɛ nyami.

Kronika II, 1:4

(Somi daka a lɛɛ benɛ David ya ngɔ lɛ kɛ je Kiriat Yearim kɛ ba Yerusalem ɔ, e pee bo tsu ha lɛ, nɛ e kɛ lɛ ma mi ngɛ lejɛ ɔ.)

La 87:2

E suɔ Yerusalem pe hehi tsuo ngɛ Israel.

La 2:6

nɛ e ma de mɛ ke, “Imi Yawɛ nitsɛ lɛ i ngɔ ye matsɛ ɔ ngɔ to Zion, ye yoku klɔuklɔu ɔ nɔ.”

Kronika II, 5:1

Benɛ Matsɛ Salomo gbe Yawɛ we ɔ he ní tsumi ɔ tsuo nya a, e ngɔ níhi tsuo nɛ e tsɛ David gbaa nɔ ngɔ ha Yawɛ ɔ ngɔ to nito hehi ngɛ lejɛ ɔ. Ní ɔmɛ ji sika hiɔ, sika tsu, kɛ ní kpa komɛ.

Kronika I, 28:1

Matsɛ David kpee Israel ma ní tsuli nikɔtɔma amɛ tsuo kɛ ba Yerusalem: wɛtsoyi ɔmɛ, asafo kuu ɔmɛ a nyatsɛmɛ ɔmɛ, asafoatsɛmɛ ɔmɛ, kɛ ni nɛmɛ nɛ hyɛɛ matsɛ ɔ, kɛ e bimɛ ɔmɛ a weto ní, kɛ a lohwehi a nɔ. Jehanɛ hu, matsɛ we mi ní tsuli ɔmɛ, ta buli katsɛmɛ ɔmɛ, kɛ tabo ɔ tsuo ba bua a he nya ngɛ Yerusalem.

Kronika I, 26:26

Nike ní tsuo nɛ Matsɛ David, we puɔ nya dali ɔmɛ, wɛtsoyi ɔmɛ, kɛ tatsɛmɛ ɔmɛ gbaa nɔ kɛ to ha Mawu ɔ, Shelomit kɛ e we mi bi ɔmɛ lɛ a hyɛɛ nɔ.

Kronika I, 24:31

Kaa bɔ nɛ Levi bi ɔmɛ a nyɛmimɛ osɔfo ɔmɛ nɛ ji Aaron nina a pee ɔ, Levi bi ɔmɛ hu fɔ sɔ kɛ dla ní tsumi ɔmɛ ngɔ ha a he. Weku ɔmɛ a nya dali, kɛ a senihi ji ni nɛmɛ nɛ fɔ sɔ ɔ. A fɔ sɔ nɛ ɔ ngɛ Matsɛ David, Zadok, Ahimelek, osɔfo ɔmɛ, kɛ Levi bi ɔmɛ a nikɔtɔma amɛ a hɛ mi.

Kronika I, 24:6

Womi ngmalɔ ɔ nɛ a tsɛɛ lɛ Shemaya, Netanel binyumu ɔ nɛ je Levi bi ɔmɛ a kpɛti ɔ ji nɔ nɛ ngma a biɛ. A pee nɔ́ nɛ ɔ ngɛ matsɛ ɔ, kɛ ganɔ nɛ ɔmɛ a hɛ mi: osɔfo Zadok, Abiatar binyumu Ahimelek, osɔfo weku ɔmɛ a nya dali ɔmɛ, kɛ Levi weku ɔmɛ a nya dali ɔmɛ. Ke a hla kuu kake kɛ je Eleazar nina a a kpɛti, kɛkɛ a hla kake hu kɛ je Itamar nina a a kpɛti.

Kronika I, 16:1

A ngɔ Yawɛ daka a ya ma bo tsu ɔ nɛ David pee kɛ ha lɛ ɔ mi, nɛ a sã sami bɔhi, kɛ tue mi jɔmi bɔhi kɛ ha Mawu.

Kronika I, 15:25

Kɛkɛ nɛ David kɛ Israel ma nimeli ɔmɛ, kɛ asafoatsɛmɛ ɔmɛ nɛ ngɛ ta buli akpeakpe a nya a, pue nɔ kɛ ho Obed Edom we ɔ mi ya, nɛ a kɛ nyami ya ngɔ Yawɛ somi daka a.

Kronika I, 15:12

David de Levi bi ɔmɛ ke, “Nyɛ ji Levi weku ɔmɛ a nyatsɛmɛ. Nyɛɛ tsu nyɛ he, nɛ nyɛɛ tsu nyɛ nyɛmimɛ Levi bi kpa amɛ hu a he, konɛ nyɛ ya ngɔ Yawɛ Israel Mawu ɔ somi daka a kɛ ba he nɛ i dla to lɛ ɔ.

Samuel II, 5:7

Se kɛ̃ David ya ngɔ Zion mɔ nguaa a nɛ ba plɛ pee David ma a.

Mose IV, 10:36

Be tsuaa be nɛ somi daka a maa da si ɔ, e ma de ke, “Yawɛ, kpale o se! Kpale kɛ ba Israel bi akpeakpe abɔ ɔ a ngɔ!”

Mose IV, 10:33

Kɛkɛ nɛ ma a hia kɛ je Yawɛ yo ɔ he, nɛ a nyɛɛ ligbi etɛ. Yawɛ somi daka a nyɛɛ a hɛ mi kɛ hla sito he ha mɛ.

Mose III, 9:5

A ngɔ ní nɛ ɔmɛ tsuo kɛ ba kpe he bo tsu ɔ hɛ mi kaa bɔ nɛ Mose fa mɛ ɔ. Kɛkɛ nɛ ma a tsuo bua a he nya ngɛ Yawɛ hɛ mi.

Kronika I, 15:1

David po wehi ngɛ David ma a mi kɛ ha e he. Jehanɛ, e dla he ko kɛ ha Mawu somi daka a, nɛ e ma bo tsu ngɛ lejɛ ɔ kɛ ha lɛ.

Kronika I, 15:3

Kɛkɛ nɛ David kpee Israel ma a tsuo kɛ ba Yerusalem, konɛ a ya ngɔ Yawɛ somi daka a kɛ ba ma he nɛ e dla kɛ to lɛ ɔ.