Kronika II, 5:1 - BAIBLO ALOO NGMAMI KLƆUKLƆU Ɔ

¹ Benɛ Matsɛ Salomo gbe Yawɛ we ɔ he ní tsumi ɔ tsuo nya a, e ngɔ níhi tsuo nɛ e tsɛ David gbaa nɔ ngɔ ha Yawɛ ɔ ngɔ to nito hehi ngɛ lejɛ ɔ. Ní ɔmɛ ji sika hiɔ, sika tsu, kɛ ní kpa komɛ.

Kronika II, 5:1 ပူးပေါင်းရင်းမြစ်များ

Samuel II, 8:11

Matsɛ David gbaa ní nɛ ɔmɛ a nɔ kɛ ha Yawɛ kɛ piɛ sika hiɔ kɛ sika tsu nɛ e kpɔ ngɛ je ma amɛ nɛ e ye a nɔ ɔ a dɛ ɔ he.

Matsɛmɛ I, 7:39

E kɛ tlɔɔke enuɔ ma Yawɛ we ɔ leneyi je, nɛ e kɛ enuɔ ma omleyi je; e ngɔ nyu nɔ́ ɔ lɛɛ ngɔ ma we ɔ leneyi je kɛ beleku je a kpɛti kɔ nya he ko.

Matsɛmɛ I, 7:51

Benɛ Matsɛ Salomo gbe Yawɛ we ɔ he ní tsumi ɔ tsuo nya a, e ngɔ níhi tsuo nɛ e tsɛ David gbaa nɔ ngɔ ha Yawɛ ɔ ngɔ to nito hehi ngɛ lejɛ ɔ. Ní ɔmɛ ji nɛ ɔmɛ nɛ: sika hiɔ, sika tsu, kɛ ni kpa komɛ.

Kronika I, 18:11

Matsɛ David gbaa ní nɛ ɔmɛ a nɔ kɛ ha Yawɛ kaa bɔ nɛ e pee sika hiɔ kɛ sika tsu nɛ e kpɔ ngɛ je mahi nɛ e ye a nɔ ɔ a dɛ ɔ. Je ma nɛ ɔmɛ ji Edom, Moab, Amon, Filistia, kɛ Amalek.

Kronika I, 22:14

I gbo dengme bua ní nɛ ɔmɛ a nya kɛ to, konɛ a kɛ po Yawɛ we ɔ: sika tsu nɛ jiɔmi ji tɔn akpe etɛ kɛ lafa eywiɛ, sika hiɔ nɛ jiɔmi ji tɔn akpe nyingmi etɛ kɛ eywiɛ, akɔblee kɛ dade babauu nɛ a li nya, tso, kɛ tɛ. Bɔɔ mɔde nɛ mo hu o na eko kɛ piɛ he.

Kronika II, 4:22

la gbemi ní ɔmɛ, kã amɛ, ngɛyu ɔmɛ nɛ a kɛ tsopa kɛ e he via woɔ a mi ɔ, kɛ ngɛyu ɔmɛ nɛ a kɛ jeɔ la a. A kɛ sika tsu ngmingmiingmi pee ní nɛ ɔmɛ tsuo. A kɛ sika tsu ha Yawɛ we ɔ kpo nɔ je sinya amɛ, kɛ he klɔuklɔu pe kulaa a sinya amɛ a he.