Kronika II, 4:7 - BAIBLO ALOO NGMAMI KLƆUKLƆU Ɔ

⁷ Jehanɛ, a pee sika tsu kane tso nyɔngma kaa bɔ nɛ a tsɔɔ ke a pee ɔ, nɛ a kɛ ma Yawɛ we ɔ; enuɔ ngɛ hiɔ nɔ, nɛ enuɔ ngɛ muɔ nɔ.

Kronika II, 4:7 ပူးပေါင်းရင်းမြစ်များ

Matsɛmɛ I, 7:39

E kɛ tlɔɔke enuɔ ma Yawɛ we ɔ leneyi je, nɛ e kɛ enuɔ ma omleyi je; e ngɔ nyu nɔ́ ɔ lɛɛ ngɔ ma we ɔ leneyi je kɛ beleku je a kpɛti kɔ nya he ko.

Matsɛmɛ I, 7:49

kane tso nyɔngma amɛ nɛ maa he klɔuklɔu pe kulaa a hɛ mi ɔ, enuɔ ngɛ leneyi je, kɛ enuɔ hu ngɛ omleyi je; mɔmɔ ɔmɛ, kane ɔmɛ, abɛɛle ɔmɛ,

Kronika I, 28:12

David ha Salomo fonihi nɛ a maa hyɛ a nɔ kɛ ma níhi tsuo nɛ ngɛ e juɛmi mi, Yawɛ we ɔ he kue ɔmɛ, tsuhi nɛ bɔle mɛ kɛ kpe ɔ, níhi nɛ a kɛ tsuɔ ní ngɛ Yawɛ we ɔ, kɛ nike níhi nɛ a gbaa nɔ kɛ ha Yawɛ ɔ a to hehi.

Kronika I, 28:14

E tsɔɔ sika hiɔ, kɛ sika tsu hiɛmi nɛ á ngmɛ kɛ pee níhi nɛ a kɛ ma sɔmɔ ngɛ Yawɛ we ɔ,

Kronika I, 28:15

sika tsu, kɛ sika hiɔ kane tso ɔmɛ kɛ a he kane ɔmɛ,

Kronika I, 28:19

Matsɛ David de Salomo ke, “Foni ɔ nɛ Yawɛ nitsɛ ha nɛ a pee, nɛ e ngɔ ha mi nɛ ma hyɛ nɔ kɛ tsu ní ɔ, a ngma ní nɛ ɔmɛ tsuo kɛ wo mi.”

Yohane 8:12

Yesu, kɛ Farisi bi ɔmɛ tu munyu ekohu, nɛ e de mɛ ke, “Imi ji je ɔ la a nɛ. Nɔ tsuaa nɔ nɛ nyɛɛɔ ye se ɔ, e naa la a nɛ haa nɔ wami ɔ; nɛ e be diblii mi nyɛɛe kɔkɔɔkɔ.”

Hebribi 8:5

Ní nɛ osɔfo ɔmɛ tsuɔ ɔ ngɛ kaa ní tsumi nɛ a tsuɔ ngɛ hiɔwe ɔ henɔ, loo e nini kɛkɛ. Mose hu kikɛ nɛ ɔ nɔuu e tsu ní. Benɛ e maa ma bo tsu ɔ, Mawu de lɛ ke, “Hyɛ nɛ o pee ní ɔmɛ tsuo pɛpɛɛpɛ kaa henɔ nɛ i tsɔɔ mo ngɛ yo ɔ nɔ ɔ.”

Kpojemi 1:20

Dodoe kpaago ɔmɛ nɛ o na ngɛ ye hiɔ nine mi, kɛ sika tsu kane tso kpaago ɔmɛ ɔ, laami sane nɛ kɔɔ a he ji nɛ ɔ nɛ: dodoe kpaago ɔmɛ daa si ha asafo kpaago ɔmɛ a bɔfohi, nɛ kane tso kpaago ɔmɛ daa si ha asafo kpaago ɔmɛ.”