Kronika II, 4:2 - BAIBLO ALOO NGMAMI KLƆUKLƆU Ɔ

² Jehanɛ, e pee akɔblee nyu nɔ́ ko; e ngɛ kokloo, nɛ e mi kuɔmi ji nine mi blimi nyɔngma. Kɛ je e nya hiɛ kɛ ya si hiɛ ɔ, e peeɔ gugue enyɔ kɛ fa, nɛ kpa nɛ kami ji gugue kpaago kɛ fa maa kpe he.

Kronika II, 4:2 ပူးပေါင်းရင်းမြစ်များ

Kpojemi 7:14

I de lɛ ke, “Ye Nyɔmtsɛ, i li; mo lɛ o le!” E de mi ke, “Haomi kpetekpleenyɛ ɔ, nimli nɛ ɔmɛ ji ni nɛmɛ nɛ gblee mi kɛ be slɔkee. A fɔ a tade ɔmɛ a he, nɛ a ha nɛ a hiɛ futaa ngɛ To bi ɔ muɔ ɔ mi.

Tito 3:5

e he wa yi wami. Pi nɔ́ nɛ da nɛ wa pee he nɛ e he wa yi wami ngɛ; mɔbɔ kɛkɛ lɛ e na wɔ kɛ gu Mumi Klɔuklɔu ɔ nɔ. Mumi Klɔuklɔu ɔ du wa he, nɛ wa pee kaa nihi nɛ a fɔ mɛ ehe, nɛ́ a na wami he.

Zakaria 13:1

Yawɛ Tabohiatsɛ ɔ ya nɔ nɛ e de ke, “Ke jamɛ a be ɔ su ɔ, a ma bli nyu vu ko nya, nɛ a maa ngɔ e mi nyu ɔ kɛ tsu David nina, kɛ Yerusalem bi ɔmɛ a he kɛ jé a he yayami ɔ, kɛ a he mu ɔ.

Matsɛmɛ II, 25:13

Babilonia bi ɔmɛ ywia akɔblee titima amɛ nɛ ngɛ Yawɛ we ɔ, kɛ akɔblee nyu nɔ́ agbo ɔ kɛ e sisi daka amɛ; nɛ a muɔ akɔblee ɔ kɛ ho Babilonia ya.

Kronika II, 4:3

A pee akɔblee tɔhi gbaka enyɔ kɛ bɔle nyu nɔ́ ɔ kuɔ si kɛ kpe; a sile akɔblee kɛ pee a kɛ nyu nɔ́ ɔ tsuo kake.

Mose II, 38:3

E pee bɔ sami la tɛ ɔ he ní ɔmɛ tsuo: ngɛyuhi, sofihi, kahi, gbowehi, kɛ la jemi ngɛyuhi. E ngɔ akɔblee kɛ pee ní nɛ ɔmɛ tsuo.

Mose II, 38:8

E pee akɔblee kã kɛ e sisi kla; e ná akɔblee ahuhuɛ ɔmɛ nɛ e kɛ pee ɔ kɛ je yi ɔmɛ nɛ sɔmɔɔ ngɛ kpe he bo tsu ɔ sinya a nya a a dɛ.

Kronika I, 18:8

Jehanɛ hu, David ya muɔ akɔblee babauu nitsɛ ngɛ Tibhat kɛ Kun nɛ ji mahi nɛ Hadadezer yeɔ a nɔ ɔ. (Pee se ɔ, Matsɛ Salomo sile akɔblee nɛ ɔ kɛ pee akɔblee nyu nɔ́ ɔ, titima amɛ, kɛ akɔblee ní kpa amɛ).