Kronika II, 4:19 - BAIBLO ALOO NGMAMI KLƆUKLƆU Ɔ

¹⁹ Matsɛ Salomo ha a kɛ sika tsu pee ní nɛ ɔmɛ hulɔ kɛ ma Yawɛ we ɔ mi: bɔ sami la tɛ ɔ, okplɔɔ ɔ nɛ a kɛ abolo klɛdɛɛ ɔ maa nɔ ngɛ Yawɛ hɛ mi ɔ;

Kronika II, 4:19 ပူးပေါင်းရင်းမြစ်များ

Kpojemi 9:13

Jehanɛ ɔ, bɔfo ekpane ɔ kpa e titimati ɔ, nɛ i nu gbi ko nɛ ngɛ pɛe kɛ je sika tsu bɔ sami la tɛ nɛ maa si ngɛ Mawu hɛ mi ɔ koli ɔmɛ a mi.

Kpojemi 8:3

Bɔfo kpa ba ba da si ngɛ bɔ sami la tɛ ɔ he, nɛ e hɛɛ tsopa kɛ e he via sami nɔ́ nɛ a kɛ sika tsu pee. A ha lɛ tsopa kɛ e he via fuu nɛ e kɛ piɛ Mawu we bi ɔmɛ tsuo a sɔlemi ɔ he, konɛ e kɛ sã bɔ ngɛ bɔ sami la tɛ nɛ a kɛ sika tsu pee ɔ nɔ ngɛ matsɛ sɛ ɔ hɛ mi.

Daniel 5:23

O bui Nyɔmtsɛ ɔ nɛ ngɛ hiɔwe ɔ fɛɛ. Kplu ɔmɛ nɛ a ya muɔ ngɛ e we ɔ, o ya ngɔ kɛ ba hiɛ ɔ. O ma nimeli ɔmɛ, o yi ɔmɛ, kɛ o plã amɛ nu dã ngɛ kplu ɔmɛ a mi, nɛ nyɛ je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi. Mawuhi nɛ a hyɛ we nɔ́, nɛ a nui nɔ́, nɛ a li nɔ́ ko nɔ́ ko ɔ, nyɛ je a yi. Se Mawu ɔ nɛ ngɛ he wami ngɛ o nɔ́ tsuaa nɔ́ nɔ, nɔ nɛ ke e de ke o gbo, kɛkɛ nɛ o ma gbo, aloo ke e ke o hi je mi, nɛ o yi ma na wami ɔ, jamɛ a Mawu ɔ lɛɛ nyɛ wui e hɛ mi nyami.

Yeremia 28:3

Hiɛmɛ nɛ ɔ jeha enyɔ mi ɔ, Yawɛ we ɔ juetli tsuo nɛ Matsɛ Nebukadnezar ba muɔ kɛ ho Babilonia ya a, ma ngɔ kɛ ba hiɛ ɔ ekohu.

Kronika II, 36:18

Babilonia matsɛ ɔ ha ní ngɛ Yawɛ we ɔ; e muɔ june ngɛ nito he ɔ, kɛ Matsɛ Zedekia, kɛ e ganɔ ɔmɛ hu a june kɛ ho Babilon ya.

Kronika II, 36:10

Benɛ jeha su ɔ, Matsɛ Nebukadnezar tsɔ nɛ a ba ngɔ lɛ kɛ ho Babilonia ya; a muɔ Yawɛ we ɔ mi june ɔmɛ hu kɛ je. Nebukadnezar wo Yehoyakin nyɛminyumu Zedekia matsɛ ngɛ Yuda, kɛ Yerusalem a nɔ.

Kronika II, 4:8

A kpɛ okplɔɔ nyɔngma kɛ ma Yawɛ we ɔ mi; enuɔ ngɛ hiɔ nɔ, nɛ enuɔ ngɛ muɔ nɔ. A pee sika tsu kã lafa hulɔ.

Kronika I, 28:16

sika hiɔ okplɔɔ ɔmɛ, kɛ sika tsu okplɔɔ ɔmɛ nɛ a ngɔɔ abolo kɛ maa nɔ ngɛ Yawɛ hɛ mi ɔ.

Matsɛmɛ II, 24:13

nɛ e muɔ junehi tsuo nɛ ngɛ Yawɛ we ɔ, kɛ matsɛ we ɔ kɛ ho Babilon ya. Nɛ kaa bɔ nɛ Yawɛ de to momo ɔ, sika tsu kãhi nɛ Israel matsɛ, Salomo pee nɛ a kɛ tsu ní ngɛ Yawɛ we ɔ, Nebukadnezar ywia mɛ dukuduku.

Mateo 12:4

David ya sɛ Mawu we ɔ, nɛ e kɛ e we bi ɔmɛ ye abolo ɔ nɛ a kɛ maa Mawu hɛ mi ɔ. Mlaa a ngmɛ́ blɔ kaa a peeɔ ja; osɔfo ɔmɛ pɛ lɛ a ngɛ he blɔ nɛ a yeɔ jamɛ a abolo ɔ.

Kronika II, 2:3

Salomo tsɔ nɛ a kɛ sɛ gbi ya ha Tiro matsɛ, Hiram ke, “Kaa bɔ nɛ o kɛ tsaatsɛ David hi si, nɛ o ha lɛ seda tsohi nɛ e kɛ po we nɛ e hi mi ɔ, o kɛ mi nɛ hi si ja nɔuu.