Kronika II, 4:11 - BAIBLO ALOO NGMAMI KLƆUKLƆU Ɔ

^11-16 Jehanɛ, Huram pee buɛhi, sofihi, kɛ kãhi. Mawu we ɔ he ní tsumi nɛ Matsɛ Salomo ha lɛ tsumi ɔ, e gbe lɛ tsuo nya. Níhi nɛ e pee ɔ ji nɛ ɔmɛ nɛ: Akɔblee titima enyɔ ɔmɛ Akɔblee kpɔ enyɔ ɔmɛ nɛ ma titima amɛ a yi mi ɔ Ya enyɔ ɔmɛ nɛ a lo kɛ mɔmɔ nɛ a pee kaa kɔsɔkɔsɔ ngɔ ma titima enyɔ ɔmɛ a yi mi ɔ Akɔblee kpɔ kokloohi kaa tso yiblii lafa eywiɛ nɛ a pee ngɔ wo kla enyɔɔnyɔ a mi kɛ bɔle kpɔ ɔmɛ ɔ Tlɔɔke nyɔngma amɛ Kã nyɔngma amɛ Nyu nɔ́ ɔ Akɔblee na ku nyɔngma kɛ enyɔ ɔmɛ nɛ nyu nɔ́ ɔ maa si ngɛ a nɔ ɔ Buɛ ɔmɛ, sofi ɔmɛ, kɛ faka amɛ. Yawɛ we ɔ he ní nɛ ɔmɛ tsuo nɛ Huram pee ha Matsɛ Salomo ɔ, akɔblee nɛ a sa he lɛ a kɛ pee.

Kronika II, 4:11 ပူးပေါင်းရင်းမြစ်များ

Matsɛmɛ I, 7:14

Yalɔyo ko nɛ je Naftali wɛtso ɔ mi ɔ bi ji lɛ; e tsɛ lɛɛ e je Tiro, nɛ akɔblee ga ní tsulɔ ji lɛ. Huram hu akɔblee ga ní tsulɔ kpanaa ji lɛ; nɛ e ba Salomo ngɔ nɛ e ba tsu akɔblee ní tsumi ɔ tsuo.

Matsɛmɛ I, 7:13

Matsɛ Salomo tsɔ nɛ a ya ngɔ nyumu ko nɛ a tsɛɛ lɛ Huram kɛ je Tiro kɛ ba.

Kronika I, 18:8

Jehanɛ hu, David ya muɔ akɔblee babauu nitsɛ ngɛ Tibhat kɛ Kun nɛ ji mahi nɛ Hadadezer yeɔ a nɔ ɔ. (Pee se ɔ, Matsɛ Salomo sile akɔblee nɛ ɔ kɛ pee akɔblee nyu nɔ́ ɔ, titima amɛ, kɛ akɔblee ní kpa amɛ).