Kronika II, 36:6 - BAIBLO ALOO NGMAMI KLƆUKLƆU Ɔ

⁶ Benɛ Yehoyakim ngɛ matsɛ yee ɔ, Babilonia matsɛ, Nebukadnezar hia ta ba tua Yuda, nɛ e nu Yehoyakim kɛ ho Babilonia ya, ngɛ pã mi.

Kronika II, 36:6 ပူးပေါင်းရင်းမြစ်များ

Kronika II, 33:11

Enɛ ɔ he je ɔ, Yawɛ ha nɛ Asiria tabo ɔ asafoatsɛmɛ ɔmɛ ba tua Yuda. A kɛ gbowehi nu Manase nɛ a wo lɛ kɔsɔkɔsɔ, nɛ a ngɔ lɛ kɛ ho Babilon ya.

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yeremia 25:1

Yuda matsɛ, Yehoyakim, Yosia bi ɔ yi nɔ jeha nɛ ji eywiɛ ɔ mi ɔ, i ná sɛ gbi ko kɛ je Yawɛ ngɔ nɛ kɔɔ Yuda ma a tsuo he. Jamɛ a be ɔ mi ɔ, Babilonia matsɛ, Nebukadnezar hu na jeha kake ngɛ e sɛ ɔ nɔ.

Ezekiel 19:4

Je ma amɛ ba nu jata bi ɔ he. A tsua muɔ kɛ tsɔ lɛ klama; e nɔ mi, nɛ e du. A ngɔ gbowehi kɛ gbla lɛ kɛ ho Egipt zugba a nɔ ya.

Yeremia 22:19

A maa pu lɛ kaa bɔ nɛ a puɔ teji; a maa gbla lɛ kɛ ho, nɛ a ma ya sake lɛ kɛ fɔ Yerusalem agbo ɔmɛ a se.”