Kronika II, 36:20 - BAIBLO ALOO NGMAMI KLƆUKLƆU Ɔ

²⁰ Ni nɛmɛ nɛ a yi na wami ɔ, e muɔ mɛ kɛ ho Babilonia ya, nɛ a ya sɔmɔ lɛ, kɛ e nina hluu kɛ ya si be nɛ a to Persia matsɛ yemi ɔ sisi.

Kronika II, 36:20 ပူးပေါင်းရင်းမြစ်များ

Matsɛmɛ II, 25:11

Ni nɛmɛ nɛ piɛ ngɛ ma a mi, kɛ ni nɛmɛ nɛ kú nigii kɛ ho Babilonia matsɛ ɔ ngɔ ya a, Nebuzaradan ngɔ mɛ tsuo kɛ ho Babilonia ya.

Kronika II, 36:22

Benɛ Sirus ngɛ matsɛ yee ngɛ Persia a, jamɛ a kekleekle jeha a mi ɔ, Yawɛ ha nɛ nɔ́ ko nɛ e de to kɛ gu gbalɔ Yeremia nɔ ɔ ba mi. Yawɛ ha nɛ Sirus wo mlaa nɛ ɔ, nɛ a ngma ngɔ wo womi mi, nɛ e tsɔ ke a ya kane ngɛ e nɔ yemi he ɔmɛ tsuo, konɛ nɔ tsuaa nɔ nɛ nu. E ke,

Ezra 2:1

Nihi nɛ a nuu kɛ ho ma se ya a babauu kpale kɛ je Babilon kɛ ba Yerusalem kɛ Yuda; nɔ tsuaa nɔ ho lɛ nitsɛ e ma mi ya. A weku li lɛɛ kɛ je be nɛ Matsɛ Nebukadnezer ba nuu mɛ kɛ ho Babilonia ya a, a tlɔ lejɛ ɔ.

Ezra 5:12

Akɛnɛ wa nɛmɛ ɔmɛ wo hiɔwe Mawu ɔ mi mi la he je ɔ, e ngɔ mɛ ngɔ wo Babilonia matsɛ, Nebukadnezer, Kaldea no ɔ dɛ mi. Nebukadnezer ba ku Mawu we ɔ ngɔ pue si, nɛ e nuu ni ɔmɛ nyɔguɛ kɛ ho Babilonia ya.

Yesaya 47:6

Ye ma a wo ye mi mi la; lɔ ɔ he ɔ, i bui mɛ kaa ye ma hu. I ngɔ mɛ ngɔ wo o sisi, nɛ o nɛ́ mɛ mɔbɔ ko kulaa; nihi nɛ bwɔ po, o wa mɛ yi mi wawɛɛ nitsɛ.

Yeremia 25:11

Zugba nɛ ɔ tsuo hɛ mi ma kpata pɛsɛpɛsɛ, nɛ je ma nɛ ɔmɛ ma sɔmɔ Babilonia matsɛ ɔ jeha nyingmi kpaago.

Yeremia 27:7

Je ma amɛ tsuo ma sɔmɔ lɛ, kɛ e bi, kɛ e bibi hluu kɛ yaa si be maa su nɛ lɛ nitsɛ e ma a hɛ mi ma kpata. Jamɛ a be ɔ mi ɔ, lɛ hu e ma ba sɔmɔ je mahi nɛ a he wa, kɛ matsɛmɛ nguanguahi.

Yeremia 52:28

Nihi tsuo nɛ Nebukadnezar ngɔ nyɔguɛ kɛ ho ɔ, a hiɛmi ji nɛ ɔ nɛ: benɛ e ye jeha kpaago ngɛ matsɛ sɛ ɔ nɔ ɔ, e ngɔ Yuda bi 3,023 kɛ ho;

Ezekiel 19:13

Jehanɛ lɛɛ, a hia tso ɔ, nɛ a ya ma lɛ ngɛ nga nɔ; a ma lɛ ngɛ zugba gbigbli nɔ he nɛ nyu ko nyu ko be.

Ezekiel 38:5

Persia bi, Sudan bi, kɛ Libia bi piɛ a he. Ni nɛ ɔmɛ tsuo hɛɛ tsɛ̃i, nɛ a bu dade pɛɛ.

Mika 4:10

Nyɛ Yerusalem ma mi bi, nyɛɛ kɛ nyɛ he nɛ wuwlua si, nɛ nyɛ kɛmɛ kaa yo nɛ ngɛ kɔe. Ejakaa jehanɛ lɛɛ nyɛ maa je ma a mi kɛ ya hi nga nɔ. A maa ngɔ nyɛ kɛ ya Babilon tɔɔ. Se Yawɛ ma kpɔ nyɛ kɛ je nyɛ he nyɛli ɔmɛ a dɛ mi ngɛ lejɛ ɔ.