Kronika II, 36:12 - BAIBLO ALOO NGMAMI KLƆUKLƆU Ɔ

¹² E pee yayami kɛ si Yawɛ, e Mawu ɔ, nɛ e bɛ e he si ngɔ ha gbalɔ Yeremia, nɔ nɛ ngɔɔ Yawɛ sɛ gbi ba haa lɛ ɔ.

Kronika II, 36:12 ပူးပေါင်းရင်းမြစ်များ

Kronika II, 33:23

Se Amon bɛ e he si, nɛ e kpale we kɛ bɛ Yawɛ ngɔ kaa bɔ nɛ e tsɛ pee ɔ; lɛɛ e pee yayamihi babauu pe e tsɛ ɔ po.

1 Petro 5:6

Lɔ ɔ he ɔ, nyɛɛ ba nyɛ he si ha Mawu, nɔ nɛ he wa, nɛ e buu nyɛ he ɔ. Kɛkɛ ɔ, ke e su be nɛ lɛ nitsɛ e to ɔ, e ma wo nyɛ nɔ.

Yakobo 4:10

Nyɛɛ ba nyɛ he si ngɛ Nyɔmtsɛ ɔ hɛ mi, nɛ e ma wo nyɛ nɔ.

Yeremia 27:12

I tu munyu nɛ ɔ kɛ̃ kɛ tsɔɔ Yuda matsɛ, Zedekia ke, “Nyɛɛ ba nyɛ he si ha Babilonia matsɛ ɔ. Nyɛ sɔmɔ lɛ kɛ e ma a, nɛ nyɛ yi ma na wami.

Kronika II, 35:22

Se Yosia to e yi mi momo kaa e kɛ lɛ maa hwu. Nɔ́ nɛ Mawu ngɛ lɛ dee kɛ gu Matsɛ Neko nɔ ɔ, e bui fɛɛ; mohu ɔ, e tsake e he nɛ e ya gba ta kɛ ho Megido nga kplanaa a nɔ ya.

Kronika II, 33:19

A ngma Manase he ní nɛ ɔmɛ hu ngɛ Gbali ɔmɛ a Blema Sanehi Womi ɔ mi: kue nɛ Manase fa, kɛ bɔ nɛ Mawu bu lɛ tue ha, yayamihi nɛ e pee loko e ba tsake e tsui, jami hehi nɛ e po, yo mawu ɔ nɛ a tsɛɛ Ashera a we amagahi nɛ e puɛ, kɛ amagahi nɛ e ja.

Kronika II, 33:12

Benɛ e ngɛ haomi mi ɔ, e ba e he si, nɛ e fa kue ha Yawɛ, e nɛmɛ a Mawu ɔ.

Kronika II, 32:26

Se nyagbe ɔ, Hezekia kɛ Yerusalem ma mi bi ɔmɛ ba a he si. Lɔ ɔ he ɔ, Yawɛ gbla we ma a tue kɛ ya si Hezekia gbenɔ se.

Mose II, 10:3

Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Hebri bi ɔmɛ a Mawu ɔ de ji nɛ ɔ nɛ: ‘Mɛni be o ma kua o he si bami ha mi kɛ yaa si? Ha ye ma a nɛ ya nɛ a ya ja mi.

Yeremia 1:1

Yeremia, Hilkia binyumu ɔ munyuhi ji nɛ ɔmɛ nɛ. Osɔfohi nɛ hi Anatot ngɛ Benyamin zugba a nɔ ɔ, a ti nɔ kake ji Hilkia.

Yeremia 52:2

Matsɛ Zedekia pee yayami kɛ si Yawɛ kaa bɔ nɛ Yehoyakim pee ɔ pɛpɛɛpɛ.