Kronika II, 36:10 - BAIBLO ALOO NGMAMI KLƆUKLƆU Ɔ

¹⁰ Benɛ jeha su ɔ, Matsɛ Nebukadnezar tsɔ nɛ a ba ngɔ lɛ kɛ ho Babilonia ya; a muɔ Yawɛ we ɔ mi june ɔmɛ hu kɛ je. Nebukadnezar wo Yehoyakin nyɛminyumu Zedekia matsɛ ngɛ Yuda, kɛ Yerusalem a nɔ.

Kronika II, 36:10 ပူးပေါင်းရင်းမြစ်များ

Samuel II, 11:1

Gbo be mi nɛ́ matsɛmɛ pɔɔ ta gbami ɔ, David tsɔ Yoab kɛ e we asafoatsɛmɛ ɔmɛ, kɛ Israel tabo ɔ tsuo kɛ ho nɛ a ya kpata Amon bi ɔmɛ a hɛ mi, nɛ a sa Raba ma a yi. Jamɛ a be ɔ, David nitsɛ lɛɛ e ngɛ Yerusalem.

Matsɛmɛ II, 20:17

be ma nɛ a ma ba muɔ o we ɔ mi nɔ́ tsuaa nɔ́, kɛ níhi tsuo nɛ o nɛmɛ bua nya ngɔ to kɛ ba si mwɔnɛ ligbi nɛ ɔ kɛ ho Babilonia ya; a be nɔ́ ko nɔ́ ko sie. Yawɛ lɛ de.

Kronika II, 36:18

Babilonia matsɛ ɔ ha ní ngɛ Yawɛ we ɔ; e muɔ june ngɛ nito he ɔ, kɛ Matsɛ Zedekia, kɛ e ganɔ ɔmɛ hu a june kɛ ho Babilon ya.

Kronika II, 36:7

Nebukadnezar muɔ june nɛ ngɛ Yawɛ we ɔ eko kɛ ho, nɛ e kɛ ya to e we mi ngɛ Babilon.

Ester 2:6

Benɛ Babilon matsɛ, Nebukadnezar ba nuu Yuda matsɛ, Yehoyakin, kɛ ni komɛ ngɛ Yerusalem kɛ ho ɔ, Mordekai hu piɛ he.

Yesaya 39:7

A maa nuu mo nitsɛ o bimɛ ɔmɛ ekomɛ po kɛ ya Babilonia; a maa puɛ mɛ, nɛ a ma ya sɔmɔ ngɛ Babilonia matsɛ we ɔ mi.”

Yeremia 20:5

Ma ha nɛ he nyɛli maa ha a níhi tsuo pɛpɛɛpɛ ngɛ ma a mi: níhi nɛ a gbo dengme kɛ na, weto ní kpakpahi, kɛ Yuda matsɛmɛ ɔmɛ a juetli; nɛ a maa muɔ kɛ ya Babilonia.

Yeremia 22:25

nɛ ma ngɔ mo kɛ wo nihi nɛ o ngɛ gbeye yee, kɛ ni nɛmɛ nɛ ngɛ mo hlae nɛ a gbe ɔ a dɛ mi. Ma ngɔ mo kɛ wo Babilonia matsɛ, Nebukadnezar, kɛ e ta buli ɔmɛ a dɛ mi.

Yeremia 24:1

Yawɛ je nina ko ngɔ tsɔɔ mi be ko. I na kusii enyɔ kɛ a mi ngmɔkɔ nɛ maa si ngɛ Yawɛ we ɔ hɛ mi. Jamɛ a be ɔ mi ɔ, Babilonia matsɛ, Nebukadnezar nuu nimli nɛ ɔmɛ nyɔguɛ kɛ je Yerusalem kɛ ho Babilonia ya momo: Yuda matsɛ, Yehoyakin, Yehoyakim bi ɔ, Yuda ma nimeli, ga ní tsuli, kɛ sɔli.

Yeremia 27:16

Enɛ ɔ se ɔ, i de osɔfo ɔmɛ, kɛ ma a bɔ nɛ Yawɛ de ɔ ke, “Gbali ɔmɛ nɛ ngɛ nyɛ dee ke, e be kɛe kulaa nɛ a maa ngɔ Yawɛ we ɔ juetli ɔ kɛ je Babilonia kɛ ba a, nyɛ ko bu mɛ tue. Lakpa munyu lɛ a ngɛ tue ɔ nɛ.

Yeremia 28:3

Hiɛmɛ nɛ ɔ jeha enyɔ mi ɔ, Yawɛ we ɔ juetli tsuo nɛ Matsɛ Nebukadnezar ba muɔ kɛ ho Babilonia ya a, ma ngɔ kɛ ba hiɛ ɔ ekohu.

Yeremia 37:1

Babilonia matsɛ, Nebukadnezar wo Zedekia, Yosia bi ɔ Yuda matsɛ ngɛ Yehoyakim bi Yehoyakin nane mi.

Ezekiel 1:2

Benɛ a nu Matsɛ Yehoyakin kɛ ho ma se ya a se jeha enuɔne ɔ we ligbi enuɔne ɔ,

Ezekiel 17:12

“Bi ma atuã tsɔli nɛ ɔmɛ ke a nu abɛ ɔ sisi lo. De mɛ ke Babilonia matsɛ ɔ ba Yerusalem, nɛ e ba nuu ma a mi matsɛ ɔ, kɛ ganɔ ɔmɛ tsuo kɛ ho Babilonia ya.

Ezekiel 17:6

Niinɛ, tso nɛ ɔ le, nɛ e ba pee wai tso nɛ bɔ kusuu kɛ ha si. E kɔni ɔmɛ ka gagaaga, nɛ a mi dɔ kɛ ba kɔle ɔ ngɔ; nɛ e sipoku ɔmɛ sɛ zu mi saminya. Lɔ ɔ he ɔ, e pee wai tso nɛ gba kɔnihi kɛ a nɔ ba kusuu.

Daniel 5:2

Benɛ dã a tsɛ̃ Belshazar nya a, e fa ke a ya ngɔ sika tsu, kɛ sika hiɔ kplu ɔmɛ nɛ e tsɛ Nebukadnezar ya muɔ ngɛ Yawɛ we ɔ mi ngɛ Yerusalem ɔ kɛ ba. E tsɔ ke a ya ngɔ kplu ɔmɛ kɛ ba, konɛ e kɛ e ma nimeli ɔmɛ, e yi ɔmɛ, kɛ e plã amɛ nɛ a nu dã ngɛ a mi.

Daniel 5:23

O bui Nyɔmtsɛ ɔ nɛ ngɛ hiɔwe ɔ fɛɛ. Kplu ɔmɛ nɛ a ya muɔ ngɛ e we ɔ, o ya ngɔ kɛ ba hiɛ ɔ. O ma nimeli ɔmɛ, o yi ɔmɛ, kɛ o plã amɛ nu dã ngɛ kplu ɔmɛ a mi, nɛ nyɛ je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi. Mawuhi nɛ a hyɛ we nɔ́, nɛ a nui nɔ́, nɛ a li nɔ́ ko nɔ́ ko ɔ, nyɛ je a yi. Se Mawu ɔ nɛ ngɛ he wami ngɛ o nɔ́ tsuaa nɔ́ nɔ, nɔ nɛ ke e de ke o gbo, kɛkɛ nɛ o ma gbo, aloo ke e ke o hi je mi, nɛ o yi ma na wami ɔ, jamɛ a Mawu ɔ lɛɛ nyɛ wui e hɛ mi nyami.

Habakuk 1:10

A yeɔ matsɛmɛ ɔmɛ a he fɛu, nɛ asafoatsɛmɛ ɔmɛ a he peeɔ mɛ muɔ. Mɔ nɛ he wa pi nɔ́ ko kulaa ngɛ a hɛ mi. A buaa zu nya glekugleku kɛ woɔ mɔ ɔ he, nɛ a ngɔɔ lɛ.