Kronika II, 35:6 - BAIBLO ALOO NGMAMI KLƆUKLƆU Ɔ

⁶ Nyɛɛ gbe jijɔhi, kɛ to akpakpohi nɛ a kɛ maa ye Hetsɔmi ɔ. Jehanɛ, nyɛɛ pee nyɛ he klɔuklɔu, nɛ nyɛ dla kɛ ha bɔ ɔmɛ a sami. Nyɛɛ pee enɛ ɔ, bɔ nɛ pee nɛ nyɛ nyɛmimɛ Israel bi ɔmɛ nɛ a ye mlaa amɛ nɛ Yawɛ wo kɛ gu Mose nɔ ɔ a nɔ.”

Kronika II, 35:6 ပူးပေါင်းရင်းမြစ်များ

Kronika II, 29:5

nɛ e kɛ mɛ ba tu munyu ngɛ lejɛ ɔ. E de mɛ ke, “Nyɛ Levi bi, nyɛɛ bu mi tue! Nyɛɛ tsukɔ nyɛ he, nɛ nyɛɛ tsukɔ Yawɛ, nyɛ nɛmɛ a Mawu ɔ we ɔ hu he. Nyɛ je nɔ́ tsuaa nɔ́ nɛ bleɔ Yawɛ we ɔ kɛ je hiɛ ɔ.

Kronika II, 29:15

Nyumu nɛ ɔmɛ ya bua a nyɛmimɛ Levi bi ɔmɛ a nya, nɛ mɛ tsuo a tsukɔ a he. Kɛkɛ ɔ, kaa bɔ nɛ matsɛ ɔ fa mɛ ke a pee ngɛ Yawɛ munyu ɔ nya a, a bɔni Yawɛ we ɔ he tsukɔmi.

Yoel 2:16

Nyɛ bua ma a nya; nyɛ ha nɛ a ba pee kpe klɔuklɔu. Nyɛɛ kpee nikɔtɔma amɛ kɛ ba; nyɛ bua jokuɛwi kɛ bimwɔwi ɔmɛ tsuo a nya. Ayɛflo kɛ e huno po, a je kpo ngɛ a tsu mi kɛ ba.

La 51:7

Ngɔɔ nga nɛ a fi kɛ bla kaa bɛ kɛ tsu ye he, konɛ ye he nɛ tsɔ. Du ye he ha mi saminya, nɛ ma hiɛ futaa pe sinoo.

Hiob 1:5

Ke a gbe ní yemi ɔ tsuo nya kikɛ nɛ ɔ, jena mɔtu ɔ, Hiob maa te si mla nɛ e maa sã sami bɔ kɛ ha e bimɛ ɔmɛ kakaaka, nɛ e kɛ maa pee mɛ klɔuklɔu. Hiob peeɔ nɔ́ nɛ ɔ daa, ejakaa e susuɔ kaa eko ɔ, e bimɛ ɔmɛ pee yayami kaa a jɛ Mawu nɛ a li a he be.

Mose II, 12:6

Nyɛɛ to lohwe ɔmɛ kɛ ya si nyɔhiɔ ɔ ligbi nɛ ji nyɔngma kɛ eywiɛ ɔ. Jamɛ a gbɔkuɛ ɔ ji be nɛ Israel ma a tsuo maa gbe to bi ɔmɛ.

Mose I, 35:2

Kɛkɛ nɛ Yakob de e yi ɔmɛ, kɛ e bimɛ ɔmɛ, kɛ nɔ tsuaa nɔ nɛ kɛ lɛ ngɛ ɔ ke, “Nyɛ jé ma se mawu ɔmɛ nɛ ngɛ nyɛ dɛ ɔ ngɔ pue he; nyɛɛ tsukɔ nyɛ he, nɛ nyɛɛ wo tadehi nɛ a he tsɔ.

Kronika II, 29:34

Akɛnɛ osɔfo ɔmɛ a he pi bɔ nɛ a ma nyɛ maa gbe lohwe nɛ ɔmɛ tsuo he je ɔ, a nyɛmimɛ Levi bi ɔmɛ ba piɛ a he kɛ tsu ní ɔ kɛ ya si a gbe nya. Jamɛ a be ɔ mi ɔ, osɔfo ɔmɛ babauu pee a he klɔuklɔu. (Levi bi ɔmɛ bɔɔ mɔde kaa a maa pee a he klɔuklɔu pe osɔfo ɔmɛ po).

Mose II, 19:15

E de ma a ke, “Nyɛ dla nyɛ he ha hiɛmɛ nɛ ɔ ligbi nɛ ji etɛ ɔ; nɔ ko nɔ ko kó ta yo he.”

Mose II, 19:10

Nɛ Yawɛ de Mose ke, “Yaa nɛ o ya tsukɔ ma a he mwɔnɛ ɔ kɛ hwɔɔ. Ha nɛ a fɔ a tadehi a he,

Kronika I, 15:12

David de Levi bi ɔmɛ ke, “Nyɛ ji Levi weku ɔmɛ a nyatsɛmɛ. Nyɛɛ tsu nyɛ he, nɛ nyɛɛ tsu nyɛ nyɛmimɛ Levi bi kpa amɛ hu a he, konɛ nyɛ ya ngɔ Yawɛ Israel Mawu ɔ somi daka a kɛ ba he nɛ i dla to lɛ ɔ.

Kronika II, 35:1

Matsɛ Yosia ye Hetsɔmi ɔ ngɛ Yerusalem kɛ wo Yawɛ hɛ mi nyami; a gbe lohwehi nɛ a kɛ maa ye nyami be ɔ ngɛ kekleekle nyɔhiɔ ɔ we ligbi nɛ ji nyɔngma kɛ eywiɛ ɔ nɔ.

Kronika II, 35:7

Matsɛ Yosia ke ma a nɛ ba bua ngɛ lejɛ ɔ lohwe nɛ ɔmɛ, konɛ nɔ tsuaa nɔ nɛ ye Hetsɔmi ɔ bɔ nɛ sa: jijɔ kɛ akpakpo akpe nyingmi etɛ, kɛ na ku akpe etɛ. Matsɛ ɔ nitsɛ lohwehi ji enɛ ɔmɛ tsuo.

Kronika II, 35:11

Benɛ a gbe to ɔmɛ ɔ, Levi bi ɔmɛ kpɔ lohwe ɔmɛ a he womi ɔmɛ, nɛ osɔfo ɔmɛ ngɔ muɔ ɔ kɛ fĩa bɔ sami la tɛ ɔ nɔ.

Kronika II, 5:11

Osɔfo ɔmɛ tsuo nɛ ba bua a he nya a tsu a he, tsa pi ngɛ a kuu ɔmɛ a mi kɛkɛ. Levi bi, ni nɛmɛ nɛ ji lali ɔmɛ tsuo bu kploba saminyawiiwi. Mɛ ji Asaf, Heman, kɛ Yedutun, kɛ a bimɛ, kɛ a nyɛmimɛ. Levi bi ɔmɛ ya da si ngɛ bɔ sami la tɛ ɔ beleku je kɛ a dɛ mi ngmlɛhi, bɛhi, kɛ sakuhi. Osɔfohi lafa kɛ nyingmi enyɔ piɛ a he ngɛ lejɛ ɔ, nɛ mɛɛ lɛɛ a ngɛ titimati kpae. Titimati kpali ɔmɛ, ngmlɛ fiali ɔmɛ, kɛ saku fiali ɔmɛ piɛ lali ɔmɛ a he, nɛ mɛ tsuo a nya sɔ kɛ wo la a nɔ. A la kɛ je Yawɛ yi ke, “A je Yawɛ yi, ejakaa e hi, ejakaa e suɔmi ɔ ngɛ kɛ yaa neneene.” Benɛ osɔfo ɔmɛ ngɛ kpo jee ngɛ Yawɛ we ɔ mi ɔ, bɔku ba ha lejɛ ɔ tlukaa. Bɔku nɛ ɔ ngɛ kpɛe kaa Yawɛ hɛ mi nyami; enɛ ɔ he je ɔ, osɔfo ɔmɛ nyɛ we nɛ a kpale kɛ ya lejɛ ɔ nɛ a ya tsu ní.