Kronika II, 35:11 - BAIBLO ALOO NGMAMI KLƆUKLƆU Ɔ

¹¹ Benɛ a gbe to ɔmɛ ɔ, Levi bi ɔmɛ kpɔ lohwe ɔmɛ a he womi ɔmɛ, nɛ osɔfo ɔmɛ ngɔ muɔ ɔ kɛ fĩa bɔ sami la tɛ ɔ nɔ.

Kronika II, 35:11 ပူးပေါင်းရင်းမြစ်များ

Kronika II, 29:34

Akɛnɛ osɔfo ɔmɛ a he pi bɔ nɛ a ma nyɛ maa gbe lohwe nɛ ɔmɛ tsuo he je ɔ, a nyɛmimɛ Levi bi ɔmɛ ba piɛ a he kɛ tsu ní ɔ kɛ ya si a gbe nya. Jamɛ a be ɔ mi ɔ, osɔfo ɔmɛ babauu pee a he klɔuklɔu. (Levi bi ɔmɛ bɔɔ mɔde kaa a maa pee a he klɔuklɔu pe osɔfo ɔmɛ po).

Kronika II, 30:16

A ya da a blɔ he ɔmɛ ngɛ Yawɛ we ɔ mi kaa bɔ nɛ a ngma ngɛ Mawu nɔmlɔ Mose mlaa a mi ɔ. Levi bi ɔmɛ ngɔ lohwe ɔmɛ nɛ a kɛ ba sã bɔ ɔ a muɔ kɛ ha osɔfo ɔmɛ, nɛ osɔfo ɔmɛ kɛ muɔ ɔ fĩa bɔ sami la tɛ ɔ nɔ.

Mose IV, 18:7

Se o kɛ o bimɛ ɔmɛ pɛ ji ni nɛmɛ nɛ ngɛ he blɔ kaa nyɛ tsuɔ osɔfo ní tsumihi nɛ kɔɔ bɔ sami la tɛ ɔ, kɛ he klɔuklɔu pe kulaa a a he. Enɛ ɔmɛ ji nyɛ ní tsumi; ejakaa imi lɛ i kɛ osɔfo yemi ní tsumi ɔ ke nyɛ. Nɔ kpa ko nɛ maa hɛ lɛ kɛ su ní klɔuklɔu ɔmɛ a he ɔ, a gbe lɛ.”

Mose IV, 18:3

A ma sɔmɔ mo, nɛ a ma tsu bo tsu ɔ he ní tsumihi tsuo. Se mohu, á hyɛ nɛ a ko ta bɔ sami la tɛ ɔ, loo ní ɔmɛ nɛ ngɛ he klɔuklɔu ɔ a he, bɔ nɛ pee nɛ a kɛ nyɛ tsuo nyɛ ko gbo.

Kronika II, 35:1

Matsɛ Yosia ye Hetsɔmi ɔ ngɛ Yerusalem kɛ wo Yawɛ hɛ mi nyami; a gbe lohwehi nɛ a kɛ maa ye nyami be ɔ ngɛ kekleekle nyɔhiɔ ɔ we ligbi nɛ ji nyɔngma kɛ eywiɛ ɔ nɔ.

Kronika II, 35:6

Nyɛɛ gbe jijɔhi, kɛ to akpakpohi nɛ a kɛ maa ye Hetsɔmi ɔ. Jehanɛ, nyɛɛ pee nyɛ he klɔuklɔu, nɛ nyɛ dla kɛ ha bɔ ɔmɛ a sami. Nyɛɛ pee enɛ ɔ, bɔ nɛ pee nɛ nyɛ nyɛmimɛ Israel bi ɔmɛ nɛ a ye mlaa amɛ nɛ Yawɛ wo kɛ gu Mose nɔ ɔ a nɔ.”

Kronika II, 35:12

Enɛ ɔ se ɔ, a dla lohwe ɔmɛ nɛ a kɛ maa sã sami bɔ ɔ ngɔ ha ma a we puɔ nya we puɔ nya, konɛ a sã bɔ ɔmɛ kaa bɔ nɛ a ngma ngɛ Mose mlaa a mi ɔ.

Ezra 6:20

Jamɛ a be ɔ, osɔfo ɔmɛ, kɛ Levi bi ɔmɛ tsuo tsukɔ a he nɛ mɛ tsuo a he tsɔ. Lohwehi nɛ a kɛ maa pee kusumi kɛ ye Hetsɔmi ɔ, Levi bi ɔmɛ lɛ a gbe. A gbe lohwe nɛ ɔmɛ kɛ ha ma a tsuo nɛ kpale kɛ je ma se kɛ ba a, kɛ osɔfo ɔmɛ, kɛ mɛ nitsɛmɛ hulɔ.