Kronika II, 34:8 - BAIBLO ALOO NGMAMI KLƆUKLƆU Ɔ

⁸ Matsɛ Yosia yi nɔ jeha nɛ ji nyɔngma kɛ kpaanyɔ ɔ, e julaa zugba a, nɛ e tsukɔ Yawɛ, e Mawu ɔ we ɔ he. Be nɛ e gbe nya a, e tsɔ nihi etɛ konɛ a ya dla Yawɛ, e Mawu ɔ we ɔ. Ni ɔmɛ ji Azalia bi Shafan, amlaalo ɔ nɛ ngɛ Yerusalem, nɛ a tsɛɛ lɛ Maaseya a, kɛ Yoahaz bi Yoa, ma ní tsulɔ nɔkɔtɔma kake.

Kronika II, 34:8 ပူးပေါင်းရင်းမြစ်များ

Samuel II, 8:16

Yoab, nɛ e nyɛ biɛ ji Zeruya a, ji tatsɛ nɔkɔtɔma; Ahilud binyumu Yehoshafat ji sanehi ngmalɔ;

Ezekiel 8:11

Israel ma nimeli nyingmi kpaago, kɛ Yaazania, Shafan bi ɔ daa si ngɛ lejɛ ɔ. A ti nɔ tsuaa nɔ hɛɛ ngɛyu kɛ e mi tsopa kɛ e he via nɛ la su ku ngɛ mi jee kɛ yaa hiɔwe.

Yeremia 40:11

Israel bi tsuo nɛ ngɛ Moab, Amon, Edom kɛ zugba kpa amɛ a nɔ ɔ ba nu kaa Babilonia matsɛ ɔ si Israel bi komɛ ngɛ Yuda, nɛ e ngɔ Shafan bi Ahikam bi Gedalia ngɔ to a nya kaa amlaalo.

Yeremia 39:14

ba ngɔ mi kɛ je tsu ɔ mi ngɛ matsɛ we ɔ. A ngɔ mi kɛ wo Shafan bi Ahikam bi Gedalia dɛ, konɛ e hyɛ nɛ ma ya su we mi. Nɛ i hi ye ma mi bi ɔmɛ a kpɛti.

Yeremia 36:10

Kɛkɛ nɛ Baruk kane nɔ́ tsuaa nɔ́ nɛ i de ɔ kɛ ha ma a tsuo kaa bɔ nɛ a ngma ngɛ womi kpo ɔ mi ɔ. E kane womi kpo nɛ ɔ ngɛ Yawɛ we ɔ, ngɛ Gemaria, Shafan bi ɔ tsu ɔ mi. Gemaria nɛ ɔ ji matsɛ pɛdiyo, nɛ e tsu ɔ ngɛ yiti je kue ɔ mi, ngɛ Yawɛ we ɔ agbo he ɔ sinya a nya.

Yeremia 29:21

“Kolaya bi Ahab, kɛ Maaseya bi Zedekia nɛ a ngɛ lakpa gbami gbae ngɛ ye biɛ mi kɛ ngɛ nyɛ hae ɔ, bɔ nɛ Yawɛ Tabohiatsɛ, Israel Mawu ɔ de ngɛ a he ji nɛ ɔ nɛ. E ke e maa ngɔ mɛ kɛ wo Babilonia matsɛ, Nebukadnezar dɛ, nɛ Nebukadnezar maa gbe mɛ ngɛ nyɛ hɛ mi.

Yeremia 29:3

I ngɔ womi ɔ kɛ mane Elasa, Shafan bi ɔ, kɛ Gamaria, Hilkia bi ɔ. Mɛ ji nihi nɛ Yuda matsɛ, Zedekia tsɔ mɛ Babilonia matsɛ, Nebukadnezar ngɔ ɔ nɛ. Nɔ́ nɛ ngɛ womi ɔ mi ji nɛ ɔ nɛ:

Yeremia 26:24

Se Shafan bi Ahikam, matsɛ pɛdiyo ɔ, fa ye he. Enɛ ɔ he je ɔ, a ngɔɛ mi kɛ wui ma a dɛ mi nɛ a ya gbe mi.

Yeremia 21:1

Yuda matsɛ, Zedekia tsɔ Pashur, Malkia binyumu ɔ, kɛ osɔfo Zefania, Maaseya binyumu ɔ kɛ ba ye ngɔ kɛ sɛ gbi nɛ ɔ ke,

Kronika II, 18:25

Enɛ ɔ se ɔ, Matsɛ Ahab fa e tsɔli ɔmɛ a ti nɔ kake ke, “Nuu Mikaya nɛ o ngɔ lɛ ya ha Amon, amlaalo ɔ nɛ ngɛ ma a mi ɔ, kɛ ye binyumu Yoash.

Kronika I, 18:15

Zeruya binyumu Yoab ji tatsɛ nɔkɔtɔma; Ahilud binyumu Yehoshafat ji sanehi ngmalɔ;

Samuel II, 20:24

Ni nɛmɛ nɛ a nyɛɔ a nɔ nɛ a tsuɔ ní kɛ haa ma nɛ a wui mɛ hiɔ ɔ, mɛɛ a nyatsɛ ji Adoniram.

Yeremia 25:3

“Kɛ je be nɛ Yuda matsɛ, Yosia, Amon bi ɔ na jeha nyɔngma kɛ etɛ ngɛ e sɛ ɔ nɔ hluu kɛ ba si mwɔnɛ ligbi nɛ ɔ, jeha nyingmi enyɔ kɛ etɛ sɔuu ji nɛ ɔ nɛ. Kikɛmɛ a be nɛ ɔ tsuo ɔ, be tsuaa be ɔ, i naa sɛ gbi kɛ jeɔ Yawɛ ngɔ kɛ haa nyɛ. I deɔ nyɛ nɔ́ tsuaa nɔ́ fitsofitso; se nyɛ bui tue.

Kronika II, 24:5

E fa osɔfo ɔmɛ, kɛ Levi bi ɔmɛ ke a ya Yuda ma amɛ a mi, nɛ a ya tsu sika ngɛ ma mi bi ɔmɛ tsuo a dɛ kɛ ba nɛ a kɛ dla Yawɛ we ɔ kaa bɔ nɛ a peeɔ daa jeha a. E de mɛ ke a pee esɔ, se Levi bi ɔmɛ to tsle.

Kronika II, 24:12

Matsɛ ɔ kɛ Yehoyada ngɔ sika a kɛ ha nihi nɛ a tu Yawɛ we ɔ dlami ní tsumi ɔ ngɔ wo a dɛ ɔ. Mɛ hu a ya bɔ tɛ gbali, kapitɛhi, dade ga ní tsuli, kɛ akɔblee ga ní tsuli apaa konɛ a ba dla Yawɛ we ɔ.