Kronika II, 34:30 - BAIBLO ALOO NGMAMI KLƆUKLƆU Ɔ

³⁰ nɛ e kɛ mɛ, osɔfo ɔmɛ, Levi bi ɔmɛ, kɛ ma a tsuo, nimli nguahi, kɛ nimli wawihi tsuo ho Yawɛ we ɔ ya. Matsɛ ɔ ya kane mlaa womi ɔ nɛ a na ngɛ Yawɛ we ɔ mi munyu ɔmɛ tsuo ngɔ tsɔɔ ma a ngɛ lejɛ ɔ.

Kronika II, 34:30 ပူးပေါင်းရင်းမြစ်များ

Matsɛmɛ II, 23:2

nɛ a kɛ mɛ, kɛ osɔfo ɔmɛ, kɛ ma a tsuo, nimli wawihi kɛ nimli nguahi ho Yawɛ we ɔ ya. Matsɛ ɔ ya kane mlaa womi ɔ nɛ a na a ngɛ lejɛ ɔ.

Fiɛlɔ 1:12

Imi fiɛlɔ ɔ, i hi Yerusalem kɛ ye matsɛ ngɛ Israel ma a nɔ.

Hiob 3:19

Nimli wawi kɛ nimli nguahi tsuo ngɛ lejɛ ɔ, nɛ nyɔguɛ hu ye e he.

Kronika II, 34:24

sɛ gbi nɛ je Yawɛ ngɔ nɛ ɔ ya ha lɛ ke, “I kɛ gbiɛmi munyuhi nɛ a ngma ngɛ womi ɔ nɛ a kane ha lɛ matsɛ ɔ maa gbla Yerusalem, kɛ Yerusalem ma mi bi ɔmɛ tsuo a tue.

Kronika II, 34:15

Hilkia de womi ngmalɔ ɔ nɛ a tsɛɛ lɛ Shafan ɔ ke, “I na mlaa womi ɔ ngɛ Yawɛ we ɔ.” Nɛ́ e de ja kɛkɛ nɛ e kɛ womi ɔ ha Shafan.

Kronika II, 18:30

Siria matsɛ ɔ wo e ta zugba lɛ asafoatsɛmɛ ɔmɛ mlaa ke a kɛ nɔ ko nɔ ko nɛ ko hwu ta kaa ja Israel matsɛ ɔ kɛkɛ.

Matsɛmɛ II, 23:21

Matsɛ Yosia fa ma a tsuo ke, “Nyɛɛ ye Hetsɔmi ɔ nɛ nyɛ kɛ wo Yawɛ, nyɛ Mawu ɔ hɛ mi nyami kaa bɔ nɛ a ngma ngɛ mlaa womi nɛ ɔ mi ɔ.”

Mose V, 1:17

Nyɛ ko hyɛ nɔ hɛ mi ngɛ sane yemi mi; nyɛɛ bu nɔ tsuaa nɔ tue pɛpɛɛpɛ. Nyɛ ko ye nɔmlɔ adesa hɛ mi gbeye; ejakaa Mawu ji nɔ nɛ buáá sane he. Se ke sane ko pa nyɛ ɔ, lɛɛ nyɛ kɛ ba ye hɛ mi, konɛ imi nitsɛ ma hyɛ mi.’

Mose II, 24:7

Kɛkɛ nɛ e ngɔ somi womi ɔ, nɛ e kane kɛ ha ma a tsuo. Ma a he nɔ nɛ a de ke, “Wa maa bu Yawɛ tue; nɛ nɔ́ tsuaa nɔ́ nɛ e fa wɔ ke wa pee ɔ, wa maa pee.”

Kronika II, 34:31

Kɛkɛ nɛ e ho ya da kpoku ko nɔ nɛ e ka Yawɛ kita ke e maa bu lɛ tue, nɛ e maa ye e mlaa amɛ a nɔ kɛ e tsui tsuo, kɛ e klaa tsuo. E ka kita ke níhi nɛ a ngma ngɛ mlaa womi ɔ mi ɔ, e maa pee mɛ tsuo pɛpɛɛpɛ.

Ezekiel 46:10

Ke ma a ma ja Yawɛ ɔ, ganɔ ɔ kɛ mɛ nɛ ba; ke a maa kpale kɛ ya a, e kɛ mɛ nɛ ho.