Kronika II, 34:3 - BAIBLO ALOO NGMAMI KLƆUKLƆU Ɔ

³ Yosia matsɛ yemi be ɔ jeha nɛ ji kpaanyɔ ɔ mi ɔ, be mi nɛ e wɛ saasaa a, e bɔni e nɛ̃ David Mawu ɔ jami. Jeha nɛ ji nyɔngma kɛ enyɔ ɔ mi ɔ, e bɔni jami he ɔmɛ nɛ ngɛ Yerusalem kɛ Yuda a gbɛmi; e ywia yo mawu ɔ nɛ a tsɛɛ Ashera a we amaga amɛ, kɛ amaga kpa amɛ tsuo.

Kronika II, 34:3 ပူးပေါင်းရင်းမြစ်များ

Matsɛmɛ I, 13:2

Kɛkɛ nɛ Yawɛ fa gbalɔ ɔ, nɛ e kpa ngmlaa ngɔ wo bɔ sami la tɛ ɔ ke, “Bɔ sami la tɛ! Bɔ sami la tɛ! Bɔ nɛ Yawɛ de ji nɛ ɔ nɛ: a ma fɔ binyumu ko ngɛ David we ɔ mi, nɛ a ma tsɛ e biɛ ke Yosia. E ma ba gbe osɔfo ɔmɛ nɛ a ngɛ tsopa kɛ e he via sãe ngɛ o nɔ ɔ, nɛ e maa sã nimlihi a wuhi ngɛ o nɔ.”

Matsɛmɛ II, 10:27

A ku Baal amaga a ngɔ pue si, nɛ a gbɛ piɛ ɔ; nɛ a ngɔ lejɛ ɔ kɛ pee agbotso kɛ ba si mwɔnɛ ɔ.

Matsɛmɛ II, 18:4

E gbɛ jami he ɔmɛ, nɛ e ywia amaga a nɛ a puɛ kɛ ha yo mawu ɔ nɛ a tsɛɛ Ashera a, kɛ amaga kpa amɛ tsuo. Akɔblee sinɔ ɔ nɛ Mose pee, nɛ a tsɛɛ lɛ Nehushtan ɔ, lɔ ɔ hu e ywia lɛ tsɔkɔtsɔkɔ; ejakaa kɛ ba si jamɛ a be ɔ mi ɔ, Israel bi ɔmɛ jɔɔ we tsopa kɛ e he via sami kɛ ha akɔblee sinɔ ɔ.

Matsɛmɛ II, 20:5

e kpale e se nɛ e ya de Hezekia, Yawɛ ma a ganɔ ɔ ke, “Imi Yawɛ, o nɛ̃ David Mawu ɔ, i nu o kue fami ɔ, nɛ i na o hɛ mi vo nyu ɔ. Hyɛ, ma tsa mo, nɛ hiɛmɛ nɛ ɔ ligbi etɛ ɔ, o maa nyɛɛ kɛ ya Yawɛ we ɔ.

Matsɛmɛ II, 23:14

Matsɛ Yosia ywia tɛ titimahi, kɛ amagahi nɛ a puɛ ha yo mawu Ashera a dukuduku; nɛ e ya muɔ nimli a wuhi kɛ ba pue a ma he ɔmɛ.

Matsɛmɛ II, 23:4

Enɛ ɔ se ɔ, Matsɛ Yosia fa osɔfo nɔkɔtɔma pe kulaa Hilkia, kɛ osɔfo wawi ɔmɛ, kɛ Yawɛ we ɔ agbo nya buli ɔmɛ ke a ya je níhi tsuo nɛ a kɛ jaa Baal, kɛ yo mawu Ashera, kɛ dodoehi ngɛ Yawɛ we ɔ kɛ ba. Matsɛ ɔ ya sã ní nɛ ɔmɛ tsuo ngɛ Yerusalem ma a nya ngɛ Kidron kɔ̃ ɔ kasa nya, nɛ e ha a muɔ la zu ɔ kɛ ho Betel ya.

Kronika I, 22:5

David de e he ke, “We ɔ nɛ ye bi Salomo ma ba ma ha Yawɛ ɔ, e sa nɛ e kle agbo, nɛ́ e he biɛ ngɛ je ɔ mi tsuo. Se ye bi ɔ, jokuɛyo ji lɛ, nɛ e hɛ mi fa we lolo. Lɔ ɔ he ɔ, e hia kaa imi nitsɛ ma bɔni níhi a nya buami kɛ to nyɔngloo.” Enɛ ɔ he je ɔ, David bua tsu mami níhi babauu nya loko e gbo.

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

Kronika I, 29:1

Matsɛ David de ma kpekpemi ɔ tsuo ke, “Ye bi Salomo nɔ kake too nɛ Mawu hla a, jokuɛyo ji lɛ; e kpa we níhi a si lolo. Ní tsumi ɔ yi gbo; ejakaa pi nimli a mɔ nɛ a yaa mami ɔ, se Yawɛ Mawu ɔ nitsɛ e we.

Kronika II, 14:6

E fia gbogbo kɛ wo Yuda ma amɛ a he jamɛ a be ɔ mi. E kɛ nɔ ko nɔ ko hwui ta jehahi babauu, ejakaa Yawɛ ha lɛ tue mi jɔmi.

Kronika II, 15:2

nɛ e ho nɛ e kɛ Asa ya kpe, nɛ e de lɛ ke, “Matsɛ Asa, kɛ Yuda, kɛ Benyamin bi tsuo, nyɛɛ bu mi tue! Be abɔ nɛ nyɛ pɛtɛ Yawɛ he nɛ ɔ, lɛ hu e kɛ nyɛ ngɛ. Ke nyɛ hla e se blɔ ɔ, e ma ha nɛ nyɛɛ na lɛ. Se ke nyɛ kpale ngɛ e se ɔ, lɛ hu e ma kua nyɛ.

Kronika II, 30:14

A ya je bɔ sami la tɛhi tsuo nɛ ngɛ Yerusalem, nɛ a sãã bɔhi kɛ tsopa kɛ e he via ngɛ a nɔ ɔ, nɛ a muɔ mɛ kɛ ya pue Kidron pa a mi.

Kronika II, 33:15

E je ma se mawu ɔmɛ, kɛ amaga a nɛ e ngɔ ya ma Yawɛ we ɔ kɛ je lejɛ ɔ. Bɔ sami la tɛhi nɛ a pee ha mawuhi nɛ ngɛ yoku ɔ nɔ, he nɛ Yawɛ ɔ we ɔ ngɛ ɔ, kɛ ní nɛmɛ nɛ ngɛ he kpahi ngɛ Yerusalem ɔ, e je mɛ tsuo pɛpɛɛpɛ. E muɔ mɛ kɛ ho ya sake ngɔ pue ma a nya.

Kronika II, 33:17

E ngɛ mi kaa ma a ya nɔ sã bɔhi ngɛ jami he kpahi mohu, se bɔ ɔmɛ tsuo nɛ a sã a, Yawɛ pɛ a sã kɛ ha.

Kronika II, 33:22

E ya wo e tsɛ Manase nane, nɛ e pee yayami kɛ si Yawɛ; amaga amɛ nɛ e tsɛ puɛ ɔ, e sɔmɔ mɛ tsuo pɛpɛɛpɛ.

Kronika II, 34:33

Matsɛ Yosia je amagahi tsuo kɛ je zugba a nɔ he nɛ Israel ma a ngɛ ɔ, nɛ e ha nɛ ma a tsuo sɔmɔ Yawɛ, a nɛmɛ a Mawu ɔ e wami be ɔ tsuo.

La 119:9

Ke niheyo ngɛ hlae nɛ e ba e je mi bɔ nɛ sa a, kɛ e maa pee kɛɛ? Bɔ nɛ e maa pee ji e maa ye o mlaa amɛ a nɔ.

La 71:5

Nyɔmtsɛ, i ngɔ ye hɛ kɛ fɔ o nɔ. Yawɛ, kɛ je ye nihe mi tɔɔ ɔ, mo, o nɔ i ngɔ ye hɛ kɛ fɔ.

Mose II, 34:13

Dɛbi, nyɛɛ hule a bɔ sami la tɛ ɔmɛ; nyɛɛ gbɛ a wɔ piɛ ɔmɛ, nɛ nyɛɛ ywia a yo wɔ ɔ nɛ a tsɛɛ lɛ Ashera a we amaga amɛ.

Abɛ Womi 20:11

Jokuɛyo tete po e ní peemi níhi a kɛ yoɔ lɛ kaa e yeɔ anɔkuale, loo e peeɔ nɔ́ nɛ da.

Abɛ Womi 8:17

Nihi nɛ suɔ mi ɔ, imi hu i suɔ mɛ; nɔ tsuaa nɔ nɛ hlaa ye se blɔ ɔ, e maa na mi.

Fiɛlɔ 12:1

Lɔ ɔ he ɔ, mo kai o bɔlɔ ɔ ngɛ o nihe mi, be mi nɛ ligbi yayami ɔmɛ, kɛ jeha yayami ɔmɛ na we nɛ a ba, nɛ o ma de ke, “I be bua jɔmi ngɛ je mi.”

Mose III, 26:30

Ma puɛ nyɛ jami he ɔmɛ ngɛ yo ɔmɛ a nɔ, nɛ ma ywia nyɛ tsopa kɛ e he via bɔ sami la tɛ ɔmɛ; ma ngɔ nyɛ gbogboe ɔmɛ ngɔ pue nyɛ we amaga amɛ nɛ i ywia a a nɔ. Nyɛ maa pee nɔ́ nɛ a hiee ha mi.

Mika 1:5

Ní nɛ ɔmɛ tsuo maa ba mi, ejakaa Israel ma a pee yayami kɛ si Mawu, nɛ a tsɔ e hɛ mi atuã. Israel atuã tsɔmi ɔ, mɛnɔ kɛ ba? Ma nguaa a nɛ a tsɛɛ Samaria a, lɛ! Mɛnɔ yeɔ fɔ kaa e kɛ amaga jami ba Yuda? Yerusalem nitsɛ!

Mateo 6:33

Se nyɛ hla Mawu matsɛ yemi ɔ, kɛ níhi nɛ da ngɛ e hɛ mi ɔ kekle, nɛ a kɛ ní nɛ ɔmɛ tsuo maa piɛ he ngɔ ha nyɛ.

2 Timoteo 3:15

O kai kaa kɛ je o jokuɛ mi tɔɔ o le ngmami klɔuklɔu ɔ. Ngmami klɔuklɔu ɔ ma ha nɛ o maa le ní, nɛ Kristo Yesu nɛ o heɔ yeɔ ɔ ma he o yi wami.