Kronika II, 34:27 - BAIBLO ALOO NGMAMI KLƆUKLƆU Ɔ

²⁷ nɛ o tsake o tsui, nɛ o ba o he si ngɛ ye hɛ mi. Benɛ o nu bɔ nɛ i to nɛ ma gbla Yerusalem, kɛ Yerusalem ma mi bi ɔmɛ a tue ha a, o hía o he tade ɔmɛ, nɛ o wo ya. I nu o kue fami ɔ.

Kronika II, 34:27 ပူးပေါင်းရင်းမြစ်များ

Kronika II, 32:26

Se nyagbe ɔ, Hezekia kɛ Yerusalem ma mi bi ɔmɛ ba a he si. Lɔ ɔ he ɔ, Yawɛ gbla we ma a tue kɛ ya si Hezekia gbenɔ se.

Ezekiel 9:4

E de lɛ ke, “Yaa kpa si kɛ gu Yerusalem ma a mi tsuo. Nihi nɛ ngɛ haoe, nɛ a ngɛ kɔmɔ yee ngɛ ní hiemi níhi nɛ a ngɛ pee ɔ a he ɔ, pee okadi ngɛ a hɛ nya.”

La 34:18

Nihi nɛ a kɔni mi jɔ̃, kɛ nihi nɛ a be hɛ nɔ kami ɔ, Yawɛ hii a kasa nya, konɛ e wo mɛ he wami.

Yesaya 65:24

Loko a ma tsɛ mi ɔ, i he nɔ momo; benɛ a ngɛ kue fae ha mi nɛ a gbi nya lolo ɔ, i nu momo.

Yesaya 66:2

Ye nine nya níhi ji ni nɛ ɔmɛ tsuo, lɔ ɔ he ɔ, ye níhi ji mɛ tsuo. Nihi nɛ baa a he si, nɛ a naa a he yayami nɛ a tsakeɔ a tsui, nihi nɛ yeɔ mi gbeye, nɛ a buɔ mi tue ɔ, mɛ ji nihi nɛ i suɔ.

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

La 51:17

Bɔ nɛ saa mo Mawu o hɛ mi ji he piami. Ke nɔ ko pia e he, nɛ e tsake e tsui ɔ, o kua we lɛ.

La 10:17

Yawɛ, hiami níhi nɛ nɔ́ nali kɛ ba fɔ o hɛ mi ɔ, o le. Moo pee a hiami ní ɔmɛ ha mɛ, konɛ a ná he wami he.

Kronika II, 34:19

Benɛ matsɛ ɔ nu mlaa womi ɔ mi munyu ɔmɛ nɛ a ngɛ kanee ɔ, e hía e tade ɔmɛ ngɛ e he,

Kronika II, 33:12

Benɛ e ngɛ haomi mi ɔ, e ba e he si, nɛ e fa kue ha Yawɛ, e nɛmɛ a Mawu ɔ.

Kronika II, 12:7

Benɛ Yawɛ na kaa a pia a he ɔ, e de Shemaya ekohu ke, “Akɛnɛ a pia a he he je ɔ, i be a hɛ mi kpatae; ma he a yi wami ngɛ blɔ ko nɔ. Ye mi mi fu Yerusalem, se i be Shishak nɔ gue kɛ gbla ma a tue.

Kronika II, 33:19

A ngma Manase he ní nɛ ɔmɛ hu ngɛ Gbali ɔmɛ a Blema Sanehi Womi ɔ mi: kue nɛ Manase fa, kɛ bɔ nɛ Mawu bu lɛ tue ha, yayamihi nɛ e pee loko e ba tsake e tsui, jami hehi nɛ e po, yo mawu ɔ nɛ a tsɛɛ Ashera a we amagahi nɛ e puɛ, kɛ amagahi nɛ e ja.

Ezekiel 36:26

Ma ha nyɛ tsui he, kɛ juɛmi he. Nyɛ tsui nɛ wlua kaa tɛ ɔ, ma je kɛ je nyɛ mi, nɛ ma ha nyɛ tsui nɛ he jɔ.

Mose II, 10:3

Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Hebri bi ɔmɛ a Mawu ɔ de ji nɛ ɔ nɛ: ‘Mɛni be o ma kua o he si bami ha mi kɛ yaa si? Ha ye ma a nɛ ya nɛ a ya ja mi.

Samuel II, 1:11

Kɛkɛ nɛ David kɛ aywilɛho hía tade ɔ ngɛ e he, nɛ e we bi ɔmɛ tsuo pee ja nɔuu.

Kronika II, 34:26

Se Yuda matsɛ ɔ nitsɛ, nɔ nɛ tsɔ nyɛ ke nyɛ ba bi imi Yawɛ, ye ga womi ɔ, bɔ nɛ imi Yawɛ, Israel Mawu ɔ, i ngɛ lɛ dee ji nɛ ɔ nɛ: o nu munyuhi nɛ a ngma ngɛ mlaa womi ɔ mi ɔ,

Kronika II, 34:28

Enɛ ɔ he je ɔ, tue gblami nɛ i to nɛ e ba ma nɛ ɔ, kɛ ma mi bi ɔmɛ a nɔ ɔ, i be hae nɛ o na kɛ o hɛngmɛ. O ma ba gbo nɛ a maa pu mo ngɛ he jɔmi mi loko ma pee nɔ́ nɛ ɔ.” Kɛkɛ nɛ ni ɔmɛ kpale a se nɛ a kɛ sɛ gbi nɛ ɔ ba ha Matsɛ Yosia.

Kronika II, 33:13

Mawu bu Manase kue fami ɔ tue, nɛ e ha nɛ e kpale kɛ ya Yerusalem ya ye matsɛ ekohu. Nɔ́ nɛ ɔ ha nɛ Manase na kaa Yawɛ ɔ, Mawu ji lɛ niinɛ.

La 6:9

Yawɛ nu ye kue fami ɔ; Yawɛ maa pee ye hiami ní ɔmɛ ha mi.

Yesaya 66:5

Nyɛ ni nɛmɛ nɛ nyɛ yeɔ Yawɛ gbeye, nɛ nyɛ buɔ lɛ, nyɛ ta tue, “Akɛnɛ nyɛ yeɔ mi anɔkuale ɔ, nyɛ ma mi bi ɔmɛ ekomɛ nyɛɔ nyɛ, nɛ a kɛ nyɛ pee we nɔ́ ko nɔ́ ko, se nyɛ he fɛu mohu a yeɔ. A deɔ ke, ‘Yawɛ nɛ je e he wami kpo nɛ e he nyɛ yi wami, konɛ waa na bɔ nɛ nyɛ ma nya ha.’ Se mɛ nitsɛmɛ a hɛ mi si mohu a ma pue!