Kronika II, 34:25 - BAIBLO ALOO NGMAMI KLƆUKLƆU Ɔ

²⁵ A kua mi, nɛ a sã bɔhi kɛ ha mawu kpahi, nɛ a kɛ níhi nɛ a pee nɛ ɔ tsuo wo ye mi mi la. Ye mi mi fu Yerusalem wawɛɛ nitsɛ, nɛ nɔ́ ko be hie peemi ngɛ he.

Kronika II, 34:25 ပူးပေါင်းရင်းမြစ်များ

Yeremia 7:20

Lɔ ɔ he ɔ, imi Nyɔmtsɛ Yawɛ, ma plɛ ye mi mi fumi nɛ nya wa kaa la nɛ ngɛ tsoe plamplam nɛ hí gbemi ɔ kɛ pue we nɛ ɔ nɔ. Ye mi mi ma fu nimli, lohwehi, tsohi, kɛ ngmɔ niba ní tsuo.

Nahum 1:6

Ke e mi mi fu ɔ, mɛnɔ ma nyɛ maa da nya? Ke e hɛ dɔ wawɛɛ ɔ, mɛnɔ yi ma na wami? Ke e je e mi mi la glegleegle ɔ kpo ɔ, tɛ sahi peeɔ wɔtsɔwɔtsɔ kaa bunyuku ngɛ e hɛ mi.

Ezekiel 20:48

Nimli adesahi tsuo maa na kaa imi Yawɛ lɛ i mɛ hue ɔ he la a nɛ, nɛ a be nyɛe maa gbe.”

Kɔmɔ Yemi 4:11

Yawɛ mi mi fu wawɛɛ nitsɛ; e je e we abofu ɔ kpo; e mɛ Zion he la, nɛ e sã ma a sisi tomi ɔ pɛsɛpɛsɛ.

Kɔmɔ Yemi 2:4

E ngɔ e kɛ̃ɛ̃ mi bi ɔmɛ ngɔ ka wɔ kaa wa he nyɛlɔ. E gbe wa suɔli kpakpa amɛ tsuo. E kɛ e mi mi la nɛ nya wa kaa la a kple Yerusalem nɔ.

Yeremia 4:4

Somi nɛ nyɛɛ kɛ imi Yawɛ, nyɛ so ɔ, nyɛɛ ye nɔ, nɛ nyɛɛ ngɔ nyɛ he kɛ ha mi, nyɛ Yuda ma, kɛ Yerusalem bi. Ke nyɛ pee we ja a, ye mi mi ma fu nyɛ ngɛ nyɛ ní yayami ɔmɛ a he. Nɛ ke ye mi mi fu ɔ, nɔ ko be nyɛe maa jɔɔ he.”

Yesaya 42:25

Lɔ ɔ he ɔ, e ha wa nu e mi mi fumi nɛ nya wa a he, nɛ ta nɛ nya wa ba tua wɔ. E mi mi la a mle kɛ wo Israel he kɛ kpe, se a li nɔ́ nɛ ngɛ nɔ yae ɔ; wa kase we nɔ́ ko kulaa kɛ ji mi.

Kronika II, 15:2

nɛ e ho nɛ e kɛ Asa ya kpe, nɛ e de lɛ ke, “Matsɛ Asa, kɛ Yuda, kɛ Benyamin bi tsuo, nyɛɛ bu mi tue! Be abɔ nɛ nyɛ pɛtɛ Yawɛ he nɛ ɔ, lɛ hu e kɛ nyɛ ngɛ. Ke nyɛ hla e se blɔ ɔ, e ma ha nɛ nyɛɛ na lɛ. Se ke nyɛ kpale ngɛ e se ɔ, lɛ hu e ma kua nyɛ.

Kronika II, 12:2

Enɛ ɔ he je ɔ, Yawɛ gbla e tue. Matsɛ Rehoboam yi nɔ jeha nɛ ji enuɔ ɔ mi ɔ, Egipt matsɛ, Shishak ba tua Yerusalem.

Matsɛmɛ II, 22:17

A kua mi, nɛ a ya sã tsopa kɛ e he via kɛ ha mawu kpahi. A kɛ níhi nɛ a pee nɛ ɔ tsuo wo ye mi mi la wawɛɛ nitsɛ, nɛ e nya be si bae.

Kronika II, 12:7

Benɛ Yawɛ na kaa a pia a he ɔ, e de Shemaya ekohu ke, “Akɛnɛ a pia a he he je ɔ, i be a hɛ mi kpatae; ma he a yi wami ngɛ blɔ ko nɔ. Ye mi mi fu Yerusalem, se i be Shishak nɔ gue kɛ gbla ma a tue.

Kronika II, 34:26

Se Yuda matsɛ ɔ nitsɛ, nɔ nɛ tsɔ nyɛ ke nyɛ ba bi imi Yawɛ, ye ga womi ɔ, bɔ nɛ imi Yawɛ, Israel Mawu ɔ, i ngɛ lɛ dee ji nɛ ɔ nɛ: o nu munyuhi nɛ a ngma ngɛ mlaa womi ɔ mi ɔ,

Yeremia 22:9

Kɛkɛ ɔ, a ma he nɔ ke i ye nyɛ sane nɛ ɔ, ejakaa somi nɛ imi, nyɛ Mawu ɔ, i kɛ nyɛ so ɔ, nyɛ yi nɔ; nyɛ ya nyɛɛ mawu kpahi mohu a se, nɛ nyɛ sɔmɔ mɛ.”

Ezekiel 36:18

I gbla a tue wawɛɛ, ejakaa ye mi mi wo la ngɛ muɔ si nɛ a pue ngɛ zugba a nɔ, kɛ amagahi nɛ a kɛ ble lɛ ɔ a he.

Kronika II, 24:18

Nɔ́ nɛ ɔ ha nɛ a jɔɔ Yawɛ, a nɛmɛ a Mawu ɔ we ɔ yami, nɛ a ya ja amagahi, kɛ yo mawu ɔ nɛ a tsɛɛ Ashera a. Yayami nɛ a pee nɛ ɔ ha nɛ Yawɛ mi mi fu Yuda, kɛ Yerusalem.

Ezra 5:12

Akɛnɛ wa nɛmɛ ɔmɛ wo hiɔwe Mawu ɔ mi mi la he je ɔ, e ngɔ mɛ ngɔ wo Babilonia matsɛ, Nebukadnezer, Kaldea no ɔ dɛ mi. Nebukadnezer ba ku Mawu we ɔ ngɔ pue si, nɛ e nuu ni ɔmɛ nyɔguɛ kɛ ho Babilonia ya.

Kɔmɔ Yemi 2:3

Benɛ wa he nyɛli ɔmɛ ba tua wɔ ɔ, e piɛ we wa he, mohu ɔ, e kɛ hɛdɔ nɛ nya wa ku Israel he wami kpetekpleenyɛ ɔ nya la. E gli kɛ wo wɔ kaa la nɛ ngɛ tsoe plamplam kɛ ngɛ nɔ́ tsuaa nɔ́ hɛ mi kpatae.

Amos 5:6

“Ke nyɛ kpale we kɛ bɛ ye ngɔ ɔ, ma ba nyɛ Israel bi ɔmɛ nyɛ kpɛti kaa la nɛ ngɛ tsoe gegeege. La nɛ ɔ maa sã Betel ma mi bi ɔmɛ, nɛ nɔ ko nɔ ko be nyɛe nɛ e gbe.” Nɔ́ nɛ Yawɛ de Israel bi ɔmɛ ke a pee, konɛ a yi nɛ na wami ji nɛ ɔ nɛ.