Kronika II, 34:21 - BAIBLO ALOO NGMAMI KLƆUKLƆU Ɔ

²¹ “Nyɛɛ ya nɛ nyɛ ya bi Yawɛ ga womi ha imi, kɛ nihi tsuo nɛ piɛ ngɛ Israel, kɛ Yuda a. Nyɛ ya bi lɛ womi nɛ a ya na nɛ ɔ mi munyu ɔmɛ a he sane. Yawɛ mi mi fu wɔ wawɛɛ nitsɛ, ejakaa wa nɛmɛ ɔmɛ yi Yawɛ mlaa a nɔ; níhi nɛ a ngma ngɛ womi nɛ ɔ mi ke a pee ɔ, a pee we fɛɛ.”

Kronika II, 34:21 ပူးပေါင်းရင်းမြစ်များ

Yeremia 21:2

“Babilonia matsɛ, Nebukadnezar ba tua wɔ. Lɔ ɔ he ɔ, i kpa mo pɛɛ nɛ o bi Yawɛ ga womi ha wɔ kaa alini Yawɛ ma tsu nyakpɛ ni ha wɔ, nɛ e ma ha nɛ Nebukadnezar maa kpale e se lo.”

Romabi 4:15

Ejakaa mlaa a kɛ Mawu mi mi la baa; he nɛ mlaa be ɔ, nɔ ko tɔ we mlaa hulɔ.

Romabi 1:18

Nihi nɛ peeɔ yayami, nɛ a bɔɔ musu kɛ tsiɔ anɔkuale ɔ nɛ kɔɔ Mawu he ɔ nya a, Mawu kɛ mi mi fumi nɛ jeɔ hiɔwe gblaa a tue.

Yeremia 42:2

ba, nɛ a ba de mi ke, “Wa kpa mo pɛɛ nɛ o pee nɔ́ nɛ wa ma bi mo ɔ ha wɔ! Kpa Yawɛ, wa Mawu ɔ pɛɛ ha waa kɛ nihi tsuo nɛ a yi na wami ɔ. Be ko ɔ, wa he hiɛ babauu, se piɔ lɛɛ wɔ nihi bɔɔ pɛ lɛ piɛ, kaa bɔ nɛ mo nitsɛ o ngɛ hyɛe ɔ.

Kronika II, 33:11

Enɛ ɔ he je ɔ, Yawɛ ha nɛ Asiria tabo ɔ asafoatsɛmɛ ɔmɛ ba tua Yuda. A kɛ gbowehi nu Manase nɛ a wo lɛ kɔsɔkɔsɔ, nɛ a ngɔ lɛ kɛ ho Babilon ya.

Kronika II, 29:8

Enɛ ɔ he je ɔ, Yawɛ mi mi fu Yuda kɛ Yerusalem, nɛ nɔ́ nɛ e pee mɛ ɔ ha nɛ nɔ tsuaa nɔ he mi po, nɛ a ye gbeye. Nyɛ nitsɛmɛ nyɛ na nɔ́ nɛ ɔ kɛ nyɛ hɛngmɛ.

Matsɛmɛ II, 22:13

“Nyɛɛ ya nɛ nyɛ ya bi Yawɛ ga womi ha imi, kɛ Yuda ma a tsuo ngɛ kikɛmɛ a womi nɛ ɔ mi munyu ɔmɛ a he. Yawɛ mi mi fu wɔ wawɛɛ nitsɛ, ejakaa wa nɛmɛ ɔmɛ bui womi nɛ ɔ mi munyu ɔmɛ tue; nɛ níhi tsuo nɛ a ngma nɛ kɔɔ wa he ɔ hu a pee we.”

Samuel I, 9:9

Saul de ke, “Mo! O le demi; ha nɛ waa ho.” Nɛ a pue nɔ kɛ ho ma a mi he nɛ Mawu nɔmlɔ ɔ ngɛ ɔ ya. Benɛ a ngɛ yoku ɔ kuɔe kɛ yaa a, a kɛ yihewi komɛ kpe nɛ a yaa yɛ nyu. A bi yihewi ɔmɛ ke, “Ní nalɔ ɔ ngɛ ma a mi lo?” (Jamɛ a be ɔ, bɔ nɛ a tsɛɔ gbalɔ ji ní nalɔ. Lɔ ɔ he ɔ, ke nɔ ko yaa bi ní ngɛ Israel ɔ, bɔ nɛ e deɔ ji, “Nyɛ ha waa ho ní nalɔ ɔ ngɔ ya.”)

Mose V, 28:15

“Se ke nyɛ bui Yawɛ, nyɛ Mawu ɔ gbi tue, nɛ nyɛ yi e fami ɔmɛ, kɛ e mlaa amɛ tsuo nɛ i ngɛ nyɛ woe mwɔnɛ ɔ a nɔ pɛpɛɛpɛ ɔ, gbiɛmi nɛ ɔmɛ tsuo maa ba nyɛ nɔ.

Mose II, 18:15

Mose he nɔ ke, “Ye ní tsumi ji nɛ ɔ nɛ, ejakaa ma a baa ye ngɔ ba biɔ Mawu ga womi.

Kronika II, 34:20

nɛ e fa Hilkia, Shafan bi Ahikan, Mikaya bi Abdon, matsɛ pɛdiyo ɔ nɛ a tsɛɛ lɛ Shafan ɔ, kɛ matsɛ tsɔlɔ Asaya ke,

Kronika II, 34:22

Kɛkɛ nɛ Hilkia, kɛ nihi nɛ matsɛ ɔ tsɔ ɔ pue nɔ kɛ ho nɛ a ya bi gbalɔyo ɔ nɛ a tsɛɛ lɛ Hulda a ní ngɛ Yerusalem ma he ɔ mi he nɛ e hii ɔ. Hulda huno ji Tikva bi Shalum, Harhas bibi ɔ; nɛ Shalum nɛ ɔ ji nɔ nɛ hyɛɛ tadehi a nɔ ngɛ Yawɛ we ɔ. Osɔfo Hilkia kɛ tsɔli ɔmɛ ngɔ matsɛ ɔ sɛ gbi ɔ ya ha gbalɔyo ɔ.

Ezekiel 18:14

“Jehanɛ, waa ngɔ lɛ kaa nyumu nɛ ɔ hu ngɛ binyumu ko. Binyumu nɛ ɔ na bɔ nɛ e tsɛ ɔ ngɛ, kɛ e yayamihi nɛ e ngɛ pee ɔ tsuo; se e ye gbeye, nɛ e ya wo we e tsɛ ɔ nane.

Ezekiel 36:18

I gbla a tue wawɛɛ, ejakaa ye mi mi wo la ngɛ muɔ si nɛ a pue ngɛ zugba a nɔ, kɛ amagahi nɛ a kɛ ble lɛ ɔ a he.