Kronika II, 34:13 - BAIBLO ALOO NGMAMI KLƆUKLƆU Ɔ

¹³ Levi bi kpa komɛ hu hyɛɛ tlomi tlooli, kɛ ní tsuli kpahi a nɔ. A ti ni komɛ hu ji womi ngmali, ma ní tsuli, kɛ agbo nya buli.

Kronika II, 34:13 ပူးပေါင်းရင်းမြစ်များ

Nehemia 4:10

Yuda bi ɔmɛ a nya nygɛ nɔ ngɛ dee ke, “Pɔ tɔ wɔ kɛ nɔ́ tloomi. Ní kokoe ɔmɛ nɛ wa ma je ɔ hiɛ tsɔ. Kɛ wa ma pee kɛ fia gbogbo ɔ kɛɛ?”

Kronika II, 2:18

E dla ní tsumi nɛ ɔmɛ kɛ ha mɛ: nihi akpe nyingmi kpaago maa tloo tlomi, akpe nyingmi kpaanyɔ ma gba tɛ, nɛ akpe etɛ kɛ e nya lafa ekpa maa hyɛ ni ɔmɛ a nɔ, konɛ a tsu ní ɔ saminya.

Mateo 26:3

Jamɛ a be ɔ mi ɔ, osɔfo nikɔtɔma amɛ, kɛ ma nimeli ɔmɛ ya bua a he nya ngɛ osɔfo nɔkɔtɔma pe kulaa Kayafa mɔ ɔ mi,

Yeremia 8:8

Kɛ peeɔ kɛɛ nɛ nyɛ deɔ ke ní leli ji nyɛ, nɛ nyɛ le ye mlaa amɛ, be mi nɛ yakayaka womi ngmali tsake mlaa amɛ tsuo a hɛ mi kikɛ nɛ ɔ?

Kronika II, 19:11

Sanehi tsuo nɛ kɔɔ Yawɛ jami he ɔ, ke Amaria, osɔfo nɔkɔtɔma pe kulaa a ngɔ e nya ngɔ wo mi pɛ, a po sisi; nɔ kpa ko be he blɔ nɛ e deɔ nɔ́ ko hu. Ma mi sanehi lɛɛ, nɔkɔtɔma pe kulaa nɛ maa to blɔ nya ji Ishmael binyumu Zebadia, amlaalo ɔ nɛ ngɛ Yuda a. Ke lɛɛ e tu munyu ɔ, nɔ kpa ko be he blɔ nɛ e deɔ nɔ́ ko hu. Ke a ye sane ko gbe nya nɛ a buá he ɔ, Levi bi ɔmɛ a blɔ nya ní tsumi ji kaa a hyɛ konɛ blɔ nya nɛ kojomi he ɔ to ɔ, a ye nɔ. Nyɛɛ pee kã, nɛ nyɛɛ ye mlaa nɛ ɔmɛ a nɔ. Yawɛ nɛ piɛ nɔ nɛ peeɔ nɔ́ nɛ da a he!”

Kronika II, 8:14

Blɔ nya nɛ Salomo tsɛ, David to kɛ fɔ si ɔ, Salomo hyɛ jamɛ a blɔ nya tomi ɔ nɔ kɛ dla ní tsumi kɛ ha osɔfo ɔmɛ. E ngɔ Levi bi ɔmɛ a ní tsumi hu ngɔ wo a dɛ; mɛɛ a ní tsumi ji kaa a la kɛ je Yawɛ yi, nɛ a piɛ osɔfo ɔmɛ a he kɛ tsu a daa ligbi ní tsumi ɔmɛ. Jehanɛ, Yawɛ we ɔ agbo nya buli ɔmɛ hu Salomo dla mɛ ngɔ wo kuuhi a mi kɛ ha agbo slɔɔto ɔmɛ a nya bumi kaa bɔ nɛ Mawu nɔmlɔ, David fa ke a pee ɔ.

Kronika II, 8:10

Matsɛ Salomo tsɔli nikɔtɔmahi nɛ ngɛ ní tsumi ɔmɛ a nya, nɛ a hyɛɛ ní tsumi slɔɔto ɔmɛ a nɔ ɔ, a hiɛmi ji lafa enyɔ kɛ nyingmi enuɔ.

Kronika II, 2:10

Ma mane o ní tsuli ɔmɛ ngma nɛ jiɔmi ji tɔn akpe enyɔ, akoko nɛ jiɔmi ji tɔn akpe enyɔ, wai lita akpe lafa eywiɛ, kɛ oliv nu hu lita akpe lafa eywiɛ.”

Kronika I, 16:42

Heman kɛ Yedutun a ní tsumi kpa hu ji a hyɛ titimati kpami, kɛ ngmlɛ kɛ saku fiami ɔ nɔ be mi nɛ a ngɛ yi jemi la amɛ lae ɔ. Agbo nya bumi ní tsumi ɔ, a kɛ ha Yedutun weku ɔ.

Kronika I, 16:38

A he piɛli ji Yedutun binyumu Obed Edom, kɛ nyumuhi nyingmi ekpa kɛ kpaanyɔ nɛ je e weku ɔ mi. Hosa kɛ Obed Edom ji agbo nya buli.

Kronika I, 9:17

Yawɛ we ɔ he buli nɛ ba hi Yerusalem ji Shalum, Akub, Talmon, kɛ Ahiman. Shalum ji a nya dalɔ.

Matsɛmɛ II, 7:10

Kɛkɛ nɛ a ho nɛ a ya tsɛ ma agbo nya buli ɔmɛ nɛ a de mɛ ke, “Wa ya Siria bi ɔmɛ a ma sito he ɔ, se wa nɛ nɔ ko nɔ ko ngɛ lejɛ ɔ; wa nui nɔ ko nɔ ko nya hulɔ. A fi okpɔngɔ ɔmɛ, kɛ teji ɔmɛ kɛ muɔ si, nɛ bo tsu ɔmɛ fɔɔ si kaa bɔ nɛ a si mɛ ɔ.”