Kronika II, 33:7 - BAIBLO ALOO NGMAMI KLƆUKLƆU Ɔ

⁷ E puɛ amaga ko ya ma Yawɛ ɔ we. Mawu, kɛ David, kɛ e binyumu Salomo tu we nɛ ɔ he munyu hyɛ, nɛ e de ke, “I hla we nɛ ɔ ngɛ Yerusalem kɛ je Israel wɛtso ɔmɛ tsuo a kpɛti ngɔ to kaa he nɛ sa nɛ a ja mi ngɛ daa.

Kronika II, 33:7 ပူးပေါင်းရင်းမြစ်များ

Kronika II, 33:4

Yawɛ we ɔ ngɛ Yerusalem, he nɛ Yawɛ to nɛ a ja lɛ ngɛ daa a, Manase puɛ bɔ sami la tɛhi ngɛ lejɛ ɔ kɛ ha Baal ɔmɛ.

Kronika II, 7:16

ejakaa imi lɛ i hla we nɛ ɔ, nɛ i tsukɔ he, konɛ a ja mi ngɛ hiɛ ɔ kɛ ya neneene. Ma hyɛ we ɔ nɔ, nɛ ma bu he daa.

La 78:68

Mohu ɔ, e hla Yuda wɛtso ɔ, kɛ Zion yo ɔ nɛ e suɔ saminya a.

Kronika II, 33:15

E je ma se mawu ɔmɛ, kɛ amaga a nɛ e ngɔ ya ma Yawɛ we ɔ kɛ je lejɛ ɔ. Bɔ sami la tɛhi nɛ a pee ha mawuhi nɛ ngɛ yoku ɔ nɔ, he nɛ Yawɛ ɔ we ɔ ngɛ ɔ, kɛ ní nɛmɛ nɛ ngɛ he kpahi ngɛ Yerusalem ɔ, e je mɛ tsuo pɛpɛɛpɛ. E muɔ mɛ kɛ ho ya sake ngɔ pue ma a nya.

Kronika II, 6:6

Se jehanɛ lɛɛ i hla Yerusalem, konɛ a ja mi ngɛ lejɛ ɔ; i hla mo David hulɔ, nɛ o ye ye ma Israel ɔ nɔ.’ ”

Matsɛmɛ II, 23:6

E je amaga a nɛ a puɛ ngɔ ha yo mawu ɔ nɛ a tsɛɛ Ashera a kɛ je Yawɛ we ɔ, nɛ e ya sã lɛ ngɛ Kidron kɔ̃ ɔ mi ngɛ Yerusalem ma a nya. E wɛɛ jakati ɔ nɛ piɛ ɔ bukɔbukɔ kaa la zu, nɛ e ngɔ kɛ ya fĩa gɔ ɔ mi.

Matsɛmɛ I, 11:32

Ngɛ ye tsɔlɔ David he, kɛ Yerusalem, ma nɛ i hla kɛ je Israel wɛtso ɔmɛ tsuo a kpɛti ngɔ pee imi nitsɛ ye ma a he je ɔ, ma ha Salomo wɛtso kake.

Matsɛmɛ I, 11:13

I be matsɛ yemi ɔ tsuo kpɔe ngɛ e dɛ. Ngɛ ye tsɔlɔ David he, kɛ Yerusalem nɛ i ngɔ kɛ pee imi nitsɛ ye ma a he je ɔ, ma ha lɛ wɛtso kake.”

Matsɛmɛ I, 8:48

Ke a tsake a tsui niinɛ ngɛ jamɛ a zugba a nɔ, nɛ a plɛ a hɛ mi ngɔ kpee zugba nɛ ɔ nɛ o ngɔ ha wa nɛmɛ ɔmɛ, kɛ ma nɛ ɔ nɛ o hla ngɔ to, kɛ we nɛ ɔ nɛ i po ngɔ ha mo ɔ, nɛ a fa kue ha mo ɔ,

Matsɛmɛ I, 8:44

“Ke o fa o ma a ke a kɛ a he nyɛli ya hwu, nɛ a plɛ a hɛ mi ngɔ kpee ma nɛ ɔ nɛ o hla ngɔ to, kɛ we nɛ ɔ nɛ i po ha mo ɔ, nɛ a fa kue ha mo ɔ,

Matsɛmɛ I, 8:29

We nɛ ɔ, he nɛ o hla ngɔ to kaa a ja mo ngɛ ɔ, moo bu he nyɔ kɛ pia, konɛ ke i ba hiɛmɛ nɛ ɔ ba sɔle ɔ, o nu.

Matsɛmɛ I, 9:3

Yawɛ de lɛ ke, “I nu o kue fami ɔ. I pee we nɛ o po nɛ a ja mi ngɛ mi nɛ ɔ klɔuklɔu kɛ yaa neneene. Ma hyɛ we ɔ nɔ, nɛ ma bu he daa.

Yeremia 7:30

“Yuda bi ɔmɛ pee yayami. A ngɔ a we amagahi nɛ i hiee ɔ ba to ye we ɔ nɛ a kɛ ble we ɔ.

Mose II, 20:4

“Koo puɛ amaga, loo nɔ́ ko nɛ ngɛ kaa nɔ́ ko nɛ ngɛ hiɔwe, loo nɔ́ ko nɛ ngɛ zugba a nɔ, loo nɔ́ ko nɛ ngɛ nyu mi ngɛ zugba a sisi.

Manyadali 17:3

E kpale sika hiɔ yi akpe kɛ e nya lafa a kɛ ha e nyɛ ɔ; nɛ e nyɛ ɔ de ke, “I ngɛ sika hiɔ nɛ ɔ he tsukɔe ha Yawɛ ngɛ ye binyumu ɔ he, konɛ a ngɔ kɛ pee amaga nɛ a hlɔ, nɛ a kɛ sika hiɔ ha he.”

Matsɛmɛ I, 12:28

Matsɛ Yeroboam susu nɔ́ nɛ ɔ he saminya. Lɔ ɔ se ɔ, e kɛ sika tsu puɛ na bi enyɔ, nɛ e de ma a ke, “Bɔ nɛ nyɛ nyɛɛ kɛ ya Yerusalem ɔ ba hiɛ! Israel ma, nyɛ mawu ɔmɛ nɛ je nyɛ kɛ je Egipt zugba a nɔ ɔ, mɛ ji nɛ ɔmɛ nɛ!”

Kronika II, 6:5

‘Kɛ je be nɛ i jé ye ma Israel kɛ je Egipt ɔ, i hla we ma ko ma ko kɛ ji Israel wɛtso ko mi nɛ a po we ha mi, nɛ a ja mi ngɛ lejɛ ɔ; nɛ i hla we nɔ ko nɔ ko nɛ ba ye ganɔ ngɛ ye ma Israel ɔ nɔ.