Kronika II, 33:6 - BAIBLO ALOO NGMAMI KLƆUKLƆU Ɔ

⁶ E ngɔ e binyumuhi kɛ sã sami bɔhi ngɛ Hinom kɔ̃ ɔ mi. E kla, e tsu kunya, nɛ e kɛ kpade tsɛli, kɛ azetsɛmɛ bɔ. E pee yayamihi babauu kɛ si Yawɛ, nɛ e kɛ wo e mi mi la.

Kronika II, 33:6 ပူးပေါင်းရင်းမြစ်များ

Kronika II, 28:3

E sã tsopa kɛ e he via ngɛ Hinom kɔ̃ ɔ mi. Pi lɔ ɔ kɛkɛ. E kɛ lɛ nitsɛ e bimɛ po sã sami bɔhi kɛ ha amagahi kaa bɔ nɛ je ma amɛ nɛ Yawɛ fie kɛ je Israel bi ɔmɛ a blɔ mi ɔ pee ɔ pɛpɛɛpɛ.

Matsɛmɛ II, 21:6

E ngɔ e binyumu kɛ sã sami bɔ; e kla, nɛ e tsu kunya, nɛ e kɛ kpade tsɛli, kɛ azetsɛmɛ bɔ. E pee yayamihi babauu kɛ si Yawɛ, nɛ e kɛ wo e mi mi la.

Mose III, 20:6

“Ke nɔ ko je ye se nɛ e ya bi ní ngɛ klaali, kɛ kunya yeli a ngɔ ɔ, imi Mawu ɔ, ye hɛ maa dɔ kɛ wo lɛ, nɛ ma je lɛ we; a be lɛ bue ngɔ si ye ma a mi bi ɔmɛ a nɔ hu.

Mose III, 19:31

“Nyɛ ko ya bi ní ngɛ klaali, kɛ kunya yeli a ngɔ; ke nyɛ pee ja a, nyɛ ma ble nyɛ he. Imi ji Yawɛ, nyɛ Mawu ɔ nɛ.

Mose III, 19:26

“Nyɛ ko ye lo nɛ muɔ ngɛ mi kɛ mwɔɔ. Nyɛ ko klaa, nɛ nyɛ ko ye kunya hulɔ.

Mose III, 18:21

Koo ngɔ o bimɛ ɔmɛ eko kɛ ha nɛ a sã ha mawu ɔ nɛ a tsɛɛ lɛ Molek ɔ. Ke o pee ja a, o gbe Yawɛ, o Mawu ɔ he guɛ.

Yesaya 8:19

Se ni komɛ de nyɛ ke nyɛ ya bi ní ngɛ klaali, kɛ ní peeli nɛ kpaa nyagba, nɛ a tuɔ gugwɔ mi gbi ɔ a ngɔ. A ma de ke, “E pee we nɔ́ ko; e sa kaa a ya bi ní ngɛ mumihi a ngɔ, nɛ a nu nɔ́ ko nɛ kɔɔ hɛ ngmengmletsɛmɛ a he kɛ je kpadehi a ngɔ.”

Kronika I, 10:13

Saul gbo, ejakaa e yi Yawɛ anɔkuale. E tɔ Yawɛ mlaa amɛ a nɔ; jehanɛ hu, e ya ní peelɔ ngɔ nɛ e ya tsɛ kpade nɛ e bi lɛ ga womi,

Galatabi 5:20

amaga jami, kunya tsumi, ninyɛ, pɛ hlami, hunga jemi, mi mi la womi, pɛ, mi gbami, nya hiɔmi,

Ezekiel 23:39

Ejakaa benɛ a gbe ye bimɛ ɔmɛ ha a we amaga amɛ ɔ, a ba ye he klɔuklɔu ɔ jamɛ a ligbi ɔ nɔuu, nɛ a ba ble lejɛ ɔ!

Ezekiel 23:37

A puɛ gba kɛ a we amaga jami ɔ; a pue muɔ si, nɛ binyumuwi nɛ a fɔ ha mi ɔ po a kɛ mɛ sã bɔ ha amagahi.

Yesaya 19:3

Ma ha ga amɛ nɛ Egipt bi ɔmɛ to ɔ maa pee yaka, nɛ a mumu nya maa ta. A ma de amaga amɛ ke a ba piɛ a he; a ma ya bi ní ngɛ ní peeli a ngɔ, nɛ a ma bi ga womi kɛ je klamɔhi, kɛ kpade tsɛli a ngɔ.

Matsɛmɛ II, 23:24

Jehanɛ se hu, Matsɛ Yosia gu kpade tsɛmi, klaami, amagahi nɛ a kpɛ́, wɔhi, kɛ níhi nɛ a hiee tsuo a jami ngɛ Yerusalem kɛ Yuda ma kpa amɛ a mi. E pee nɔ́ nɛ ɔ, bɔ nɛ pee nɛ mlaa amɛ nɛ a ngma ngɛ womi ɔ nɛ osɔfo Hilkia ya na ngɛ Yawɛ we ɔ, ma a nɛ a ye nɔ.

Matsɛmɛ II, 23:10

Jehanɛ se hu, Matsɛ Yosia ya ble Tofet, nɛ ji jami he ɔ nɛ ngɛ Hinom kɔ̃ ɔ mi ɔ, bɔ nɛ pee nɛ nɔ ko nɛ ko ya sã e binyumu, loo e biyo bɔ kɛ ha Molek ngɛ lejɛ ɔ hu.

Matsɛmɛ II, 17:17

A ngɔ a binyumuhi, kɛ a biyihi kɛ sã sami bɔhi, kɛ ha wɔhi. A kla, a ye kunya, nɛ a je blɔ pee yayami nɛ a kɛ wo Yawɛ mi mi la.

Samuel I, 15:23

Atuã tsɔmi ɔ, e ji yayami; e ngɛ kaa klaami, nɛ tue wami hu ngɛ kaa wɔ jami. Akɛnɛ o bui Yawɛ fami ɔ tue he je ɔ, lɛ hu e kua mo kaa matsɛ.”

Mose V, 12:31

Nyɛ ko ja Yawɛ, nyɛ Mawu ɔ kaa a jaa a mawu ɔmɛ; ejakaa ngɛ a mawu ɔmɛ a jami mi ɔ, a peeɔ níhi nɛ a hĩɔ, nɛ́ Yawɛ sume ɔ tsuo. A bimɛ po a sãã ngɛ la mi ngɛ bɔ sami la tɛ ɔmɛ a nɔ.

Mose III, 20:27

“Nyumu tsuaa nyumu, loo yo tsuaa yo nɛ hiaa, loo a biɔ ní ngɛ e ngɔ ɔ, a fia lɛ tɛ nɛ e gbo; e gbenɔ ɔ sa lɛ nitsɛ.”

Mose III, 20:2

e de Israel bi ɔmɛ ke, “Ke nyɛ ti nɔ ko, loo nubwɔ ko nɛ ngɛ nyɛ kpɛti ngɔ e bi kɛ ha nɛ a kɛ ja mawu ɔ nɛ a tsɛɛ Molek ɔ, ma a tsuo nɛ fia lɛ tɛ nɛ e gbo.

Yeremia 32:35

A ya ma bɔ sami la tɛhi ha Baal ngɛ Hinom kɔ̃ ɔ mi, konɛ a ngɔ a binyumu ɔmɛ, kɛ a biyi ɔmɛ kɛ sã bɔ ha mawu ɔ nɛ a tsɛɛ lɛ Molek ɔ. I wui mɛ mlaa ke a pee nɔ́ ko kaa kikɛ nɛ ɔ; e bɛ ye yi mi po hyɛ kaa a maa pee nɔ́ ko kaa kikɛ nɛ ɔ nɛ a kɛ ha nɛ Yuda ma a nɛ pee yayami.”

Matsɛmɛ I, 16:33

Jehanɛ, e puɛ amaga kɛ ha yo mawu ɔ nɛ a tsɛɛ Ashera a. Ahab pee yayami kɛ wo Yawɛ, Israel Mawu ɔ mi mi la pe Israel matsɛmɛ ɔmɛ tsuo nɛ nyɛɛ e hɛ mi ɔ.