Kronika II, 33:3 - BAIBLO ALOO NGMAMI KLƆUKLƆU Ɔ

³ Jami hehi nɛ e tsɛ Hezekia gbɛ ɔ, e kpale po mɛ ekohu. E ma bɔ sami la tɛhi kɛ ha Baal, nɛ e pee amagahi kɛ ha yo mawu ɔ nɛ a tsɛɛ Ashera a. E ja dodoehi hulɔ.

Kronika II, 33:3 ပူးပေါင်းရင်းမြစ်များ

Mose V, 16:21

“Ke nyɛ ma bɔ sami la tɛ ha Yawɛ, nyɛ Mawu ɔ, nyɛ ko ngɔ yo Ashera a mawu we amaga nɛ a kɛ tso kpɛ kɛ ma e kasa nya.

Mose V, 17:3

lɔ ɔ ji kaa e ya ja mawu kpahi, pu, nyɔhiɔ kɛ dodoehi, nɛ e sɔmɔ mɛ, nɛ e kɛ tɔ̃ Yawɛ mlaa a nɔ.

Kronika II, 31:1

Benɛ a ye nyami be ɔmɛ ta a, Israel bi tsuo nɛ ba lejɛ ɔ pue nɔ kɛ ho Yuda ma amɛ a mi ya. A gbɛ jami he ɔmɛ; a ku amagahi nɛ a puɛ kɛ ha yo mawu ɔ nɛ a tsɛɛ Ashera a ngɔ pue si, nɛ a ywia bɔ sami la tɛ ɔmɛ, kɛ jami he ɔmɛ ngɛ Yuda ma amɛ tsuo a mi. A tsu kikɛmɛ a ní nɛ ɔ nɔuu ngɛ Benyamin, Efraim, kɛ Manase zugba amɛ a nɔ, loko a kpale kɛ ho a wehi a mi ya ngɛ a mahi a mi.

Kronika II, 30:14

A ya je bɔ sami la tɛhi tsuo nɛ ngɛ Yerusalem, nɛ a sãã bɔhi kɛ tsopa kɛ e he via ngɛ a nɔ ɔ, nɛ a muɔ mɛ kɛ ya pue Kidron pa a mi.

Zefania 1:5

Nɔ tsuaa nɔ nɛ kuɔɔ kɛ yaa tsu yi mi, nɛ e ya jaa pu, loo nyɔhiɔ, loo dodoe ɔ, ma kpata e hɛ mi. Nihi nɛ a jaa imi Yawɛ, nɛ a woɔ si ke a maa nyɛɛ ye se, se a kɛ mawu ɔ nɛ a tsɛɛ Milkom ɔ biɛ kaa kita a, mɛ hu ma kpata a hɛ mi.

Yeremia 19:13

Ma ble wehi tsuo ngɛ Yerusalem kaa bɔ nɛ i pee Tofet ɔ. Yuda matsɛmɛ ɔmɛ a mɔhi, kɛ tsu kpahi nɛ a sãã tsopa kɛ e he via ngɛ a yi mi kɛ haa dodoehi, nɛ a sãã wai bɔ ngɛ lejɛ ɔmɛ kɛ haa mawu kpahi ɔ, ma ble mɛ.”

Fiɛlɔ 9:18

Nile hi pe ta hwumi níhi. Se yayami peelɔ kake kpataa ní kpakpahi babauu a hɛ mi.

Matsɛmɛ II, 18:4

E gbɛ jami he ɔmɛ, nɛ e ywia amaga a nɛ a puɛ kɛ ha yo mawu ɔ nɛ a tsɛɛ Ashera a, kɛ amaga kpa amɛ tsuo. Akɔblee sinɔ ɔ nɛ Mose pee, nɛ a tsɛɛ lɛ Nehushtan ɔ, lɔ ɔ hu e ywia lɛ tsɔkɔtsɔkɔ; ejakaa kɛ ba si jamɛ a be ɔ mi ɔ, Israel bi ɔmɛ jɔɔ we tsopa kɛ e he via sami kɛ ha akɔblee sinɔ ɔ.

Ni Tsumi 7:42

Lɔ ɔ he ɔ. Mawu je e hɛ ngɛ a nɔ, nɛ e ngmɛɛ a he kaa a ja dodoehi ngɛ hiɔwe kaa bɔ nɛ a ngma ngɛ gbali ɔmɛ a womi ɔ mi ke, ‘Nyɛ Israel ma, anɛ imi nɛ nyɛ sã lohwehi, kɛ niye ni bɔ ngɔ ha ngɛ nga a nɔ jeha nyingmi eywiɛ ɔ?

Yeremia 17:2

Nyɛ bimɛ ɔmɛ jaa amagahi, kɛ yo mawu Ashera amaga amɛ ngɛ bɔ sami la tɛ ɔmɛ a nɔ ngɛ tso kusuu tsuaa tso kusuu sisi, kɛ yoku ɔmɛ

Yeremia 8:2

A be wu nɛ ɔmɛ a nya buae, nɛ a be mɛ pue hulɔ; wu ɔmɛ maa pee kaa kuku ngɛ zugba a nɔ. A ma ka wu ɔmɛ ngɔ ha pu kɛ nyɔhiɔ kɛ dodoehi. Ní nɛ ɔmɛ ji níhi nɛ ma a suɔ saminya; ma a sɔmɔ mɛ, nɛ a bi ní ngɛ a ngɔ, nɛ a ja mɛ hulɔ.

Fiɛlɔ 2:19

Nɔmlɔ nɛ ɔ ma ba pee ní lelɔ oo, e ma ba pee kuasia oo, mɛnɔ lɛ le? Se kɛ̃ ɔ, níhi tsuo nɛ i ngɔ nile kɛ gbo a he dengme ngɛ je nɛ ɔ mi ɔ, lɛ nɛ ma ba ye. Enɛ ɔ hu ji yaka nɔ́ ko.

Kronika II, 32:12

Anɛ pi Hezekia nɛ ɔ nɔuu nɛ ku Yawɛ jami he ɔmɛ, kɛ bɔ sami la tɛ ɔmɛ ngɔ pue si, nɛ pee se ɔ, e de Yuda bi ɔmɛ, kɛ Yerusalem bi ɔmɛ ke a ja Yawɛ, nɛ a sã tsopa kɛ e he via ha lɛ ngɛ bɔ sami la tɛ kake pɛ nɔ lo?

Matsɛmɛ II, 23:11

Jehanɛ, okpɔngɔhi nɛ Yuda matsɛmɛ ɔmɛ hla ngɔ to kɛ ha pu jami ɔ, e je mɛ kɛ je Yawɛ we ɔ agbo ɔ nya; nɛ e sã zugba lɛhi nɛ a kɛ jaa kikɛmɛ a jami nɛ ɔ. A toɔ ní nɛ ɔmɛ ngɛ Yawɛ we ɔ agbo ɔ nya, ngɛ tsɔlɔ nɔkɔtɔma Natan Melek we ɔ kasa nya.

Matsɛmɛ II, 21:3

Jami hehi nɛ e tsɛ Hezekia gbɛ ɔ, e kpale dla mɛ ekohu. E ma bɔ sami la tɛhi kɛ ha Baal, nɛ e puɛ amaga kɛ ha yo mawu ɔ nɛ a tsɛɛ Ashera a kaa bɔ nɛ Israel matsɛ, Ahab pee ɔ. E ja dodoehi hulɔ.

Matsɛmɛ I, 14:23

Mɛ hu a po piɛhi, nɛ a puɛ amagahi ngɛ ma a mi, ngɛ yokuhi a nɔ, kɛ tsohi nɛ bɔ kusuu a sisi; amaga amɛ ekomɛ daa si ha a yo mawu ɔ nɛ a tsɛɛ lɛ Ashera a.

Mose V, 4:19

Nyɛ ko ha níhi nɛ nyɛ ngɛ hyɛe ngɛ hiɔwe ɔ, pu, nyɔhiɔ, kɛ dodoehi babauu nɛ ha si ngɛ hiɔwe nɛ ɔ nɛ gbla nyɛ juɛmi kɛ ya ja mɛ, nɛ nyɛ sɔmɔ mɛ. Ejakaa Yawɛ, nyɛ Mawu ɔ ngɔ mɛ ngɔ ha ma amɛ tsuo nɛ ngɛ je ɔ mi ɔ.

Mose II, 34:13

Dɛbi, nyɛɛ hule a bɔ sami la tɛ ɔmɛ; nyɛɛ gbɛ a wɔ piɛ ɔmɛ, nɛ nyɛɛ ywia a yo wɔ ɔ nɛ a tsɛɛ lɛ Ashera a we amaga amɛ.

Matsɛmɛ II, 23:4

Enɛ ɔ se ɔ, Matsɛ Yosia fa osɔfo nɔkɔtɔma pe kulaa Hilkia, kɛ osɔfo wawi ɔmɛ, kɛ Yawɛ we ɔ agbo nya buli ɔmɛ ke a ya je níhi tsuo nɛ a kɛ jaa Baal, kɛ yo mawu Ashera, kɛ dodoehi ngɛ Yawɛ we ɔ kɛ ba. Matsɛ ɔ ya sã ní nɛ ɔmɛ tsuo ngɛ Yerusalem ma a nya ngɛ Kidron kɔ̃ ɔ kasa nya, nɛ e ha a muɔ la zu ɔ kɛ ho Betel ya.

Kronika II, 28:24

Ahaz bua Yawɛ we ɔ mi ní ɔmɛ tsuo a nya, nɛ e ywia mɛ dukuduku. E ngmɛ Yawɛ we ɔ nya; nɛ e ma bɔ sami la tɛhi ngɛ he tsuaa he ngɛ Yerusalem.

Kronika II, 33:15

E je ma se mawu ɔmɛ, kɛ amaga a nɛ e ngɔ ya ma Yawɛ we ɔ kɛ je lejɛ ɔ. Bɔ sami la tɛhi nɛ a pee ha mawuhi nɛ ngɛ yoku ɔ nɔ, he nɛ Yawɛ ɔ we ɔ ngɛ ɔ, kɛ ní nɛmɛ nɛ ngɛ he kpahi ngɛ Yerusalem ɔ, e je mɛ tsuo pɛpɛɛpɛ. E muɔ mɛ kɛ ho ya sake ngɔ pue ma a nya.

Kronika II, 33:19

A ngma Manase he ní nɛ ɔmɛ hu ngɛ Gbali ɔmɛ a Blema Sanehi Womi ɔ mi: kue nɛ Manase fa, kɛ bɔ nɛ Mawu bu lɛ tue ha, yayamihi nɛ e pee loko e ba tsake e tsui, jami hehi nɛ e po, yo mawu ɔ nɛ a tsɛɛ Ashera a we amagahi nɛ e puɛ, kɛ amagahi nɛ e ja.

Kronika II, 34:25

A kua mi, nɛ a sã bɔhi kɛ ha mawu kpahi, nɛ a kɛ níhi nɛ a pee nɛ ɔ tsuo wo ye mi mi la. Ye mi mi fu Yerusalem wawɛɛ nitsɛ, nɛ nɔ́ ko be hie peemi ngɛ he.

Yeremia 7:30

“Yuda bi ɔmɛ pee yayami. A ngɔ a we amagahi nɛ i hiee ɔ ba to ye we ɔ nɛ a kɛ ble we ɔ.