Kronika II, 33:2 - BAIBLO ALOO NGMAMI KLƆUKLƆU Ɔ

² Je ma amɛ nɛ Yawɛ fie kɛ je Israel bi ɔmɛ a blɔ mi ɔ, Manase ya nyɛɛ a ní yayami ɔmɛ a se, nɛ e pee yayami kɛ si Yawɛ.

Kronika II, 33:2 ပူးပေါင်းရင်းမြစ်များ

Kronika II, 28:3

E sã tsopa kɛ e he via ngɛ Hinom kɔ̃ ɔ mi. Pi lɔ ɔ kɛkɛ. E kɛ lɛ nitsɛ e bimɛ po sã sami bɔhi kɛ ha amagahi kaa bɔ nɛ je ma amɛ nɛ Yawɛ fie kɛ je Israel bi ɔmɛ a blɔ mi ɔ pee ɔ pɛpɛɛpɛ.

Mose V, 18:9

“Ke o ya su zugba a nɛ Yawɛ, o Mawu ɔ ngɛ mo hae ɔ nɔ ɔ, mo ko pee je ma amɛ nɛ ngɛ lejɛ ɔ a ní hiɔmi ní ɔmɛ.

Ezekiel 11:12

Kɛkɛ ɔ, nyɛ maa le kaa imi ji Yawɛ; ejakaa nyɛ yi ye mlaa amɛ, kɛ blɔ nya tomi ɔmɛ a nɔ; je ma amɛ nɛ bɔle nyɛ kɛ kpe ɔ, mɛ mohu a mlaahi a nɔ nyɛ yeɔ.”

Yeremia 15:4

Nɔ́ nɛ Yuda matsɛ, Manase, Hezekia bi ɔ pee benɛ e ngɛ tsɛ yee ngɛ Yerusalem he je ɔ, ma gbla a tue wawɛɛ nitsɛ, nɛ nɔ́ nɛ ɔ ma ha nɛ je ma amɛ tsuo maa ye gbeye.”

Ezra 9:14

Anɛ wa ma gbo tue ekohu nɛ waa kɛ nihi nɛ peeɔ musu bɔmi ní nɛ ɔmɛ nɛ sɛ gba si himi mi lo? Anɛ o mi mi be la woe wawɛɛ kɛ yaa si o ma kpata wɔ tsuo wa hɛ mi pɛsɛpɛsɛ nɛ nɔ kake po be piɛe lo?

Kronika II, 36:14

Jehanɛ se hu, Yuda ma nimeli ɔmɛ, osɔfo ɔmɛ, kɛ ma a tsuo pee yayami kɛ si Yawɛ. A ya sɔmɔ je ma amɛ nɛ bɔle mɛ ɔ a mawu ɔmɛ, nɛ a kɛ nɔ́ nɛ ɔ ble Yawɛ we ɔ nɛ lɛ Yawɛ ɔ nitsɛ pee klɔuklɔu ngɛ Yerusalem ɔ.

Matsɛmɛ II, 21:9

Se Yuda ma a bui Yawɛ tue, nɛ Manase mlɔɔ mɛ nɛ a ya pee yayami nɛ kle kulaa pe yayami nɛ je ma amɛ pee loko Yawɛ kpata a hɛ mi kɛ je Israel bi ɔmɛ a blɔ mi ɔ po.

Matsɛmɛ II, 21:2

Je ma amɛ nɛ Yawɛ fie kɛ je Israel bi ɔmɛ a blɔ mi ɔ, Manase ya nyɛɛ a ní yayami ɔmɛ a se, nɛ e pee yayami kɛ si Yawɛ.

Matsɛmɛ II, 17:15

A kua e blɔ nya tomi ɔmɛ, kɛ somi nɛ e kɛ a nɛmɛ ɔmɛ so ɔ, kɛ slɔmihi nɛ e slɔ mɛ ɔ. A ya nyɛɛ yakayaka amagahi a se, nɛ mɛ nitsɛmɛ a plɛ pee yakayaka nimli. Je ma amɛ nɛ bɔle mɛ kɛ kpe, nɛ Yawɛ wo mɛ mlaa ngɛ a he ke a ko pee a níhi kaa mɛ ɔ, a ya nyɛɛ jamɛatsɛmɛ ɔmɛ mohu a se.

Matsɛmɛ II, 17:11

nɛ a sã tsopa kɛ e he via ngɛ jami he ɔmɛ tsuo, kaa bɔ nɛ je ma amɛ nɛ Yawɛ fie kɛ je a blɔ ɔ nɔ ɔ pee ɔ pɛpɛɛpɛ. A pee ní yayamihi kɛ wo Yawɛ mi mi la.

Mose V, 18:14

Jehanɛ, Mose de ke, “Je ma amɛ nɛ o yaa ngɔ a zugba a buɔ nihi nɛ klaa, kɛ kunya tsuli tue; nyɛɛ lɛɛ Yawɛ, nyɛ Mawu ɔ kplɛɛ we nɛ nyɛɛ pee ja.

Mose V, 12:31

Nyɛ ko ja Yawɛ, nyɛ Mawu ɔ kaa a jaa a mawu ɔmɛ; ejakaa ngɛ a mawu ɔmɛ a jami mi ɔ, a peeɔ níhi nɛ a hĩɔ, nɛ́ Yawɛ sume ɔ tsuo. A bimɛ po a sãã ngɛ la mi ngɛ bɔ sami la tɛ ɔmɛ a nɔ.

Kronika II, 33:22

E ya wo e tsɛ Manase nane, nɛ e pee yayami kɛ si Yawɛ; amaga amɛ nɛ e tsɛ puɛ ɔ, e sɔmɔ mɛ tsuo pɛpɛɛpɛ.

Mose V, 12:29

“Yawɛ, nyɛ Mawu ɔ ma kpata je ma amɛ nɛ nyɛ yaa ngɔ a zugba a a hɛ mi, nɛ nyɛ maa hi lejɛ ɔ kulaa.