Kronika II, 33:19 - BAIBLO ALOO NGMAMI KLƆUKLƆU Ɔ

¹⁹ A ngma Manase he ní nɛ ɔmɛ hu ngɛ Gbali ɔmɛ a Blema Sanehi Womi ɔ mi: kue nɛ Manase fa, kɛ bɔ nɛ Mawu bu lɛ tue ha, yayamihi nɛ e pee loko e ba tsake e tsui, jami hehi nɛ e po, yo mawu ɔ nɛ a tsɛɛ Ashera a we amagahi nɛ e puɛ, kɛ amagahi nɛ e ja.

Kronika II, 33:19 ပူးပေါင်းရင်းမြစ်များ

1 Yohane 1:9

Se ke wa jaje wa he yayami ɔmɛ ha Mawu ɔ, e maa ye e siwo ɔ nɔ, nɛ e maa pee bɔ nɛ sa. E kɛ wa he yayami ɔmɛ maa pa wɔ; e maa tsu wa he, nɛ e ma je ní yayahi nɛ wa pee ɔ tsuo.

Romabi 5:16

Jehanɛ ɔ, Mawu nɔke nɔ́ ɔ slo kulaa ngɛ si gbeemi nɛ yayami nɛ Adam pee ɔ kɛ ba a he. Ejakaa nɛ Adam pee yayami ɔ, a kojo lɛ, nɛ a bu lɛ fɔ; se lɔ ɔ se ɔ, yayami babauu nɛ nihi pee ɔ, nɔke nɔ́ ɔ he ɔ, Mawu wo nihi tsuo nguɔ.

Ni Tsumi 9:11

Nyɔmtsɛ ɔ de lɛ ke, “Dla o he nɛ o ya Yuda we ɔ mi ngɛ he nɛ gbɛjegbɛ nɛ a tsɛɛ Tlɔmɔɔ ɔ ngɛ ɔ. Ke o su lejɛ ɔ, bi nyumu ko nɛ a tsɛɛ Saulo nɛ je Tarso ɔ si. E ngɛ sɔlee,

Daniel 5:22

“Nɛ mo Belshazar, Nebukadnezar bi, o le ní nɛ ɔmɛ tsuo; se kɛ̃ ɔ, o bɛ o he si.

Yeremia 44:10

Se kɛ ba si mwɔnɛ ligbi nɛ ɔ, nyɛ bɛ nyɛ he si. Nyɛ wui ye hɛ mi nyami, nɛ mlaahi tsuo nɛ i wo nyɛ, kɛ nyɛ nɛmɛ ɔmɛ ɔ, nyɛ yi mlaa amɛ a nɔ.

Abɛ Womi 15:8

Yayami peelɔ bɔ sami ɔ, Yawɛ sume kulaa; se ke nɔmlɔ kpakpa fa kue ɔ, e naa he bua jɔmi.

La 119:67

Loko o gbla ye tue ɔ, i pɔɔ blɔ tlami, se jehanɛ lɛɛ i yeɔ o munyu ɔ nɔ.

Kronika II, 36:12

E pee yayami kɛ si Yawɛ, e Mawu ɔ, nɛ e bɛ e he si ngɔ ha gbalɔ Yeremia, nɔ nɛ ngɔɔ Yawɛ sɛ gbi ba haa lɛ ɔ.

La 119:75

Yawɛ, i le kaa o ye dami sane, nɛ o gbla ye tue bɔ nɛ sa mi, ejakaa moo lɛɛ anɔkuale pɛ o yeɔ.

La 119:71

E hi ha mi kaa o gbla ye tue, konɛ ma kase o mlaa amɛ.

Kronika II, 30:11

Se kɛ̃ ɔ, Asher, Manase, kɛ Zebulun bi ɔmɛ a ti nihi bɔɔ ba a he si, nɛ a kplɛɛ kaa a maa ba Yerusalem.

Mose II, 34:13

Dɛbi, nyɛɛ hule a bɔ sami la tɛ ɔmɛ; nyɛɛ gbɛ a wɔ piɛ ɔmɛ, nɛ nyɛɛ ywia a yo wɔ ɔ nɛ a tsɛɛ lɛ Ashera a we amaga amɛ.

Kronika II, 33:20

Manase ba gbo, nɛ a pu lɛ ngɛ matsɛ we ɔ mi, nɛ e bi Amon ba ye matsɛ ngɛ e se.

Kronika II, 33:23

Se Amon bɛ e he si, nɛ e kpale we kɛ bɛ Yawɛ ngɔ kaa bɔ nɛ e tsɛ pee ɔ; lɛɛ e pee yayamihi babauu pe e tsɛ ɔ po.

Yeremia 13:18

Yawɛ de mi ke, “De matsɛ ɔ kɛ e nyɛ ɔ ke, a ba a he si, ejakaa a jlasi saminyawiiwi ɔmɛ je a yi nɔ si.

Kɔmɔ Yemi 3:56

Kue nɛ i fa nɛ o nu ji, ‘I kpa mo pɛɛ nɛ o ba piɛ ye he; koo tsi o tue.’