Kronika II, 33:18 - BAIBLO ALOO NGMAMI KLƆUKLƆU Ɔ

¹⁸ Manase he sane kpahi nɛ piɛ, kɛ kue nɛ e fa ha e Mawu, kɛ gbali ɔmɛ nɛ kɛ lɛ ba tu munyu ngɛ Israel Mawu ɔ biɛ mi ɔ a sɛ gbi ɔmɛ ɔ, a ngma ngɛ Israel Matsɛmɛ ɔmɛ a Blema Sanehi Womi ɔ mi.

Kronika II, 33:18 ပူးပေါင်းရင်းမြစ်များ

Kronika II, 33:19

A ngma Manase he ní nɛ ɔmɛ hu ngɛ Gbali ɔmɛ a Blema Sanehi Womi ɔ mi: kue nɛ Manase fa, kɛ bɔ nɛ Mawu bu lɛ tue ha, yayamihi nɛ e pee loko e ba tsake e tsui, jami hehi nɛ e po, yo mawu ɔ nɛ a tsɛɛ Ashera a we amagahi nɛ e puɛ, kɛ amagahi nɛ e ja.

Amos 7:12

Jehanɛ, Amazia de Amos ke, “E maa hi kaa o je ma nɛ ɔ mi nɔuu kɛ ho Yuda ya. Yaa nɛ o ya gba ngɛ lejɛ ɔ, nɛ o na o nya mi ngma.

Yesaya 30:10

A deɔ gbali ɔmɛ ke, “Nyɛ ko na ní; nyɛɛ gba ní kpakpahi mohu ha wɔ. Nyɛɛ kɛ wɔ nɛ tu munyu nɛ maa ngɔ ngɛ wa tue mi; ke sisimi munyuhi pohu wa suɔ.

Kronika II, 20:34

Ní kpahi tsuo nɛ Yehoshafat pee kɛ je e matsɛ yemi ɔ sisije kɛ ya si nyagbe ɔ, a ngma ngɛ Hanani binyumu Yehu Blema Sanehi Womi ɔ mi. Israel Matsɛmɛ ɔmɛ a Blema Sanehi Womi ɔ mi fa ji womi nɛ ɔ nɛ.

Mika 3:7

Zo maa gbe gbali ɔmɛ kɛ klaali ɔmɛ; mɛ tsuo pɛpɛɛpɛ a ma ma a nya. Ke a gba a, e be mi bae fɛɛ, ejakaa a be sɛ gbi ko nae kɛ je Mawu ngɔ hu.

Yesaya 29:10

Yawɛ ha mahe vii nɔ nyɛ nɔ, nɛ nyɛ hwɔ mahe kulaa. Nyɛ gbali ɔmɛ ɔ, Mawu kɛ nɔ́ bu a hɛ mi, nɛ e ha a yi nɔ.

Kronika II, 33:10

Yawɛ bɔ Manase kɛ e ma a kɔkɔ, se a bui tue.

Kronika II, 32:32

Matsɛ Hezekia he sane kpahi, kɛ ní kpakpahi tsuo nɛ e pee ɔ, a ngma ngɛ gbalɔ Yesaya, Amoz binyumu ɔ nina a nɛ ngɛ Yuda kɛ Israel Matsɛmɛ ɔmɛ a Blema Sanehi Womi mi ɔ mi.

Matsɛmɛ II, 17:13

Yawɛ gu gbali, kɛ ní nali a nɔ nɛ e kɛ slɔ Israel kɛ Yuda ke, “Nyɛɛ kpale kɛ je nyɛ blɔ yayami ɔmɛ a nɔ. Nyɛɛ ye ye mlaa amɛ nɛ i wo nyɛ nɛmɛ ɔmɛ, kɛ blɔ nya tomi ɔmɛ a nɔ. I ngɔ ní nɛ ɔmɛ ngɔ ha nyɛ kɛ gu ye tsɔli gbali ɔmɛ a nɔ.”

Matsɛmɛ I, 15:31

Nadab he sane kpahi nɛ piɛ ɔ, a ngma ngɛ Israel Matsɛmɛ ɔmɛ a Blema Sanehi Womi ɔ mi.

Matsɛmɛ I, 14:19

Yeroboam he sane kpahi nɛ piɛ, tahi nɛ e hwu, kɛ bɔ nɛ e ye tsɛ ha a, a ngma ngɛ Israel Matsɛmɛ ɔmɛ a Blema Sanehi Womi ɔ mi.

Samuel I, 9:9

Saul de ke, “Mo! O le demi; ha nɛ waa ho.” Nɛ a pue nɔ kɛ ho ma a mi he nɛ Mawu nɔmlɔ ɔ ngɛ ɔ ya. Benɛ a ngɛ yoku ɔ kuɔe kɛ yaa a, a kɛ yihewi komɛ kpe nɛ a yaa yɛ nyu. A bi yihewi ɔmɛ ke, “Ní nalɔ ɔ ngɛ ma a mi lo?” (Jamɛ a be ɔ, bɔ nɛ a tsɛɔ gbalɔ ji ní nalɔ. Lɔ ɔ he ɔ, ke nɔ ko yaa bi ní ngɛ Israel ɔ, bɔ nɛ e deɔ ji, “Nyɛ ha waa ho ní nalɔ ɔ ngɔ ya.”)

Matsɛmɛ I, 11:41

Salomo he sane kpahi nɛ piɛ, e nile, kɛ ní kpahi tsuo nɛ e pee ɔ, a ngma ngɛ Salomo he Sanehi Womi ɔ mi.

Kronika II, 21:2

Matsɛ Yehoshafat binyumu Yehoram ngɛ nyɛminyumuhi ekpa. Mɛ ji Azaria, Yehiel, Zakaria, Azariahu, Mikael kɛ Shefatia.