Kronika II, 33:14 - BAIBLO ALOO NGMAMI KLƆUKLƆU Ɔ

¹⁴ Ní nɛ ɔmɛ a se ɔ, Manase fia gbogbo enyɔne ɔ ngɛ David ma a we beleku je ɔ nɔ kɛ ya hiɔwe. E fia nɔ kɛ je kɔ̃ ɔ mi ngɛ Gihon pa a kasa nya ngɛ omleyi je kɛ ya si lo agbo ɔ nya, hluu kɛ ya bɔle ma a nɛ a tsɛɛ Ofel ɔ. Jehanɛ hu, e ngɔ tatsɛmɛ ngɔ to Yuda mahi nɛ a fia gbogbo ngɔ wo a he ɔ tsuo a mi.

Kronika II, 33:14 ပူးပေါင်းရင်းမြစ်များ

Nehemia 3:3

Hasenaa binyumu ɔmɛ ma Lo Agbo ɔ, nɛ a kɛ tso sɛu nɔ, nɛ a ma sinya amɛ, nɛ a dadehi kɛ a se lami níhi wo a nya.

Kronika II, 27:3

Yotam ji nɔ nɛ ma Yawɛ we ɔ omleyi je agbo ɔ nɛ. Yerusalem ma a he ko nɛ a tsɛɛ Ofel ɔ, Yotam nɔuu lɛ fia lejɛ ɔ gbogbo ɔ saminya.

Matsɛmɛ I, 1:33

e de mɛ ke, “Nyɛɛ ngɔ Salomo, kɛ ye tsɔli ɔmɛ kɛ ya Gihon. Salomo nɛ hi imi nitsɛ ye teji okpɔngɔ ɔ nɔ,

Zefania 1:10

“Jamɛ a ligbi ɔ, a maa wo yana ngɛ Lo Agbo ɔ nya ngɛ Yerusalem; a ma nya awe ngɛ Yerusalem ma he ɔ mi, nɛ a ma he ose ngɛ yoku ɔmɛ a nɔ.

Nehemia 12:39

Wa tsa nɔ kɛ ya gu Efraim Agbo ɔ nɔ, Yeshana Agbo ɔ nɔ, Lo Agbo ɔ nɔ, Hananel Mɔ ɔ he, kɛ Lafa Mɔ ɔ he, hluu kɛ ya su To Agbo ɔ nɔ. Wa ba gbe nya ngɛ Buli Agbo ɔ nya.

Kronika II, 32:30

Matsɛ Hezekia nɛ ɔ nɔuu tsi Gihon pa a ngɛ yiti je nɛ e ha nɛ nyu ɔ ba be ngɛ David ma a bonyoku je. Nɔ́ tsuaa nɔ́ nɛ Hezekia pee ɔ, e ye manye ngɛ mi.

Kronika II, 32:5

Matsɛ ɔ dla Yerusalem ma a he fami ní ɔmɛ; gbogbohi nɛ ku ɔ, e kpale fia mɛ ekohu, nɛ e ma mɔhi ngɛ a nɔ; e fia gbogbo enyɔne hulɔ kɛ wo ma a he. Jehanɛ se hu, e dla Milo mɔ ɔ nɛ ngɛ David ma a mi ɔ, nɛ e sɔ kɛ̃ɛ̃hi kɛ tsɛ̃ihi babauu.

Kronika II, 17:19

Ta buli nɛ sɔmɔ matsɛ ɔ ngɛ Yerusalem ji nɛ ɔmɛ nɛ; slo ni nɛmɛ nɛ e ngɔ mɛ ngɔ to Yuda ma kpahi nɛ a fia gbogbo ngɔ wo a he ɔ a mi.

Matsɛmɛ I, 1:45

nɛ osɔfo Zadok, kɛ gbalɔ Natan ya pɔ lɛ nu, nɛ a wo lɛ matsɛ ngɛ Gihon. Nɛ́ a je lejɛ ɔ, a hwɔ lele kɛ nyɛɛ e se kɛ ba sɛ ma a mi; nɛ ma a mi pee hoo. Lɔ ɔ ji ngmlaa nɛ o nu ɔ nɛ.

Yesaya 32:14

Mɔ ɔ po, nɔ ko nɔ ko be mi hie hu; nɛ ma nɛ hyi tɔ kɛ nimli babauu ɔ maa pee ma doku. Wehi, kɛ mɔhi nɛ bɔle mɛ kɛ kpe ɔ, a hɛ mi ma kpata kɛ maa ya neneene. Nga mi tejihi ma na bua jɔmi ngɛ lejɛ ɔ, nɛ tohi hu, lejɛ ɔ a maa ye ní ngɛ.