Kronika II, 33:13 - BAIBLO ALOO NGMAMI KLƆUKLƆU Ɔ

¹³ Mawu bu Manase kue fami ɔ tue, nɛ e ha nɛ e kpale kɛ ya Yerusalem ya ye matsɛ ekohu. Nɔ́ nɛ ɔ ha nɛ Manase na kaa Yawɛ ɔ, Mawu ji lɛ niinɛ.

Kronika II, 33:13 ပူးပေါင်းရင်းမြစ်များ

Ezra 8:23

Lɔ ɔ he ɔ, wa ha hwɔ, nɛ wa fa kue kɛ tsɛ wa Mawu ɔ ke e bu wa he, nɛ niinɛ, e bu wa kue fami ɔ tue.

Kronika I, 5:20

A ngɔ a hɛ ngɔ fɔ Mawu nɔ, nɛ a fa kue ha lɛ ke e piɛ a he. Mawu bu a kue fami ɔ tue, nɛ e ha nɛ a ye Hagri bi ɔmɛ, kɛ a he piɛli ɔmɛ a nɔ.

Mateo 6:33

Se nyɛ hla Mawu matsɛ yemi ɔ, kɛ níhi nɛ da ngɛ e hɛ mi ɔ kekle, nɛ a kɛ ní nɛ ɔmɛ tsuo maa piɛ he ngɔ ha nyɛ.

Daniel 4:25

A maa fie mo kɛ je nimlihi a kpɛti, nɛ o kɛ pu mi lohwehi ma ya hi si. O ma kpe nga kaa na, nɛ bɔ́ maa nɛɛ mo jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.

Yeremia 24:7

Ma ha nɛ a maa nu he ngɛ a tsui mi tɔɔ kaa imi ji Yawɛ. A maa pee ye ma, nɛ imi hu ma pee a Mawu; ejakaa a maa kpale kɛ ba ye ngɔ ekohu kɛ a tsui tsuo.

Abɛ Womi 21:1

Matsɛ juɛmi ngɛ kaa nyu dɔ ngɛ Yawɛ dɛ mi. He nɛ lɛɛ e suɔ nɛ e haa e guɔ.

La 86:5

Nyɔmtsɛ, o hi, nɛ o kɛ yayami paa nɔ. Nɔ tsuaa nɔ nɛ faa kue kɛ haa mo ɔ, o naa lɛ mɔbɔ.

Hebribi 8:11

Nɔ ko be e huɛ, loo e nyɛmi dee ke, ‘Moo le Nyɔmtsɛ ɔ.’ Ejakaa nɔ tsuaa nɔ maa le mi kɛ maa je nɔ nyafii pe kulaa nɔ kɛ yaa si nɔ nguaa pe kulaa nɔ.

Yohane 17:3

Ke a na le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma na neneene wami.

Yohane 4:10

Yesu de yo ɔ ke, “Ke o le nɔ́ kpakpa nɛ Mawu haa nɔ, kɛ nɔ nɛ ngɛ mo nyu bae nɛ ɔ, jinɛ mo mohu o maa ba lɛ eko, nɛ lɛɛ e ma ha mo nyu nɛ haa nɔ wami.”

La 46:10

Mawu ke, “Nyɛɛ pee dii, nɛ nyɛ na nyɛɛ le kaa imi ji Mawu ɔ nɛ. Je ma amɛ tsuo a kpɛti ɔ, nɔ ko nɔ ko be nɛ kɛ mi sɔ. Je ɔ mi hu nɔ ko pi mi.”

La 9:16

Yawɛ je e he kpo; e ye dami sane, nɛ yayami peeli a nane ya du klama a nɛ mɛ nitsɛmɛ a tsɔ ɔ.

Hiob 22:27

Ke o fa kue ha lɛ ɔ, e ma he nɔ, nɛ o maa ye o siwo ɔ nɔ.

Hiob 22:23

Ee, ba o he si nɛ o kpale kɛ ya Mawu ngɔ. Yayamihi tsuo nɛ a peeɔ ngɛ o we ɔ mi ɔ, a kpa peemi.

Ezra 7:27

Ezra la kɛ je Mawu yi ke, “Á je Yawɛ, wa nɛmɛ a Mawu ɔ yi. Lɛ nɛ e kɛ susumi kpakpa wo matsɛ ɔ yi mi kaa e pee nɔ́ ko kaa kikɛ nɛ ɔ kɛ wo Mawu we ɔ nɛ ngɛ Yerusalem ɔ hɛ mi nyami.

Mose V, 29:6

Nyɛ na we abolo nɛ nyɛɛ ye, nɛ nyɛ na we wai, loo dã nɛ nya wa ko nɛ nyɛɛ nu; se Yawɛ ha nyɛ nyɛ hiami ní ɔmɛ, bɔ nɛ pee nɛ e kɛ tsɔɔ nyɛ kaa lɛ ji nyɛ Mawu ɔ nɛ.

Abɛ Womi 16:7

Ke Yawɛ ná o he bua jɔmi ɔ, o he nyɛli tete po e ma ha o kɛ mɛ maa hi si ngɛ tue mi jɔmi mi.

Mose I, 25:21

Jinɛ Isak yo Rebeka a, yosa ji lɛ, se Isak kpa Yawɛ pɛɛ ha lɛ. Yawɛ bu e kue fami ɔ tue, nɛ Rebeka ba na mi.

Kronika II, 33:18

Manase he sane kpahi nɛ piɛ, kɛ kue nɛ e fa ha e Mawu, kɛ gbali ɔmɛ nɛ kɛ lɛ ba tu munyu ngɛ Israel Mawu ɔ biɛ mi ɔ a sɛ gbi ɔmɛ ɔ, a ngma ngɛ Israel Matsɛmɛ ɔmɛ a Blema Sanehi Womi ɔ mi.

Kronika II, 33:19

A ngma Manase he ní nɛ ɔmɛ hu ngɛ Gbali ɔmɛ a Blema Sanehi Womi ɔ mi: kue nɛ Manase fa, kɛ bɔ nɛ Mawu bu lɛ tue ha, yayamihi nɛ e pee loko e ba tsake e tsui, jami hehi nɛ e po, yo mawu ɔ nɛ a tsɛɛ Ashera a we amagahi nɛ e puɛ, kɛ amagahi nɛ e ja.

Yeremia 36:7

Alini a maa fa kue ha Yawɛ nɛ a maa kpale kɛ je a blɔ yayami ɔmɛ a nɔ; ejakaa abofu nɛ Yawɛ kɛ tu munyu kɛ si ma nɛ ɔ nya wa wawɛɛ nitsɛ.”

Daniel 4:32

A maa fie mo kɛ je nimlihi a kpɛti; o kɛ pu mi lohwehi ma ya hi si, nɛ o ma kpe nga kaa na jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.”

Daniel 4:36

“Benɛ ye juɛmi ɔ kpale ba a, a ngɔ ye hɛ mi nyami ɔ, ye agboje ɔ, kɛ matsɛ yemi ɔ kɛ ha mi ekohu. Ye ga woli ɔmɛ, kɛ nikɔtɔma amɛ ba hla ye se blɔ, nɛ a ngɔ mi ngɔ hi matsɛ sɛ ɔ nɔ ekohu. Jehanɛ lɛɛ he wami nɛ a ha mi ɔ kle pe kekle nɔ́ ɔ po.

Matsɛmɛ I, 8:50

Ngɔɔ a he yayami ɔmɛ tsuo, kɛ o hɛ mi atuã nɛ a tsɔ ɔ ngɔ pa mɛ, nɛ o ha ni nɛmɛ nɛ ba nuu mɛ nyɔguɛ ɔ nɛ a na mɛ mɔbɔ.

Matsɛmɛ I, 18:39

Benɛ ma a tsuo na nɔ́ nɛ ɔ, a ngɔ a hɛ mi ngɔ bu si, nɛ a de ke, “Yawɛ ji Mawu! Yawɛ ji Mawu!”

Matsɛmɛ II, 13:4

Kɛkɛ nɛ Yehoahaz fa kue ha Yawɛ, nɛ Yawɛ bu lɛ tue; ejakaa e na haomi nɛ Siria matsɛ ɔ ngɛ Israel bi ɔmɛ haoe ɔ.

Kronika II, 12:7

Benɛ Yawɛ na kaa a pia a he ɔ, e de Shemaya ekohu ke, “Akɛnɛ a pia a he he je ɔ, i be a hɛ mi kpatae; ma he a yi wami ngɛ blɔ ko nɔ. Ye mi mi fu Yerusalem, se i be Shishak nɔ gue kɛ gbla ma a tue.

Kronika II, 34:27

nɛ o tsake o tsui, nɛ o ba o he si ngɛ ye hɛ mi. Benɛ o nu bɔ nɛ i to nɛ ma gbla Yerusalem, kɛ Yerusalem ma mi bi ɔmɛ a tue ha a, o hía o he tade ɔmɛ, nɛ o wo ya. I nu o kue fami ɔ.

Hiob 22:22

Moo kplɛɛ nɛ Mawu nɛ tsɔɔ mo ní, nɛ o ngɔ e munyu ɔmɛ kɛ to o tsui mi.

Hiob 36:9

Mawu tsɔɔ mɛ a nɔ́ nami ɔ sisi, kaa a wo a he nɔ, nɛ a pee yayami.

Hiob 36:11

Ke a bu Mawu tue nɛ a sɔmɔ lɛ ɔ, a ma na tue mi jɔmi, kɛ kplɔkɔtɔ.

La 46:11

Yawɛ Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

La 107:13

Kɛkɛ nɛ a kpa ngmlaa kɛ tsɛ Yawɛ, nɛ e je mɛ kɛ je a haomi ɔ mi.

Kɔmɔ Yemi 3:56

Kue nɛ i fa nɛ o nu ji, ‘I kpa mo pɛɛ nɛ o ba piɛ ye he; koo tsi o tue.’