Kronika II, 32:8 - BAIBLO ALOO NGMAMI KLƆUKLƆU Ɔ

⁸ Niinɛ, Asiria matsɛ ɔ ngɛ ta buli babauu, se mɛ tsuo pɛpɛɛpɛ ɔ, nimli adesahi kɛkɛ ji mɛ. Wɔɔ lɛɛ Yawɛ, wa Mawu ɔ maa piɛ wa he; lɛ ji nɔ nɛ maa hwu ta amɛ ha wɔ!” Munyu nɛ ɔ nɛ Yuda matsɛ, Hezekia tu ɔ, wo ma a he wami.

Kronika II, 32:8 ပူးပေါင်းရင်းမြစ်များ

Matsɛmɛ II, 18:5

Hezekia ngɔ e hɛ ngɔ fɔ Yawɛ, Israel Mawu ɔ nɔ; enɛ ɔ he je ɔ, Yuda matsɛmɛ ɔmɛ nɛ nyɛɛ e hɛ mi, kɛ ni nɛmɛ nɛ nyɛɛ e se ɔ, a ti nɔ ko nɔ ko kɛ lɛ sɔɛ.

Matsɛmɛ II, 6:16

Elisha de lɛ ke, “Koo ye gbeye! Nimli nɛ ngɛ wa se ɔ, a hiɛ babauu pe ni nɛmɛ nɛ ngɛ mɛɛ a se ɔ.”

Kronika I, 5:22

A gbe he nyɛli ɔmɛ a ti nihi babauu, ejakaa ta a, Mawu nine ngɛ mi. Nɛ a hi jamɛ a zugba a nɔ hluu kɛ ya si be nɛ a je Asiria nɛ a ba nuu mɛ kɛ ho.

Kronika II, 13:12

Mawu nitsɛ ji wa hɛ mi nyɛɛlɔ. E we osɔfo ɔmɛ ngɛ hiɛ ɔ kɛ a titimati ɔmɛ. Ke a kpa titimati ɔmɛ pɛ kɛkɛ pe wa he ose kɛ gba ta kɛ wo nyɛ ɔ nɛ. Nyɛ Israel ma, nyɛ ko gba ta kɛ wo Yawɛ, nyɛ nɛmɛ a Mawu ɔ! Nyɛ be kunimi yee!”

Kronika II, 14:10

Asa hia nɛ e kɛ lɛ ya kpe, nɛ tabo enyɔ ɔmɛ tsuo ya bua ngɛ Zefata kɔ̃ ɔ mi, ngɛ Maresha kasa nya.

Kronika II, 14:11

Asa fa kue ha Yawɛ e Mawu ɔ ke, “Yawɛ lee, mo nɛ o piɛɔ nihi nɛ a he wa, kɛ ni nɛmɛ nɛ a he wɛ tsuo a he! Yawɛ, wa Mawu, moo piɛ wa he koo! Ejakaa wa ngɔ wa hɛ ngɔ fɔ o nɔ. Wa ba ngɛ o biɛ mi, konɛ waa kɛ asafo babauu nɛ ɔ ba kpe. Yawɛ, mo ji wa Mawu; ko ha nɛ nɔmlɔ adesa nɛ ye o nɔ kunimi.”

Kronika II, 16:7

Jamɛ a be ɔ mi ɔ, gbalɔ Hanani ba Yuda matsɛ, Asa ngɔ, nɛ e ba de lɛ ke, “Akɛnɛ o ngɔ o hɛ ngɔ fɔ Siria matsɛ ɔ nɔ, nɛ o ngɔɛ o hɛ ngɔ fɔɛ Yawɛ, o Mawu ɔ nɔ he je ɔ, Siria matsɛ tabo ɔ tu fo kɛ je o he.

Kronika II, 20:15

Yahaziel de ke, “Nɛnɛ Yehoshafat, nyɛ Yuda bi, kɛ Yerusalem bi tsuo, nyɛɛ bu tue! Yawɛ ke nyɛ tsui nɛ ko po, nɛ nyɛ ko ye gbeye kaa nyɛɛ kɛ ta babauu nɛ ɔ ma ya kpe, ejakaa ta a, tsa pi nyɛ nɔ́; Mawu nitsɛ ta ji ta a!

Kronika II, 20:17

Pi nyɛ nɛ nyɛ maa hwu ta nɛ ɔ. Nyɛɛ lɛɛ nyɛ ya da nyɛ blɔ hehi ngɛ nyɛ ta a nya, nɛ nyɛɛ mlɛ; nyɛ maa na kunimi nɛ Yawɛ maa ye ha nyɛ. Nyɛ Yuda, kɛ Yerusalem bi, nyɛ ko ye gbeye, nɛ nyɛ tsui ko po. Hwɔɔmɛ a je hwɔɔ ɔ, nyɛɛ ya nɛ nyɛɛ kɛ mɛ ya kpe, ejakaa Yawɛ kɛ nyɛ ngɛ!”

Kronika II, 20:20

E nɔ jena mɔtu kpla a, ma a hia kɛ ho Tekoa nga a nɔ ya. Benɛ a yaa a, Yehoshafat de mɛ ke, “Nyɛ Yuda, kɛ Yerusalem bi! Nyɛɛ ngɔ nyɛ hɛ kɛ fɔ Yawɛ nyɛ Mawu ɔ nɔ, nɛ nyɛ maa ye manye. Nyɛ he nɔ́ nɛ e gbali ɔmɛ deɔ nyɛ ɔ nyɛɛ ye, nɛ nyɛ maa ye kunimi.”

Kronika II, 32:15

Lɔ ɔ he ɔ, nyɛ ko ha nɛ Hezekia nɛ sisi nyɛ, loo e mlɔɔ nyɛ kikɛ nɛ ɔ. Nyɛ ko he lɛ nyɛɛ ye! Je ma ko je ma ko mawu kpɔ we e ma hyɛ kɛ ji Asiria matsɛ ko matsɛ ko dɛ mi. Enɛ ɔ he je ɔ, e fɔɔ si paa kaa nyɛ hu nyɛ Mawu nɛ ɔ be nyɛe ma he nyɛ yi wami!”

Hiob 40:9

Anɛ o ngɛ he wami kaa imi Mawu ɔ lo? Anɛ o ma nyɛ maa wo gbi kaa imi lo?

La 118:8

E hi kaa o sa we ngɛ Yawɛ ngɔ, pe nɔ́ nɛ o maa ngɔ o hɛ kɛ fɔ nɔmlɔ nɔ.

La 20:7

Ni komɛ fĩaa kɛ fɔɔ a ta zugba lɛhi a nɔ; ni komɛ hu fĩaa kɛ fɔɔ a we okpɔngɔhi a nɔ; se wɔɔ lɛɛ Yawɛ, wa Mawu ɔ biɛ mi wa fĩaa ngɛ.

La 46:11

Yawɛ Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

La 46:7

Yawɛ, Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

Mose II, 4:31

Ma a he ye. Benɛ a nu kaa Yawɛ ba na Israel bi ɔmɛ a nɔ́ nami ɔ, nɛ e ma nɛ e ba pee he nɔ́ ko ha mɛ ɔ, a kpla si nɛ a ja Mawu.

Abɛ Womi 12:25

Tsui yemi ha we nɔ bua jɔmi, se munyu kpakpa haa nɔ bua jɔɔ e he.

Yesaya 30:32

Ke Yawɛ nitsɛ ngɛ mɛ ní fiae ɔ, tue gblami tsuaa tue gblami nɛ e ma ha mɛ ɔ, e ma a maa hi miɛ, nɛ a maa fia saku kɛ to he.

Yesaya 31:3

Egipt bi ɔmɛ ɔ, nimli adesahi kɛkɛ ji mɛ; tsa pi Mawu ji mɛ. A we okpɔngɔ ɔmɛ ɔ, lohwehi kɛkɛ ji mɛ, tsa pi Mawu mumi nɛ ngɛ a mi. Ke Yawɛ gba ta a, je ma ko je ma ko be nya nyɛe maa da; je ma nɛ he wa jio, je ma nɛ a ya je ngmlaa ha lɛ jio, mɛ tsuo a hɛ mi ma kpata.

Yesaya 36:18

Nyɛ ko ha nɛ Hezekia nɛ mlɔɔ nyɛ ke Yawɛ ma he nyɛ yi wami. Anɛ je ma amɛ a mawu ɔmɛ eko nyɛ kpɔ e zugba kɛ je Asiria matsɛ ɔ dɛ mi hyɛ lo?

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yesaya 8:10

Nyɛɛ to nyɛ ga amɛ! Se a maa pee yaka. Nyɛ de nɔ́ tsuaa nɔ́ nɛ nyɛ suɔ! Se enɛ ɔmɛ tsuo maa pee yaka, ejakaa Mawu kɛ wɔ ngɛ.

Yeremia 17:5

Yawɛ ke, “Nɔ nɛ jeɔ ye se nɛ e ngɔɔ e hɛ ya fɔɔ nɔmlɔ nɔ, nɛ e hyɛɛ yemi kɛ buami blɔ kɛ jee adesa dɛ ɔ, a gbiɛ lɛ!

Yeremia 42:11

Nyɛ ko ye Babilonia matsɛ ɔ gbeye hu. I kɛ nyɛ ngɛ, nɛ ma je nyɛ kɛ je e dɛ mi.

Zakaria 4:6

Mawu bɔfo ɔ de mi ke ma ngɔ Yawɛ sɛ gbi nɛ ɔ kɛ ya ha Zerubabel: “Pi o nyɛ́mi, loo o he wami nya; se ye mumi ɔ nɛ ma tsu enɛ ɔ. Yawɛ Tabohiatsɛ ɔ lɛ de.

Ni Tsumi 18:10

ejakaa i kɛ mo ngɛ. Nɔ ko nɔ ko be nyɛe maa pee mo yayami ko; ejakaa i ngɛ we bi babauu ngɛ ma nɛ ɔ mi.”

Mose V, 20:1

“Ke o hia ta, nɛ o kɛ o he nyɛli yaa hwu, nɛ o na kaa he nyɛli ɔmɛ ngɛ zugba ta lɛhi, okpɔngɔhi, kɛ ta buli babauu pe mo ɔ, koo ye mɛ gbeye. Yawɛ, o Mawu ɔ nɛ kpɔ mo kɛ je Egipt zugba a nɔ ɔ kɛ mo ngɛ.

Mose V, 20:3

‘Nyɛɛ bu tue, Israel bi! Mwɔnɛ ɔ, nyɛ su ta nya. Nyɛ ko ye nyɛ he nyɛli ɔmɛ gbeye, nyɛ kã nɛ ko ta, nɛ nyɛ ko nu sawale.

Mose V, 20:4

Yawɛ, nyɛ Mawu ɔ nitsɛ kɛ nyɛ yaa, nɛ e ma ha nyɛ maa ye kunimi.’

2 Timoteo 4:17

Se Nyɔmtsɛ ɔ piɛ ye he, nɛ e wo mi he wami, nɛ i nyɛ fiɛ sane kpakpa a kɛ ha ma je li ɔmɛ tsuo. Bɔ nɛ Mawu je mi kɛ je gbenɔ nya mi ji nɛ ɔ nɛ. Ee, e je mi kɛ je gbenɔ mi.

2 Timoteo 4:22

Wa Nyɔmtsɛ Yesu Kristo nɛ gbaa mo. Mawu dloomi ɔ kɛ nyɛ nɛ hi si!

Yoshua 10:42

Yoshua ye matsɛmɛ nɛ ɔmɛ kɛ a zugba amɛ tsuo a nɔ ngɛ ta nɛ e gba si kake too ɔ mi; ejakaa Yawɛ, Israel Mawu ɔ hwu ta ha Israel.

1 Yohane 4:4

Bimɛ tsɔwi, nyɛɛ lɛɛ Mawu níhi ji nyɛ, nɛ nyɛ ye lakpa gbali ɔmɛ a nɔ kunimi. Ejakaa mumi nɛ ngɛ nyɛ mi ɔ, e he wa kulaa pe mumi nɛ ngɛ ni nɛmɛ nɛ a kɛ je ɔ ngɛ bɔe ɔ a mi.

Samuel I, 17:45

David de Filisti no ɔ ke, “Moo lɛɛ o kɛ klaate, akplɔ, kɛ kɛ̃ɛ̃ ma ye ngɔ; se imi lɛɛ i ma ngɛ Yawɛ Tabohiatsɛ, Israel tabo ɔmɛ a Mawu ɔ nɛ o ngɛ lɛ ahlua bɔe ɔ biɛ mi.