Kronika II, 32:7 - BAIBLO ALOO NGMAMI KLƆUKLƆU Ɔ

⁷ “Nyɛ wlua nyɛ, nɛ nyɛɛ pee kã. Nyɛ ko ye Asiria matsɛ ɔ kɛ e ta babauu ɔ gbeye; ejakaa nɔ nɛ kɛ wɔ ngɛ ɔ, e he wa kulaa pe nɔ nɛ kɛ mɛ ngɛ ɔ.

Kronika II, 32:7 ပူးပေါင်းရင်းမြစ်များ

Matsɛmɛ II, 18:30

Nyɛ ko ha nɛ Hezekia nɛ mlɔɔ nyɛ nɛ nyɛɛ ngɔ nyɛ hɛ kɛ fɔ Yawɛ nɔ. Nyɛ ko susu kaa Yawɛ ma he nyɛ yi wami, nɛ e be hae nɛ Asiria matsɛ ɔ nɛ ngɔ nyɛ ma a.

Matsɛmɛ II, 18:5

Hezekia ngɔ e hɛ ngɔ fɔ Yawɛ, Israel Mawu ɔ nɔ; enɛ ɔ he je ɔ, Yuda matsɛmɛ ɔmɛ nɛ nyɛɛ e hɛ mi, kɛ ni nɛmɛ nɛ nyɛɛ e se ɔ, a ti nɔ ko nɔ ko kɛ lɛ sɔɛ.

Matsɛmɛ II, 6:16

Elisha de lɛ ke, “Koo ye gbeye! Nimli nɛ ngɛ wa se ɔ, a hiɛ babauu pe ni nɛmɛ nɛ ngɛ mɛɛ a se ɔ.”

Kronika I, 22:13

Mlaa amɛ tsuo nɛ Yawɛ wo Israel ma a kɛ gu Mose nɔ ɔ, ke o ye a nɔ ɔ, e maa hi ha mo. O he nɛ wa nɛ o pee kã; koo ye nɔ́ ko nɔ́ ko gbeye!

Kronika I, 28:10

Ná nɛ o le kaa Yawɛ hla mo konɛ o ma e we klɔuklɔu ɔ. Pee kã nɛ o kɛ tsu ní tsumi nɛ ɔ.”

Kronika I, 28:20

Nyagbe ɔ, Matsɛ David de e bi Salomo ke, “Wlua mo, nɛ o pee kã, nɛ o tsu ní ɔ. Koo ye gbeye, nɛ o tsui ko po; ejakaa Yawɛ Mawu ɔ nɛ i sɔmɔɔ lɛ ɔ kɛ mo ngɛ. E be mo kuae, nɛ e be mo sie kɛ yaa si o maa gbe e we ɔ he ní tsumi ɔmɛ tsuo nya.

Kronika II, 15:7

Se nyɛɛ lɛɛ, nyɛ wlua nyɛ! Nyɛ ko ha nɛ nyɛ nine mi nɛ je wu, ejakaa ní tsumi nɛ nyɛ ngɛ tsue ɔ, nyɛ ma na he hiɔwo.”

Kronika II, 16:7

Jamɛ a be ɔ mi ɔ, gbalɔ Hanani ba Yuda matsɛ, Asa ngɔ, nɛ e ba de lɛ ke, “Akɛnɛ o ngɔ o hɛ ngɔ fɔ Siria matsɛ ɔ nɔ, nɛ o ngɔɛ o hɛ ngɔ fɔɛ Yawɛ, o Mawu ɔ nɔ he je ɔ, Siria matsɛ tabo ɔ tu fo kɛ je o he.

Kronika II, 20:15

Yahaziel de ke, “Nɛnɛ Yehoshafat, nyɛ Yuda bi, kɛ Yerusalem bi tsuo, nyɛɛ bu tue! Yawɛ ke nyɛ tsui nɛ ko po, nɛ nyɛ ko ye gbeye kaa nyɛɛ kɛ ta babauu nɛ ɔ ma ya kpe, ejakaa ta a, tsa pi nyɛ nɔ́; Mawu nitsɛ ta ji ta a!

Kronika II, 20:17

Pi nyɛ nɛ nyɛ maa hwu ta nɛ ɔ. Nyɛɛ lɛɛ nyɛ ya da nyɛ blɔ hehi ngɛ nyɛ ta a nya, nɛ nyɛɛ mlɛ; nyɛ maa na kunimi nɛ Yawɛ maa ye ha nyɛ. Nyɛ Yuda, kɛ Yerusalem bi, nyɛ ko ye gbeye, nɛ nyɛ tsui ko po. Hwɔɔmɛ a je hwɔɔ ɔ, nyɛɛ ya nɛ nyɛɛ kɛ mɛ ya kpe, ejakaa Yawɛ kɛ nyɛ ngɛ!”

Nehemia 4:8

Lɔ ɔ he ɔ, mɛ tsuo a so kaa a kɛ Yerusalem maa hwu ta nɛ a gudu lejɛ ɔ.

La 118:8

E hi kaa o sa we ngɛ Yawɛ ngɔ, pe nɔ́ nɛ o maa ngɔ o hɛ kɛ fɔ nɔmlɔ nɔ.

Yesaya 35:4

Nyɛ de nɔ tsuaa nɔ nɛ e tsui ngɛ poe ɔ ke, “Wlua mo, koo ye gbeye! Hyɛ, o Mawu ɔ ma nɛ e ba kpɔ mo! E ma nɛ e ba gbla o he nyɛli ɔmɛ a tue.”

Yeremia 42:11

Nyɛ ko ye Babilonia matsɛ ɔ gbeye hu. I kɛ nyɛ ngɛ, nɛ ma je nyɛ kɛ je e dɛ mi.

Daniel 10:19

E de mi ke, “Mo he manye! Mawu suɔ o sane saminya. Koo ye gbeye! Ko ha nɛ nɔ́ ko nɛ hao mo!” Benɛ e kɛ mi tu munyu nɛ ɔ, i na he wami he, nɛ i de lɛ ke, “Ye nyɔmtsɛ! I kpa mo pɛɛ, nɔ́ nɛ ngɛ o nya a, de mi; ejakaa o ha nɛ i na he wami.”

Zakaria 4:6

Mawu bɔfo ɔ de mi ke ma ngɔ Yawɛ sɛ gbi nɛ ɔ kɛ ya ha Zerubabel: “Pi o nyɛ́mi, loo o he wami nya; se ye mumi ɔ nɛ ma tsu enɛ ɔ. Yawɛ Tabohiatsɛ ɔ lɛ de.

Zakaria 8:23

Jamɛ a be ɔ, nibwɔhi maa je ma slɔɔtohi a mi kɛ ba Yuda; ni nyɔngma ma ba nu Yuda no kake nɛ a maa pɛtɛ e tade he, nɛ a ma de lɛ ke, ‘Waa kɛ mo maa ya, ejakaa wa nu kaa Mawu kɛ nyɛ ngɛ.’ ”

Zakaria 8:9

Yawɛ Tabohiatsɛ ɔ ke, “Munyuhi nɛ gbali ɔmɛ tu nyɛ benɛ nyɛ ngɛ ye we ɔ sisi tomi ɔ fiae ekohu ɔ, lɔ ɔmɛ nɔuu nyɛ ngɛ nue nɛ ɔ nɛ. Lɔ ɔ he ɔ, nyɛ wlua nyɛ kɛ tsu ní ɔ.

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

Efesobi 6:10

Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

Mose V, 20:1

“Ke o hia ta, nɛ o kɛ o he nyɛli yaa hwu, nɛ o na kaa he nyɛli ɔmɛ ngɛ zugba ta lɛhi, okpɔngɔhi, kɛ ta buli babauu pe mo ɔ, koo ye mɛ gbeye. Yawɛ, o Mawu ɔ nɛ kpɔ mo kɛ je Egipt zugba a nɔ ɔ kɛ mo ngɛ.

Mose V, 31:23

Jehanɛ, Yawɛ to Nun bi Yoshua si, nɛ e de lɛ ke, “Pee kã, nɛ o he nɛ wa. Mo nɛ o ma kpaka Israel ma a kɛ ya zugba a nɛ i wo mɛ e he si ɔ nɔ. I kɛ mo maa hi si.”

2 Timoteo 2:1

Lɔ ɔ he ɔ, ye bi, nɛ Mawu dloo wɔ nɛ wa ngɛ Kristo Yesu mi ɔ, o he nɛ wa.

1 Yohane 4:4

Bimɛ tsɔwi, nyɛɛ lɛɛ Mawu níhi ji nyɛ, nɛ nyɛ ye lakpa gbali ɔmɛ a nɔ kunimi. Ejakaa mumi nɛ ngɛ nyɛ mi ɔ, e he wa kulaa pe mumi nɛ ngɛ ni nɛmɛ nɛ a kɛ je ɔ ngɛ bɔe ɔ a mi.