Kronika II, 32:5 - BAIBLO ALOO NGMAMI KLƆUKLƆU Ɔ

⁵ Matsɛ ɔ dla Yerusalem ma a he fami ní ɔmɛ; gbogbohi nɛ ku ɔ, e kpale fia mɛ ekohu, nɛ e ma mɔhi ngɛ a nɔ; e fia gbogbo enyɔne hulɔ kɛ wo ma a he. Jehanɛ se hu, e dla Milo mɔ ɔ nɛ ngɛ David ma a mi ɔ, nɛ e sɔ kɛ̃ɛ̃hi kɛ tsɛ̃ihi babauu.

Kronika II, 32:5 ပူးပေါင်းရင်းမြစ်များ

Kronika II, 25:23

Israel matsɛ, Yehoash nu Yuda matsɛ Amazia, nɛ e kɛ lɛ ba Yerusalem. Benɛ a ba su Yerusalem ɔ, Yehoash ha nɛ a ku Yerusalem gbogbo ɔ gugue lafa ngɔ pue si kɛ je Efraim agbo ɔ nya, kɛ ya si kɔ nya agbo ɔ nya.

Matsɛmɛ I, 9:24

Benɛ Farao ɔ biyo, nɛ ji Salomo yo ɔ klɛ kɛ je David ma a mi kɛ ho lɛ nitsɛ e we nɛ Salomo po ha lɛ ɔ mi ya a, jamɛ a be ɔ nɛ Salomo ma Milo mɔ ɔ nɛ.

Matsɛmɛ II, 25:4

a ywia gbogbo ɔ nɛ a fia kɛ wo ma a he ɔ. Jamɛ a be ɔ mi ɔ, Babilonia bi ɔmɛ bɔle ma a kɛ kpe mohu, se matsɛ ɔ, kɛ ta buli ɔmɛ tsuo tu fo nyɔ ɔ mi. A gu matsɛ abɔɔ ɔ mi kɛ ya be ngɛ agbo ɔ nɛ ngɛ gbogbo enyɔ ɔmɛ a kpɛti ɔ nya; nɛ a ngɔ a yi ngɔ ka Yordan kɔ̃ ɔ mi blɔ.

Samuel II, 5:9

David hi mɔ nguaa a mi, nɛ e wo lejɛ ɔ biɛ ke “David ma.” David po ma kɛ bɔle si; e to ma a sisi kɛ je he nɛ a tloo zu ngɔ pue ɔ, kɛ ba mi blɔ.

Yeremia 39:4

Benɛ Yuda matsɛ, Zedekia kɛ e ta buli ɔmɛ tsuo na mɛ ɔ, a tu fo kɛ je ma a mi nyɔ ɔ mi. A gu matsɛ abɔɔ ɔ mi, kɛ ya be ngɛ agbo ɔ nɛ ngɛ gbogbo enyɔ ɔmɛ a kpɛti ɔ, nɛ a tu fo kɛ yaa Yordan kɔ̃ ɔ mi je.

Kronika II, 26:8

Amon bi ɔmɛ tsuɔ tó kɛ haa Uzia. Nɔ́ nɛ ɔ ha nɛ e matsɛ yemi ɔ ba he si, nɛ e biɛ pɛ wawɛɛ nitsɛ kɛ ya su Egipt tɔɔ.

Kronika II, 23:1

Manyɛ Atalia yi nɔ, jeha nɛ ji kpaago ɔ, osɔfo Yehoyada ba na kaa e su be nɛ sa kaa e pee nɔ́ ko. E kɛ asafoatsɛmɛ enuɔ so. Mɛ ji Yeroham bi Azaria, Yehohanan bi Ishmael, Obed bi Azaria, Adaya bi Maaseya, kɛ Zikri bi Elishafat.

Kronika II, 12:1

Benɛ Rehoboam matsɛ yemi ɔ ba da si ɔ, e kɛ e ma a tsuo kua Yawɛ mlaa a nɔ yemi.

Matsɛmɛ II, 12:20

Matsɛ Yoash tsɔli ɔmɛ so e yi nɔ nɛ a ti nihi enyɔ gbe lɛ ngɛ Milo we ɔ, ngɛ blɔ ɔ nɛ a guu kɛ yaa Sila a nɔ. Shimeat binyumu Yozakar, kɛ Shomer binyumu Yehozabad ji ni nɛmɛ nɛ gbe lɛ ɔ nɛ. A pu Yoash ngɛ matsɛmɛ ɔmɛ a yɔkɔ ɔ mi ngɛ David ma a mi, nɛ e binyumu Amazia ba ye matsɛ ngɛ e se.

Matsɛmɛ I, 11:27

Bɔ nɛ Yeroboam atuã tsɔmi sane ɔ ba ha ji nɛ ɔ nɛ. Salomo ngɛ Milo mɔ ɔ mae, nɛ e ngɛ e tsɛ David ma a he gbogbo ɔmɛ nɛ hule ɔ fiae ekohu.

Manyadali 9:6

Kɛkɛ nɛ Shekem kɛ Bet Milo bi ɔmɛ tsuo bua a he nya, nɛ a ya wo Abimelek matsɛ ngɛ Shekem, ngɛ tso ngua a kasa nya.

Abɛ Womi 25:28

Nɔ nɛ nyɛ we e he nɔ nɛ e ye ɔ, e ngɛ kaa ma nɛ a ba tua lɛ, nɛ a ku e gbogbo ɔmɛ kɛ pue si.

Kronika II, 33:14

Ní nɛ ɔmɛ a se ɔ, Manase fia gbogbo enyɔne ɔ ngɛ David ma a we beleku je ɔ nɔ kɛ ya hiɔwe. E fia nɔ kɛ je kɔ̃ ɔ mi ngɛ Gihon pa a kasa nya ngɛ omleyi je kɛ ya si lo agbo ɔ nya, hluu kɛ ya bɔle ma a nɛ a tsɛɛ Ofel ɔ. Jehanɛ hu, e ngɔ tatsɛmɛ ngɔ to Yuda mahi nɛ a fia gbogbo ngɔ wo a he ɔ tsuo a mi.

Yoel 2:8

nɛ nɔ ko be e nyɛmi hlami poe hulɔ. A maa gblee níhi a mi kɛ be slɔkee, nɛ nɔ́ ko nɔ́ ko be mɛ blɔ tsie.