Kronika II, 32:30 - BAIBLO ALOO NGMAMI KLƆUKLƆU Ɔ

³⁰ Matsɛ Hezekia nɛ ɔ nɔuu tsi Gihon pa a ngɛ yiti je nɛ e ha nɛ nyu ɔ ba be ngɛ David ma a bonyoku je. Nɔ́ tsuaa nɔ́ nɛ Hezekia pee ɔ, e ye manye ngɛ mi.

Kronika II, 32:30 ပူးပေါင်းရင်းမြစ်များ

Matsɛmɛ I, 1:33

e de mɛ ke, “Nyɛɛ ngɔ Salomo, kɛ ye tsɔli ɔmɛ kɛ ya Gihon. Salomo nɛ hi imi nitsɛ ye teji okpɔngɔ ɔ nɔ,

Matsɛmɛ I, 1:38

Kɛkɛ nɛ osɔfo Zadok, kɛ gbalɔ Natan, kɛ Yehoyada binyumu Benaya, kɛ matsɛ we bi a tabo ɔ ho nɛ a ya ngɔ Salomo ngɔ hi Matsɛ David teji okpɔngɔ ɔ nɔ, nɛ a nyɛɛ e se kɛ ya Gihon.

Matsɛmɛ I, 1:45

nɛ osɔfo Zadok, kɛ gbalɔ Natan ya pɔ lɛ nu, nɛ a wo lɛ matsɛ ngɛ Gihon. Nɛ́ a je lejɛ ɔ, a hwɔ lele kɛ nyɛɛ e se kɛ ba sɛ ma a mi; nɛ ma a mi pee hoo. Lɔ ɔ ji ngmlaa nɛ o nu ɔ nɛ.

Matsɛmɛ II, 20:20

Hezekia he sane kpahi, kã nɛ e pee, kɛ taku nɛ e tsua, kɛ e he nyu dɔ nɛ e gba nɛ e kɛ tsɛ nyu kɛ ba ma a mi ɔ, a ngma ngɛ Yuda Matsɛmɛ ɔmɛ a Yi nɔ Sanehi womi ɔ mi.

Kronika II, 26:5

Be mi nɛ Zakaria ngɛ je mi ɔ, Uzia sɔmɔ Yawɛ kɛ e tsui tsuo; enɛ ɔ he je ɔ, Yawɛ hu gbaa lɛ. Zakaria ji nɔ nɛ tsɔɔ Uzia Mawu gbeye yemi.

Kronika II, 32:3

e kɛ e ma nimeli ɔmɛ, kɛ e ta buli ɔmɛ na kpe, nɛ a to kaa a maa tsi vuhi nɛ ngɛ ma a nya a. A juɛmi ji, ke a tsi vu ɔmɛ nɛ Asiria bi ɔmɛ ba sɛ ma a mi ɔ, a be nyu nae. Lɔ ɔ he ɔ, ma nimeli ɔmɛ ya bua nihi babauu a nya nɛ a kɛ mɛ ya tsi vu ɔmɛ tsuo; pa nɛ bee ngɛ zugba a mi ɔ hu a tsi lɛ, nɛ nyu bi ngɛ mi hu.

Kronika II, 33:14

Ní nɛ ɔmɛ a se ɔ, Manase fia gbogbo enyɔne ɔ ngɛ David ma a we beleku je ɔ nɔ kɛ ya hiɔwe. E fia nɔ kɛ je kɔ̃ ɔ mi ngɛ Gihon pa a kasa nya ngɛ omleyi je kɛ ya si lo agbo ɔ nya, hluu kɛ ya bɔle ma a nɛ a tsɛɛ Ofel ɔ. Jehanɛ hu, e ngɔ tatsɛmɛ ngɔ to Yuda mahi nɛ a fia gbogbo ngɔ wo a he ɔ tsuo a mi.