Kronika II, 32:28 - BAIBLO ALOO NGMAMI KLƆUKLƆU Ɔ

²⁸ Jehanɛ hu, e pee nito hehi kɛ ha e blɛfo, wai, kɛ oliv nu; nɛ e po piɛ kɛ ha e nahi kɛ tohi.

Kronika II, 32:28 ပူးပေါင်းရင်းမြစ်များ

Kronika II, 26:10

E ma mɔhi ngɛ nga a nɔ hulɔ, nɛ e tsua vuhi fuu, ejakaa e ngɛ lohwehi babauu ngɛ kɔ̃ ɔ mi, kɛ nga a nɔ. Akɛnɛ e suɔ humi he je ɔ, e wo e ma mi bi ɔmɛ he wami, nɛ a hu wai ngmɔhi ngɛ yoku ɔmɛ a nɔ, kɛ kɔ̃ ɔmɛ a mi.

Matsɛmɛ I, 4:26

Salomo ngɛ okpɔngɔ tsu akpe nyingmi eywiɛ kɛ ha e ta zugba lɛ ɔmɛ, kɛ okpɔngɔ ta buli hu akpe nyɔngma kɛ enyɔ.

Samuel II, 7:8

“Lɔ ɔ he ɔ, mo de ye tsɔlɔ David ke, imi Yawɛ Tabohiatsɛ ɔ, i ngɛ lɛ dee ke, ‘Imi nɛ i ya ngɔ mo kɛ je lohwe lɛmi he, kɛ je tohi a se, konɛ o ba ye ganɔ ngɛ ye ma, Israel nɔ.

Mose I, 49:14

“Isakar ngɛ kaa teji nɛ e wuhi a mi tsa; E buu si ngɛ lohwehi a tsuhi a mi.

Kronika II, 32:27

Hezekia ba na ní babauu nitsɛ, nɛ nɔ tsuaa nɔ buɔ lɛ. E pee nito hehi, nɛ e to ní nɛ ɔmɛ ngɛ lejɛ ɔmɛ: sika tsu, sika hiɔ, tɛhi nɛ a he jua wa, tsopahi kɛ a he via, tsɛ̃ihi, kɛ ní kpa komɛ nɛ a he jua wa.

Kronika II, 32:29

Mawu ha Hezekia to, na, kɛ ní kpahi babauu nitsɛ, nɛ lɔ ɔ he je ɔ, e po mahi babauu.