Kronika II, 32:27 - BAIBLO ALOO NGMAMI KLƆUKLƆU Ɔ

²⁷ Hezekia ba na ní babauu nitsɛ, nɛ nɔ tsuaa nɔ buɔ lɛ. E pee nito hehi, nɛ e to ní nɛ ɔmɛ ngɛ lejɛ ɔmɛ: sika tsu, sika hiɔ, tɛhi nɛ a he jua wa, tsopahi kɛ a he via, tsɛ̃ihi, kɛ ní kpa komɛ nɛ a he jua wa.

Kronika II, 32:27 ပူးပေါင်းရင်းမြစ်များ

Abɛ Womi 10:22

Mawu gbaami lɛ peeɔ nɔ niatsɛ; dengme gbomi kɛ nɔ́ ko nɔ́ ko piɛ we he ha nɔ.

Kronika II, 17:5

Enɛ ɔ he je ɔ, Yawɛ ha nɛ e matsɛ yemi ɔ da si, nɛ Yuda ma a tsuo wo tó ha lɛ. E na ní kpɔtɔɔ, nɛ e hɛ mi ba nyami.

Kronika II, 9:27

Salomo yi nɔ ɔ, a pee we sika hiɔ, kɛ seda a he nɔ́ ko ngɛ Yerusalem; sika hiɔ ngɛ kaa tɛ, nɛ seda tso hu pɔ he kaa sikamore tso.

Kronika II, 1:12

Enɛ ɔ he je ɔ, i ha mo nile, kɛ nɔ́ sisi numi. Jehanɛ, ma wo mo ní, nɛ ma ha mo june, kɛ biɛ nɛ matsɛ ko matsɛ ko na we hyɛ. O se hu matsɛ ko matsɛ ko be nae kɛ mo maa sɔ.”

Matsɛmɛ II, 20:13

Hezekia he tsɔli ɔmɛ atuu, nɛ e tsɔɔ mɛ níhi tsuo nɛ a he jua wa ngɛ e nito he ɔmɛ, sika hiɔ, sika tsu, tsopa kɛ e he via, nu nɛ he jua wa, kɛ e ta hwumi níhi a tsu ɔ. Nɔ́ ko be e we ɔ mi, aloo e nɔ yemi he ɔ tsuo nɛ e tsɔɔ we mɛ.

Kronika II, 32:26

Se nyagbe ɔ, Hezekia kɛ Yerusalem ma mi bi ɔmɛ ba a he si. Lɔ ɔ he ɔ, Yawɛ gbla we ma a tue kɛ ya si Hezekia gbenɔ se.

Kronika II, 32:28

Jehanɛ hu, e pee nito hehi kɛ ha e blɛfo, wai, kɛ oliv nu; nɛ e po piɛ kɛ ha e nahi kɛ tohi.

Ezekiel 26:12

O he nyɛli ɔmɛ ma kpɔ ní nɛ o ná a ngɛ o dɛ, nɛ a maa ha o guɛ ní. A maa ku o gbogbo ɔmɛ kɛ, o we saminyawiiwi ɔmɛ. A maa muɔ tɛ ɔmɛ kɛ tso ɔmɛ, kɛ zu ɔ tsuo kɛ ya pue wo mi.

Samuel I, 2:7

Yawɛ lɛ peeɔ nɔ ohiatsɛ, nɛ e peeɔ nɔ niatsɛ. E baa nɔ si, nɛ e woɔ nɔ nɔ.

Kronika I, 29:28

E na ní babauu, nɛ a buu lɛ hulɔ. E bwɔ kotokoto loko e gbo, nɛ e bi Salomo ba ye matsɛ ngɛ e se.